जगभरात विखुरलेल्या अनेक मायबोलीकरांच्या सहभागाने ’मायबोली शीर्षकगीत’ संगीतबद्ध करणं हा उपक्रम
म्हणजे एक फार मोठं आव्हान. पण आपले ज्येष्ठ मायबोलीकर श्री. योगेश जोशी यांनी (योग) घेतलेली अपार मेहनत, त्यांना गायक मायबोलीकरांनी तितक्याच तळमळीने दिलेलं सहकार्य, आणि मायबोलीच्या संस्थापकांनी यात जातीने लक्ष घालून संबंधितांशी संपर्क साधून दिलेला सल्ला, सूचना, मार्गदर्शन तसंच ऍडमिन, व्यवस्थापन समिती आणि या विषयातील तज्ञ मायबोलीकर यांचा सक्रीय सहभाग या सार्यामुळे हे काम सुकर झालं आणि अतीशय योजनाबद्ध रीतीने पार पडलं.
योगेश जोशी(योग) :
सिनिअर माबोकर म्हणून कुठेही आढ्यतेचा लवलेश नाही. संगीत क्षेत्रातलं आणि तत्संबंधी तंत्रज्ञानातलं उत्तम ज्ञान आणि अनुभव असूनही बढाया मारण्याची वृत्ती नाही. अगदी down to earth माणूस. गायक माबोकरांच्या चुका/त्रुटी स्पष्टपणे पण मार्दवपूर्ण शब्दात सांगण्याची, समजवण्याची धाटणी. प्रत्येकाकडून जास्तीत जास्त चांगलं करवून घेण्याचं कसब. वेळ आणि वेग यांचं संतुलन राखत अतिशय शांत चित्ताने, हसतमुख राहून स्वत:च्या घरातलं कार्य असल्यासारखा हा माणूस झटला. “योग यांना बघून तर झपाटलेपण काय असतं याची प्रचिती आली” असं अनिताताईंनी म्हटलंय ते तंतोतंत खरं आहे.
स्वत: झटून, सर्वांचं सहकार्य मिळवून हे सर्व घडवून आणलं याबद्दल त्यांचं कौतुक करावं तितकं थोडंच आहे. अशा टीम-लीडरबरोबर काम करणं हा खूप आनंददायक अनुभव असतो. हा आनंद सर्व संबंधित माबोकारांनी अनुभवला असेलच.
माबोकर गायक, गायिका :
यांचं योगदान तर खूपच महत्वाचं. दिलेल्या सूचनांनुसार त्यांनी गीताची नियमित तालीम केल्यामुळे प्रत्यक्ष रेकॉर्डिंगच्या वेळी त्यामानाने कमी रिटेक्स घ्यावे लागले. काही प्रसंगी गीतातील काही विशिष्ट जागा घेताना जरी ३-३/४-४ रिटेक्स झाले तरी सांगितलेले बदल अंमलात आणून, न कंटाळता सर्वांनी योगेशना संपूर्ण सहकार्य दिलं. खरं तर यातल्या प्रत्येक गायकाला ही गोष्ट माहित आहे की, जरी संपूर्ण गीत त्याच्या / तिच्याकडून गाउन घेतलेलं असलं तरी प्रत्येकाने गायलेल्या एखाद-दुसर्या निवडक ओळीचा अंतर्भाव गीतात केला जाणार आहे. “एकाच काय, अर्ध्या ओळीचा अंतर्भाव जरी झाला/न झाला तरी आपण सर्व मिळून काहीतरी चांगलं घडवतोय, हेच मोठं समाधान आहे” अशा स्वरूपाचे उद्गार त्यांच्याकडून ऐकल्यावर मन भरून आलं, फार पूर्वी ऐकलेल्या एका गीताच्या ओळी आठवल्या -----
"असू आम्ही सुखाने पत्थर पायातील
मंदिर उभविणे हेच आमुचे शील"
एक सुंदर कलाकृती निर्माण करायची हे सर्वांचं ध्येय. ध्येय ही एक प्रकारची नशा (अर्थातच उदात्त अर्थाने) असते. आणि ध्येयपथावर स्वत:ला झोकून देऊन निरंतर मार्गक्रमण करणं हीदेखील तितकीच नशा, ’मधुशाला’ मधे हरिवंशरायजी बच्चन यांनी म्हटल्याप्रमाणे :
“मदिरा पीने की अभिलाषा ही बन जाए जब हाला
अधरों की आतुरता में ही जब आभासित हो प्याला”
गेले काही महिने सगळेच या उदात्त नशेने, ध्येयाने झपाटलेले होते.
पण या सगळ्यात माझा प्रत्यक्ष सहभाग अगदीच नगण्य. कारण ना मी गाऊ शकत, ना गीताबरोबर प्रकाशित होणार्या व्हिज्युअल इफेक्ट्स बाबत स्वत: काही ठोस करू शकत. त्यामुळे moral support इतकीच काय ती माझी मदत.
असो .....
कला, तंत्रज्ञान आणि मायबोलीकरांनी ’आपल्या मायबोलीचा उपक्रम’ यशस्वी करण्यासाठी आत्मीयतेने घेतलेली मेहनत; अशा त्रिवेणी संगमातून एक सृजनसोहळा सांघिकरीत्या घडतोय, शीर्षक गीतातल्या या ओळी :
मिटवून अंतराला, जोडून अंतरांना
ही स्नेहजाल विणते विश्वात 'मायबोली'
प्रत्यक्ष साकार होताना दिसतायत आणि मीही या सृजनसोहळ्यातला एक छोटासा अंश आहे हे माझं परमभाग्य.
.... उल्हास भिडे
मायबोली शीर्षकगीताची झलक पहा:
झलक मधील गाय़कः
१. मायबोली आलापः भुंगा (मिलींद पाध्ये)
२. धृवपदः अनिताताई (अनिता आठवले), योग (योगेश जोशी)
३. समूहः मुंबई, पुणे, दुबई येथिल सर्व गायक
संपूर्ण श्रेयनामावली:
मुंबई: रैना (मुग्धा कारंजेकर), अनिताताई, प्रमोद देव, भुंगा, सृजन (सृजन पळसकर- मायबोलीकर युगंधर व भानू यांचा मुलगा)
पुणे: विवेक देसाई, सई (सई कोडोलीकर), पद्मजा_जो (पद्मजा जोशी), स्मिता गद्रे, अंबर (अंबर कर्वे), सायबर मिहीर (मिहीर देशपांडे)
दुबई (सं. अरब अमिराती): देविका आणि कौशल केंभावी (मायबोलीकर श्यामली ची मुले), सारिका (सौ. योग), दीया (योग व सारिका ची मुलगी), वर्षा नायर, योग
कुवेतः जयावी- जयश्री अंबासकर
ईंग्लंडः अगो (अश्विनी गोरे)
अमेरिका: पेशवा, अनिलभाई
ऑडियो व्हिज्युअल टीम - आरती खोपकर (अवल), नंदन कुलकर्णी (नंद्या), हिमांशु कुलकर्णी (हिम्सकूल) आणि आरती रानडे (RAR)
खूपच छान
खूपच छान
छान! भरून आलं ऐकताना. सर्व
छान! भरून आलं ऐकताना. सर्व सहभागी कलाकारांचं अभिनंदन!
सुंदर. भुंगा ह्यांची सुरुवात
सुंदर.
भुंगा ह्यांची सुरुवात सॉलीड्ड. योग चे गायन ऐकताना वा त्यातही 'भाषा मराठमोळी' हे उच्चार ऐकताना प्रकर्षाने वाटले, सुधीर फडकेच गात आहेत. तबल्याचा ठेका मस्त!!!
सुंदर. फारच मस्त. जबरदस्त
सुंदर. फारच मस्त. जबरदस्त झालेय शिर्षकगीत/
असा नेटवरचा पहिलाच प्रयत्न
असा नेटवरचा पहिलाच प्रयत्न असणार बहुतेक.)
>>> अगदी अगदी. दिनेशदा + १
हा असा अतिशय अभिनव उपक्रम अजून जास्त लोकांपर्यंत पोहोचावा असं वाटतं. वर्तमानपत्रात हा अनुभव लिहून पाठवा कोणीतरी टीममेंबरनी. आणि जर टिव्हीवरही याची प्रसिध्दी करता येण्यासारखी असली तर नक्कीच करावी असंही वाटतं.
मामी ......
मामी ...... अनुमोदन.
जगभरातल्या अनेक मायबोलीकरांचा यात सहभाग आहे.
अनेक जण एकत्र येऊन काही चांगलं करू शकतात याचं हे एक उत्तम उदाहरण आहे.
मामी, भिडेकाका, जिथे
मामी, भिडेकाका,
जिथे इंटरनेटवर आख्खे 'कोलावेरी' हिट होऊ शकते तिथे इतर मिडीया आपोआप गीताची दखल घेईल.
बरोबर रैना. पण
बरोबर रैना. पण मायबोलीशीर्षकगीताचा एकूण प्रवास आणि पडद्यामागची कथाही खूप इंटरेस्टिंग आहे.
मामी, रैना, शीर्षकगीत हा
मामी, रैना,
शीर्षकगीत हा मायबोलीच्या अनेक उपक्रमातला एक उपक्रम. त्यामुळे केवळ शीर्षकगीताचाच नव्हे तर संपूर्ण 'मायबोली' चा प्रवास मराठी बांधवांपर्यंत पोहोचणं आवश्यक वाटतं. जगभरातल्या मराठी बांधवांना एकत्र आणणार्या या वेबसाइटचा परिचय हजारों लाखोंना व्हायला हवा.
आज वाचले गीत... अत्यंत समर्पक
आज वाचले गीत...
अत्यंत समर्पक गीत आहे......खुप्प आवडले.
उकाका तुम्हाला एक जादुकी झप्पी
मस्त!!
मस्त!!
व्वा व्वा....क्या बात है!
व्वा व्वा....क्या बात है!
गाण्याबद्दल (ऑडिओ) इ-पत्राने
गाण्याबद्दल (ऑडिओ) इ-पत्राने सविस्तर प्रतिक्रिया दिली होतीच.
व्हिज्युअल्सही एकदम झकास !
योग ह्याचे विशेष अभिनंदन !!!
तसेच श्री. उल्हास भिडे ह्यांचे (पुन्हा एकदा ) आणि सर्व गायक व वादक कलाकार, तंत्रज्ञ ह्यांचे मनःपूर्वक अभिनंदन !!!
उत्कृष्ट टीमवर्क !
- राफा
अरे व्वा... मस्त... सर्वांचे
अरे व्वा... मस्त... सर्वांचे अभिनंदन...:)
सर्वांगसुंदर टीमवर्क! सहभागी
सर्वांगसुंदर टीमवर्क! सहभागी सर्वांचे मनःपूर्वक कौतुक आणि अभिनंदन!
खुपच भन्नाट जमले आहे
खुपच भन्नाट जमले आहे शिर्षकगीत.
अप्रतिम, व्हिज्युअल्स
अप्रतिम, व्हिज्युअल्स लाजवाब!!!
अप्रतिम
अप्रतिम
अप्रतिम झालेय गीत ! अभिनंदन
अप्रतिम झालेय गीत !
अभिनंदन सगळ्यांचे
सुंदर झलक... पूर्ण गाण्याच्या
सुंदर झलक... पूर्ण गाण्याच्या प्रतीक्षेत.
सगळ्या कलाकारांचे अभिनंदन!
उकाका... छान झालंय .. बाकी
उकाका... छान झालंय .. बाकी गाणही लवकर करा....
यंदाच्या मराठी राजभाषादिनाला सगळीकडे हेच पोहोचावं ... कारण जगभरातल्या मराठी मुलांची मायेन मायेला घातलेली साद आहे ही.
मस्तच झालय की हे. सर्वांचं
मस्तच झालय की हे. सर्वांचं मनःपूर्वक अभिनंदन!
अप्रतीम्,,,या उपक्रमात सहभागी
अप्रतीम्,,,या उपक्रमात सहभागी झालेल्या सर्वांचे हार्दिक अभिनंदन..!
खूप छान! सर्वांचं मनःपूर्वक
खूप छान! सर्वांचं मनःपूर्वक अभिनंदन!!
मस्तच! पुर्ण गीताच्या
मस्तच! पुर्ण गीताच्या प्रतिक्षेत!
सुरेख झालं आहे शीर्षकगीत.
सुरेख झालं आहे शीर्षकगीत. सर्व कलाकारांचे मनापासून अभिनंदन
मस्त ! मनःपूर्वक अभिनंदन !
मस्त ! मनःपूर्वक अभिनंदन !
अरे, सही आहे हे!
अरे, सही आहे हे!
खूप छान! सर्व टीम चं
खूप छान! सर्व टीम चं मनःपूर्वक अभिनंदन!!
अगदी भरुन आल हे गाण
अगदी भरुन आल हे गाण ऐकतांना..... ग्रेट!! सगळ्या टिम ला आणि मायबोली ला सलाम!!
Pages