मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
मुक्तक
वाट कोणी देत नसतो, वाट व्हावे लागते!
गाठण्यासाठी किनारा लाट व्हावे लागते!
चोरवाटा, आडवाटा लोपती वाटेमधे,
गाठ शिखरांशी पडाया घाट व्हावे लागते!!
>..........प्रा.सतीश देवपूरकर
गझल
वाट हरवते फुलांत तेव्हा, काट्यांनाही वाट पुसावी!
वाटसरूने वाटेवरच्या वळणांनाही वाट पुसावी!!
हृदयामध्ये गाणे असले की, जगणेही गाणे होते;
जगणे खडतर होते तेव्हा, गाण्यांनाही वाट पुसावी!
काळजातल्या अमूर्त ओळी अडखळती ओठांवर येता;
अशाच वेळी, गुणगुणताना, शब्दांनाही वाट पुसावी!
चार पावलांवर घर अन् मी हुडकायाला वणवण केली......
थोर मिळाले थोर, अन्यथा पोरांनाही वाट पुसावी!
उशी करावी धरणीची अन् नभ घ्यावे पांघरण्यासाठी;
दिशाभूल करतात दिशा तर....वा-यांनाही वाट पुसावी!
चांदण्यातल्या भेटीगाठी, रुसवे फुगवे, नभही साक्षी;
पुन्हा जायला त्या वळणावर, ता-यांनाही वाट पुसावी!
पैलतीर जाणवतो जीवा, दिशा नेमकी उमजत नाही!
वाटचाल करताना वेड्या, लाटांनाही वाट पुसावी!!
-------प्रा.सतीश देवपूरकर
भूशास्त्र व खानिज तेल तंत्रद्न्यान विभाग,
नौरोसजी वाडिया महाविद्यालय, पुणे.
फोन नंबर: ९८२२७८४९६१
छान आहे. आवडली.
छान आहे. आवडली.
अतिशय सुंदर. हृदयामध्ये गाणे
अतिशय सुंदर.
हृदयामध्ये गाणे असले की, जगणेही गाणे होते;
जगणे खडतर होते तेव्हा, गाण्यांनाही वाट पुसावी!. .... हे खुपच आवडले.
मुक्तक...अफलातून
अभिनंदन.
बेहतरीन गझल सर
बेहतरीन गझल सर ...............
प्रस्तावनेखातर दिलेले २ शेरही जबराट आहेत अगदी !!
छान
छान
वाह!! मस्तच!!
वाह!! मस्तच!!