अमुची मायबोली
मायमराठी नव्या युगाचा
साज नवा हो ल्याली
रंग मराठी उधळत आली
अमुची मायबोली.....||धृ||
गुलमोहराचे बहर जणू हे
कथा कविता गझला
रंगबिरंगी लेखमालिका
अवघा धागा सजला
हितगुज करती एकमेकीशी
कला गुणांच्या वेली....||१||
कुणी दाखवी पाककला तर
कुणी दाखवी किल्ले
कुणी चालवी अपुला धागा
इथे झेलुनी हल्ले
लुटूपुटूची शब्द लढाई
हसू उमटते गाली......||२||
मायबोली-शीर्षकगीत
भाषा मराठमोळी, हर अंतरी फुलावी
घेउनी ध्यास आली उदयास ‘मायबोली’ ║धृ║
मिटवून अंतराला, जोडून अंतरांना
ही स्नेहजाल विणते, विश्वात ‘मायबोली’ ║१║
सदरांच्या पदरांनी, प्रत्यंगी नटलेली
साहित्य वाङ्मयाची, ही खाण ‘मायबोली’ ║२║
सार्या कलागुणांना, दे वाव मायबोली
सार्या नवोदितांची, ही माय ‘मायबोली’ ║३║
चर्चा, मतांतरांची, अन् वादविवादांची
परिणती सुसंवादी, घडविते ‘मायबोली’ ║४║
सहजीच जीवनाचा, अविभाज्य भाग झाली
अमुच्या मनी विराजे, अभिजात ‘मायबोली’ ║५║
मायबोली शीर्षकगीत स्पर्धा : "ज्योतीने तेजाची आरती..." - नियम
"ज्योतीने तेजाची आरती..." या मायबोली शीर्षकगीत स्पर्धेसाठी आलेल्या सर्व प्रवेशिका इथे एकत्र दिल्या आहेत.
टीप : स्पर्धेसाठी येणार्या प्रवेशिका संयोजकांकडून त्या त्या धाग्यावर हेडरमधेच दिल्या जातील. कृपया धाग्याच्या प्रतिसादात कोणत्याही स्पर्धेच्या प्रवेशिकांच्या लिंक्स देऊ नयेत.
***************************************************
प्रवेशिका :
मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.