Submitted by sanika11 on 8 February, 2009 - 21:43
आकाशी हसतोय पुनवेचा चांदवा,
सख्या मला आता झोपाळी झुलवा
चाफ्याच्या सुगंधासवे नदीचा गारवा;
देहामनात घुमतोय प्रितीचा पारवा,
नाजुक या कळीला मायेने खुलवा;
सख्या मला आता झोपाळी झुलवा
शुभ्र प्रकाशात सावळी नितळ काया;
वसंतातील मी, नका दौडवू क्षण वाया,
शांत एकांतात रातराणीला भुलवा;
सख्या मला आता झोपाळी झुलवा
सोडून द्या समोरचा मद्याचा प्याला;
तुमच्याविना जीव कासावीस झाला,
मोकळ्या नभी या चांदणीला फुलवा;
सख्या मला आता झोपाळी झुलवा
प्रेम आवेगाने तुम्ही मला सजवा,
कुशीच्या उबेत हळू मला जोजवा,
आकाशी हसतोय पुनवेचा चांदवा;
सख्या मला आता झोपाळी झुलवा
गुलमोहर:
शेअर करा
आपली इच्छा
आपली इच्छा सफल हो !
.........................................................................................................................
http://kautukaachebol.blogspot.com/
सानिका, कवि
सानिका,
कवितेची कल्पना, शब्द, भावना छान आहेत. पण तरीही थोडी बदलली तर कसे?
"आकाशी हसतोय | पुनवेचा चांदवा,
सख्या मला आता | झोपाळी झुलवा
चाफ्याच्या सुगंध | नदीचा गारवा;
मनात घुमतोय | प्रीतीचा पारवा,
नाजुक कळीला | मायेने खुलवा;
सख्या मला आता | झोपाळी झुलवा
पांढर्या प्रकाशी | नितळ ही काया;
वसंतात मी, | जाऊ नये वाया,
शांत एकांती | रातराणी भुलवा;
सख्या मला आता | झोपाळी झुलवा
फेका तो समोरचा | मद्याचा प्याला;
जीव माझा तुझ्याविन् | कासाविस झाला,
मोकळ्या नभी या | चांदणीला फुलवा;
सख्या मला आता | झोपाळी झुलवा
प्रेम आवेगाने | तुम्ही मला सजवा,
कुशीच्या उबेत | हळू मला जोजवा,
आकाशी हसतोय | पुनवेचा चांदवा;
सख्या मला आता | झोपाळी झुलवा"
मात्रा न मोजता फक्त लय ध्यानात घेऊन मी उपरोक्त बदल सुचवला आहे. कसा वाटतो ते वाचकांनी ठरवावे.
शरद
शरद छान
शरद छान .
सानिका छान कविता .
काश, आप
काश, आप लडकी होते .....
सस्नेह...
विशाल.
____________________________________________
कलिकालभुजंगमावलीढं निखिलं धर्मवेक्ष्य विक्लवं य: !
जगत: पतिरंशतोवतापो: (तीर्ण:) स शिवछत्रपतिजयत्यजेय: !!
छान
छान