रगडा पॅटिस पाणीपुरीवर फरसाणही दिसले -

Submitted by विदेश on 20 August, 2011 - 14:08

(चाल: ब्रह्मा विष्णू आणि महेश्वर सामोरी बसले-)

रगडा पॅटिस पाणीपुरीवर फरसाणही दिसले
मनीं हे ' फस्त करू ' म्हटले .. |धृ|

जाय उभी ही गाडी करुनी
पुढ्यात, भैया पाहे वळुनी -
हॉटेलवाले शांत बिचारे गल्ल्यावर सुकले .. |१|

पाणी भयंकर सुटता तोंडी
खमंग बनते शेव पापडी
रिक्षामधले प्रणयपाखरू खुषीत का हसले .. |२|

तुमची ' माया ' - माझी किमया
कृतार्थ झालो , म्हणतो भैया -
भेळकचोरीसाठी गिऱ्हाईक खोळंबुन बसले .. |३|

गुलमोहर: 
शब्दखुणा: 

छान

तुमची ' माया ' - माझी किमया
कृतार्थ झालो , म्हणतो भैया - >> मस्त जमलेय Lol

पाणीपुरीच्या चवीची किमया
पाहिली आम्ही टिवीवर भैया
तांब्या तुमचा नळही तुमचा ठाण्यामध्ये दिसले.