सहा ट्राउट - ड्रेस्ड म्हणतात किंवा बोन्ड अॅन्ड बटरफ्लाइड म्हणतात. अख्खा मासा, आतून साफ करून, खवले काढलेला मिळतो.
वाटण : खालील साहित्य अगदी थोडं पाणी घालून वाटावे. खोबरं सर्वात शेवटी घालावे. खोबरं अगदी बारीक होऊ नये पण बाकीचे पदार्थ बारीकक झाले पाहिजेत.
-१ कप ओलं, खोवलेलं खोबरं
-६-८ हिरव्या मिरच्या
-एक जुडी कोथिंबीर
-अर्धा इंच आलं
-एक टी स्पून जिरं
-३-४ पाकळ्या लसूण
हळद, तिखट, मीठ, मालवणी मसाला, तेल , आमचूर पावडर किंवा चिंचेची पावडर .
लिंबू
सगळे ट्राऊट नीट एका लेयरमधे मावतील एवढा ट्रे.
ट्राउट धुऊन, कोरडे करून त्याला आतून बाहेरुन हळद-तिखट-मालवणी मसाला-आमचूर-मीठ-थोडा लिंबाचा रस लावून मुरु द्यावे. फ्रीजमधे १०-१२ तास, किंवा बाहेर तासभर. ट्राउटला बाहेरुन तिरक्या, एकास एक पॅरलल अशा २-३ चिरा द्यावात दोन्ही साइडनी. त्यात सुद्धा हा मसाला नीट लागायला हवा.
ओव्हन ३५० ला गरम करायला लावावे. वाटणात मीठ व लिंबाचा रस घालून सारखे करून घ्यावे.
ट्राउटमधे वाटण भरून दोर्याने गुंडाळावे. नीट गच्च भरले गेले पाहिजे.
बेकिंग ट्रे मधे तळाला थोडे तेल पसरून घ्यावे. त्यावर ट्राउट ठेवून फॉइलने गच्च झाकावे. व ३५० वर २०-२५ मिनिटे बेक करावे. पाहिजे असल्यास शेवटची २-३ मिनिटे फॉइल काढून ब्रॉइल करु शकता.
दोरा कापून, लिंबाच्या चकत्या व बारीक चिरलेली कोथिंबीर घालून सजवावे.
६ ट्राउटच्या हिशोबाने लिहिलंय साहित्य. वाटण माशांच्या संख्येप्रमाणे कमी जास्त करावे.
मस्त रेसेपी मेधा.
मस्त रेसेपी मेधा.
का असे रेसिपी टाकून छळतेस
का असे रेसिपी टाकून छळतेस
छान आहे रेसिपी. स्कीनवाला
छान आहे रेसिपी. स्कीनवाला घ्यायचा का? केला नाही असा ट्राऊट.
आर्च, हो गं , मी नेहमी
आर्च, हो गं , मी नेहमी स्किनवालेच आणलेत. मस्त क्रंची होते स्किन थोडं ब्रॉइल केलं की !
मस्तच रेसिपी. नक्की करुन
मस्तच रेसिपी. नक्की करुन पाहीन