Submitted by -शाम on 19 July, 2011 - 00:42
माझ्या काळ्या आईसाठी येई घेऊन तू धारा
तुझ्या वाचून पावसा जन्म माझा रे अधुरा..||
उडे धूळ आभाळात
कशी कवळून धरू
माय पडते उघडी
बघे उदास लेकरू
डोळा सपान पाहतो रंग हिरवा गहिरा..|| तुझ्या..
वनवनती पाखरे
सुन्या सुन्या शिवारात
टाहो रानात गुरांचा
बाळ रडते घरात
मुक्या जीवांच्या मुखात कोण भरविल चारा|| तुझ्या..
झोपडीतल्या आईची
छाती भरु दे दुधानं
ठावं नाही तान्हुल्याला
तुझं असं येणं जाणं
माऊलीच्या कुशीतून आज आलाया बाहेरा|| तुझ्या..
तुझ्या सोबतीनं देवा
पिकवीन ही जमीन
घाम गाळून फेडीन
उभ्या जगताचं रिन
भाव भाबड्या मनाचा घेई वळकून सारा..|| तुझ्या..
.......................................................शाम
गुलमोहर:
शेअर करा
छान आहे. कवितेत गेयता आहे.
छान आहे. कवितेत गेयता आहे.
धन्यवाद, रश्मी!
धन्यवाद, रश्मी!
छान ! गाण्यासारखे गाता येईल.
छान !
गाण्यासारखे गाता येईल.:स्मित:
दिवस कोणते लिहताय काय? (पापड
दिवस कोणते लिहताय काय?
(पापड लोणच्या बद्दल बोलत नाहीए )
पण आवडली बर्का...
वाह!
वाह!
भन्नाट अष्टाक्षरी. खूप खूप
भन्नाट अष्टाक्षरी. खूप खूप आवडली शेठ.
अंजली, ऋतू, डॉक्टरसाहेब आणि
अंजली, ऋतू, डॉक्टरसाहेब आणि जुई...खूप खूप आभार!
सहज आणि आशयपूर्ण "घाम गाळून
सहज आणि आशयपूर्ण
"घाम गाळून फेडीन
उभ्या जगताचं रिन"
..... हे अधिक आवडलं
माझ्या काळ्या आईसाठी येई घेऊन
माझ्या काळ्या आईसाठी येई घेऊन तू धारा
तुझ्या वाचून पावसा जन्म माझा रे अधुरा..||
खूप सुंदर.....
सुंदर कविता.
सुंदर कविता.
भिडे साहेब, माऊ आणि मुटेजी
भिडे साहेब, माऊ आणि मुटेजी खूप खूप आभार!
सुंदरच.
सुंदरच.
फार सुंदर आणि गेय आहे... अधिक
फार सुंदर आणि गेय आहे...
अधिक आपल्याला संपर्कात लिहिले आहे.. आपले मत जरूर कळवा..
वा शाम, किती सुर्रेख कविता
वा शाम, किती सुर्रेख कविता आहे ही.......ग्रामीण भाषेचा बाजही किती छान सांभाळलाय......
आहाहा....लाजवाब!
आहाहा....लाजवाब!