हा काही नवीन पदार्थ नाही. पुर्वी फॉईलवर पालकाची पाने पसरून त्यांचा अळुवडीप्रमाणे रोल केला होता. पण त्यापेक्षा हि कृति खुपच सोपी आहे.

१) पालकाची किंवा अळूची जी पाने घेतली असतील त्याचे शिरा वगळून मोठे मोठे तूकडे करून घ्या.
२) बेसनात दही वा कोळ आणि बाकी मसाले घालून भज्यांसाठी भिजवतो त्यापेक्षा थोडे घट्ट भिजवा. (हे थोडे जास्त तिखट / आंबट असू द्या)
३) कूकरच्या डब्याला तळाशी पुसटसा तेलाचा हात लावा.
४) त्यावर पालकांच्या पानाचा एक थर द्या
५) पण बाकिचे तूकडे बेसनात घोळवून वर पसरत जा आणि त्याचे थर करा.
६) वरचा थर जमल्यास नुसत्या पानांचा द्या किंवा शिल्लक राहिलेला घोळ वर ओता (जे काही उरेल त्यावर अवलंबून)
७) कूकरमधे शिटी न ठेवता २० मिनिटे वाफवा.
८) पूर्ण थंड झाले की आवडीप्रमाणे वड्या कापा.
९) पथ्यासाठी या नुसत्यास कोथिंबीर घालून खाता येतील, नाहीतर तेलाची तीळ, जिरे मिरची घालून फोडणी करून वर ओता, व खोबरे कोथिंबीर पसरून घ्या किंवा फोडणीत परता किंवा शॅलो फ्राय करा.

.

-३ कप बासमती तांदूळ धुवून ६ कप पाणी व मीठ घालून मोकळा शिजवून घ्या. शिजवताना त्यात १ चमचा तुप घाला.
- पॅन मधे तेलाची फोडणी करून त्यात खडा मसाला, जीरं , मिरची-लसूण-आलं पेस्ट , हळद घाला,
-यावर बटाटा घालून अर्धवट तळून घ्या.
-बटाटा अर्धा शिजला की त्यात कांदा घाला.
- नंतर पालक आणी मटार घालून एक वाफ द्या.
- गरम मसाला, मीठ, दही घालून त्यावर शिजवलेला भात घालून परता.

ब्रेड स्लाईस च्या कडा सुरीने काढुन टाकाव्या,
पनीर चे साधारण दिड ईंच x अर्धा ईंच असे तुकडे करुन घ्यावे,
धुतलेल्या पालकाची पाने, हिरमी मीरची, लसुण मिक्सर मधे बारीक करुन घ्यावे,
त्यात चवी प्रमाणे मीठ आणि अर्धा कप पाणी घालावे,
हिरव्या रंगाच्या या मिश्रणात कडा काढलेल्या स्लाईस एक - एक करुन भिजवाव्या,
हाताने मळुन त्या मिश्रणाचा गोळा तयार करा [साधारण थालपिठाच्या पिठा सारखा गोळा तयार होतो],

छोटा गोळा घेउन तळव्यावर गोल चकती करावी, पुरीच्या आकाराची, त्यावर पनिर चा एक तुकडा ठेउन,
तो तुकडा पुर्ण झाकला जाईल अशाप्रकारे गुंडाळावी.

तापलेल्या तेलात तळावे, सॉस बरोबर खाण्यास द्यावे.

बटाट्याची साले काढून घ्या. कांदा बारिक चिरुन घ्या. तूप वा बटर तापवून त्यात थोडा हिंग घाला व चिरलेला पालक घाला. ( फ़्रोझन वा टिनमधला पालक वापरत असाल, तर हे केले नाही तरी चालेल ) झाकण न ठेवता परता. रंग बदलला कि काढून घ्या. लाल मिरच्यांची फ़ोडणी करुन मग त्यात कांदा घाला. तो गुलाबी झाला कि बटाटे घाला. मंद आचेवर परतून बटाटे सोनेरी करुन घ्या. मग त्यात फ़ोडी बुडतील एवढे पाणी घाला. एक उकळी आली कि पालक घाला. उकळू द्या. फ़ोडी नरम शिजल्या कि मीठ घाला. मग गॆस अगदी मंद करुन क्रीम घाला. क्रीम घातल्यावर उकळायचे नाही. (नाहीतर तूप वेगळे होते ) नुसतेच गरम करा. मग खाली उतरुन वरुन धणा जिरा पावडर घाला.

*ताजा असल्यास पालक धुवून, चिरून तेलावर मिनिटभर परतून घ्यावा. फ्रोझन वापरत असाल तर थॉ करून त्यातलं पाणी काढून टाकावं. हलका तेलावर परतून घ्यावा.
*डब्यातलं आयतं रिकोटा चीज गाळणीत घेऊन त्यावर थोडं पाणी घालून नीट निथळून घ्यावं. (विकतच्या गोळेदार रिकोटाचीजला एक बुळबुळीतपणा आणि वास असतो, तो काढून टाकण्यासाठी.) ताजं पनीर वापरत असाल तर कुस्करुन घ्यावं.
*आता चीजमधे गार्लिक सॉल्ट (ते किती घातलंय ह्यावर मीठ किती घालायचं ते ठरवा), हर्ब पावडर, मिरपूड घालून नीट एकत्र करावं.
*ब्रेडचे स्लाइसेस (कडा काढून) कुस्करून ह्यात घालावे.
*पालक घालून मिसळून घ्यावं.
*सगळ्यात शेवटी अंड फेटून घालावं.
*साधारण 'तयार' गुलाबजामच्या आकाराचे गोळे करावेत.
*ब्रेडक्रम्स मधे घोळून, वर ऑलिव्ह ऑइल चोपडून ३५० वर १५-२० मिनिटं बेक करावेत. (आकारानं चपटे करून शॅलो फ्राय करता येतील.)

पालकाची पाने खूडून घ्यावीत. थोडे तूप गरम करुन त्यात हिरव्या मिरच्या टाकाव्यात व पालक घालावा. झाकण न ठेवता तो परतून घ्यावा. त्याचा रंग बदलला कि लगेच उतरुन घ्यावा.
कांदा उभा बारिक चिरावा. बटाटा सोलुन त्याचे छोटे चौकोनी तूकडे करावेत. थोडे तूप तापवून त्यावर कांदा परतावा, तो सोनेरी झाला कि बटाट्याच्या फोडी सोनेरी कराव्यात. मग मक्याचे दाणे घालावेत. टिन मधले पाणी किंवा साधे पाणी घालून ते शिजू द्यावेत.
तोवर पालक, काजू आणि दूधाची पावडर असे सगळे बारिक वाटून घ्यावे. लागलेच तर थोडे पाणी घालावे. ते मक्यामधे घालावे. मिठ घालुन झाकण न ठेवता मंद आचेवर शिजवावे. मग गॅस बंद करुन दालचिनीची पूड घालावी. मग वाटलीच तर तूपाची जिर्‍याची फोडणी द्यावी. हव्या तर फोडणीत थोड्या लाल मिरच्या घालाव्यात.
हा प्रकार हमखास जमतो. उत्तम चव येते. बाकि कुठलाही मसाला वापरु नये.