१) अव्हन ३५०डिग्रीजला प्रिहिट करायला ठेवा.
२) नट मिक्ष्चर तयार करून ठेवा. मी साध्या साखरेऐवजी ब्राऊन शुगर वापरली.
३) मैदा, बेकिंग पावडर, बेकिंग सोडा चाळून घ्या.
४) साखर, बटर व व्हॅनिला एकत्र मिक्सरमधून काढून एका भांड्यात ठेवा.
५) त्यात अंडी एकावेळेस एक अशातर्‍हेने नीट beat करा.
६) या मिश्रणात (मैदा+बेपा+बेसो) व सावर क्रिम घालून ते सर्व स्मुद होईपर्यंत ब्लेन्ड करा.
७) बटर लावून तयार केलेल्या केकच्या अव्हनच्या भांड्यात अर्धे मिश्रण घालून त्यावर नट मिक्ष्चर पसरा व उरलेले केकचे मिश्रण घालून त्यावर उरलेले नटचे मिक्ष्चर पसरा.
८) ४० मिनिटे किंवा केकमध्ये खुपसलेली सुरी क्लिन येईपर्यंत बेक करा..
९) मायबोलीवर पाकृ द्या किंवा फोटो अपलोड करा!
१०) मगच खा! कॉफीबरोबर अमेझिंग लागतो हा केक!

अंडी फेटून घ्या.
त्यात दूध, साखर आणि इसेन्स मिसळून घ्या.
आता यात ब्रेड कुस्करून मिसळा.
ग्रीज्ड बेकिंग पॅनमधे हे मिश्रण ओता. (या प्रमाणात घेतलेले मिश्रण साधारणपणे ८इंचX८इंच पॅनमधे मावेल.)
३५० डिग्रीजना ३० ते ३५ मिनिटे बेक करा.

- कांदे चौकोनी बारीक चिरून घ्यावेत
- बटाटा धूवून कांद्यासारखाच चिरून घ्यावा
- हिरव्या मिरच्या धूवून बारीक चिराव्यात
- कोथिंबीर धूवून बारीक चिरावी
- एका पॅनमध्ये तेल तापवावं
- गरम तेलात मिरच्या + कांदा घालावा, परतावा
- कांदा पारदर्शक झाल्यावर बटाटा घालावा
- परतावं. आलं-लसूणपेस्ट घालावी, नीट मिसळावं. झाकण ठेवून एक वाफ काढावी. त्यामुळे बटाटा शिजेल...
- आता हळद, तिखट घालावं. परतावं.
- अंडी फोडून घालावीत, नीट मिसळावं
- गरम मसाला, मीठ घालावं, छान परतावं
- भुर्जी जरा सुकली की, कोथिंबीर घालून गरम गरम वाढावी

१. एका मोठ्ठ्या पातेल्यात थोडे पाणी उकळायला ठेवावे. (या पातेल्यात दोन सर्विंग बोल/ दोन कप मावले पाहिजेत. आणि पाण्याची पातळी त्या बोलमधे पाणि जाणार नाही इतपत ठेवावी. )
२. दोन अंडी नीट फेटुन घ्यावी.
३. त्या अंड्यात सोयासॉस / मीठ आणि स्टॉक मिक्स करुन ढवळुन घ्यावे.
४. ज्या छोट्या बोलमधे सर्व्ह करायचे त्या बाऊल मधे चिकनचे तुकडे / मश्रुम / गाजर जे असेल ते ठेवायचे. नसले तरी काही हरकत नाही.
५. अंड्याचे मिश्रण एका जाड गाळणीने गाळुन घ्यावे. गाळतानाच ज्या बोलमधे ते तुकडे ठेवले त्यात समप्रमाणात गाळावे ( म्हणजे अजुन एक भांडे लागणार नाही.)
६. पातेल्यामधले पाणी उकळायला लागले की गॅस अगदी कमी करावा आणि हे बोल पाण्यात ठेवावे. वरुन पातेल्यावर झाकण ठेवावे.
६. हे बोल ठेवल्यानंतर पाणी जोरात उकळता नये नाहितर च्यावान मुशी स्मुथ होत नाही.
७. सात / आठ मिनीटांनी टुथपिक घालुन बघावे, साधारण पुडींग सारखे झाले असेल तर गॅस बंद करावा. सजावटीला कोथिंबीर / मित्सुबो घालुन एक मिनीट तसेच झाकुन ठेवावे म्हणजे त्याचा वास लागतो.
८. आता गरम गरम च्यावान मुशी खायला तयार आहे. नाश्त्यासाठी चांगला प्रकार आहे.

कॉर्न फ्लोअर,जिरेपूड,मिरेपूड,तिखट,मीठ एकत्र करून घ्यावे. .
अंडी फोडून, पांढरे पिवळे भाग एकत्र करून घ्यावे. फेटू नये. पॅनला तेल लावून अंड्याचा अगदी पातळ थर द्यावा. तेल पूर्ण पॅनला लागले पाहिजे तरच ते पूर्ण omelet ला लागेल.
प्रवाहीपणा कमी झाला की लगेच उलटावे. रंग बदलेपर्यंत वाट बघू नये
आता हि अंड्याची पोळी ताटात घेऊन तिचे सुरीने उभे भाग पाडावे. साधारण एका पोळीचे सहा होतात.
एक एक भाग पिठात घोळवून पुन्हा पॅनमधे ठेवावा. [omelet ला जे तेल असते त्यामुळे पिठ व्यवस्थीत चिकटते], वरून थोडेसे तेल टाकावे.थोडासा फुलला की उलट करून परत थोडेसे तेल टाकावे.
छान खरपूस झाले की त्याचा पॅनमधे असतानाच रोल वळावा.

'वर्ल्ड एग डे'

'संडे हो या मंडे, रोज खाओ अंडे' ही जाहिरात आपल्या सगळ्यांच्याच परिचयाची आहे. अंडी खाल्याने होणारे अनेक फायदे आहेत.

ऑक्टोबर महिन्यातील दुसरा शुक्रवार हा 'वर्ल्ड एग डे' म्हणुन साजरा केला जातो. इंटरनॅशनल एग कमिशन तर्फे या दिवशी विविध कार्यक्रम आयोजित केले जातात.

यंदाचा वर्ल्ड एग डे या शुक्रवारी १४ ऑक्टोबर रोजी साजरा केला जाणार आहे. त्या निमित्ताने अंडी वापरुन बनवलेल्या काही पाककृती या आठवड्यात देण्याचा विचार आहे.

फंडु-अंडु - १ - 'मिनी पावलोवा' (ऑस्ट्रेलिया)

फंडु अंडु - २ - 'मार्बल्ड टी एग्ज' (चायना)

फंडु अंडु - ३ - 'मोक्का साबायॉन/झाबायोन - Mocha zabaglione ' (इटली)

फंडु अंडु - ४ - 'ग्येरन झिम - Gyeran Jjim' (कोरिआ)

**************************************************************************

'स्नो एग्ज डेझर्ट' (फ्रान्स)

स्नो एग्ज म्हणजे पोच केलेले एग व्हाईट्स. ही क्रिम अँग्लेस म्हणजे व्हॅनिला कस्टर्ड मधे घालुन खातात. १७व्या शतकात एका स्विस शेफ ने सर्वप्रथम एग व्हाईट्स फेटुन ते पोच करुन डेझर्ट्स मधे वापरायचा प्रयोग केला. त्यानंतर फ्रेंच शेफ्स नी ही स्नो एग्ज पाककृती डेव्हलप केली.

यालाच कधी कधी 'फ्लोटिंग आयलंडस डेझर्ट' असे देखिल म्हणतात. परंतु फ्लोटिंग आयलंड मधे युज्वली लिकर आणि बिस्किटाचे लेयर्स असतात.

क्रमवार पाककृती

स्नो एग्ज साठी:

१. सर्वप्रथम एका पसरट पातेल्यात किंवा पॅन मधे दुध गरम करायला ठेवा. यातच व्हॅनिला बीन किंवा व्हॅनिला एक्स्ट्रॅक्ट घाला. दुध मंद आचेवर गरम करा. उकळणार नाही याची काळजी घ्या.

२. एका स्वच्छ, कोरड्या काचेच्या बोल मधे ३ अंड्यातील पांढरे वेगळे करुन घ्या. पांढरे वेगळे काढताना पिवळ्या बलकाचा अंश येणार नाही याची खबरदारी घ्या.

३. एग बिटर किंवा इलेक्ट्रिक बीटर्स (हँड मिक्सर) लो स्पिडवर ठेऊन अंडी फेटायला सुरुवात करा. जरा फेसाळ दिसायला लागले की स्पिड मिडीयम वर वाढवुन फेसायला लागा. 'सॉफ्ट पिक्स' दिसायला लागले की चिमुटभर मिठ आणि दोन टेबलस्पून साखर एका वेळेस थोडी थोडी घालत फेसत रहा. सगळी साखर संपल्यावर सुद्धा थोडावेळ फेसायला लागेल. मिश्रण हलके आणि चकचकित दिसायला लागे पर्यंत फेटा. 'स्टिफ पिक्स' दिसायला हव्यात.

४. आता स्टिलचा एक टेबलस्पुन भरुन हे फेसलेले मिश्रण घ्या, दुसर्‍या टेबलस्पुन घेऊन या फेसाला जमेल तितका गोल किंवा फुगिर लंबगोलाकार शेप द्या आणि गोळे जस जसे बनत जातिल तसे ते तापत ठेवलेल्या दुधात सोडा आणि पोच करा.

५. साधारण २ मिनीटांनी हे गोळे उलटे करुन परत पोच करा. गोळे थोडे फुगतिल आणि एकसंध दिसायला लागले की भोकाच्या चमच्याने काढुन किचन टॉवेल किंवा किचन पेपर वर निथळायला ठेवा. असे सर्व गोळे 'पोचुन' घ्या

****
क्रिम अँग्लेस साठी:

१. गॅसवर डबल बोयलर किंवा एका पातेल्यात पाणी उकळायला ठेवा.

२. गरम दुधातील व्हॅनिला बीन काढुन घ्या आणि दुध गाळुन घ्या. यात उरलेली साखर घाला आणि व्हॅनिला बीन मधिल बीया खरवडुन घाला.

३. एका हिट प्रुफ बोल मधे ३ अंड्यांचे उरलेले पिवळे बलक हलके फेसुन घ्या. यात थोडे गरम दुध घालुन मिक्स करा आणि मग बाकीचे दुध घाला. हे भांडे उकळत ठेवलेल्या पाण्यावर खाली पाण्याला स्पर्श करणार नाही असे ठेवा. आंच मंद करा आणि मिश्रण लाकडी चमच्याने ढवळत रहा. थोड्याच वेळात मिश्रण घट्ट व्हायला लागेल व क्रिमी कस्टर्ड तयार होइल.

४. बोल पाण्यावरुन काढुन घ्या आणि क्रिम अ‍ॅग्लेस थोडे गार होऊ द्या.

*****

असेंबली:

कस्टर्ड सर्विंग बोल मधे ओता त्यावर १/२ स्नो बॉल्स ठेवा. ते कस्टर्डवर तरंगतिल. बोल्सना प्लॅस्टिक रॅप्/क्लिंग रॅप लावुन हे बोल्स फिज मधे गार करत ठेवा. आयत्या वेळेस त्यावर आपल्या आवडीचे टॉपिंग घालुन सर्व्ह करा.

*****************

माझे प्रयोगः

- दुधात व्हॅनिला न घालता मी केशर आणि वेलची घातली.
- कस्टर्ड बनवताना त्यात मी थोडे केशर सिरप घातले.
- सर्व्ह करताना वरतुन टोस्टेड बदाम घातले आणि केशर सिरप ड्रिझल केले.

*****************

- सॉसेजेस ५-१० मिनिटे ग्रिल करुन घेऊन त्यांचे तुकडे करावेत. कुक्ड असतात त्यामुळे ग्रिल केले नाहीत तरी चालेल.
- ब्रेडच्या चुर्‍यात अंडी फोडून घालावी.
- हळूहळू दूध घालत नीट फेटून घ्यावे.
- त्यात सॉसेजेस घालावीत.
- भाज्या, मीठ, मिरपूड, साखर घालून मिसळावे.
- बेकिन्ग डिशला सढळ हाताने तेल लावून मिश्रण त्यात ओतावे. वरुन चीज पसरावे. (दिलेल्या प्रमाणाला ८ इन्च स्क्वेअर डिश पुरेल)
- ४०० डिग्री फॅ. ला १५-२० मिनिटे बेक करावे
- फुगून वर आले आणि बाजूने सुटू लागले की oven बंद केला तरी चालेल. मग थोडावेळ भांडे आतच ठेवावे.

फोटोतल्या पदार्थात भाजी म्हणजे फक्त पालक वापरला आहे.

'वर्ल्ड एग डे'

'संडे हो या मंडे, रोज खाओ अंडे' ही जाहिरात आपल्या सगळ्यांच्याच परिचयाची आहे. अंडी खाल्याने होणारे अनेक फायदे आहेत.

ऑक्टोबर महिन्यातील दुसरा शुक्रवार हा 'वर्ल्ड एग डे' म्हणुन साजरा केला जातो. इंटरनॅशनल एग कमिशन तर्फे या दिवशी विविध कार्यक्रम आयोजित केले जातात.

यंदाचा वर्ल्ड एग डे या शुक्रवारी १४ ऑक्टोबर रोजी साजरा केला जाणार आहे. त्या निमित्ताने अंडी वापरुन बनवलेल्या काही पाककृती या आठवड्यात देण्याचा विचार आहे.

फंडु-अंडु - १ - 'मिनी पावलोवा' (ऑस्ट्रेलिया)

फंडु अंडु - २ - 'मार्बल्ड टी एग्ज' (चायना)

फंडु अंडु - ३ - 'मोक्का साबायॉन/झाबायोन - Mocha zabaglione ' (इटली)

फंडु अंडु - ५ - डेझर्ट - 'स्नो एग्ज' (फ्रान्स)

**************************************************************************

'ग्येरन झिम - Gyeran Jjim'

कोरिआ मधे घराघरात नेहमी केला जाणारा हा पदार्थ म्हणजे एकप्रकारचे एग कस्टर्डच आहे. परंतु हे कस्टर्ड वाफवुन बनवलेले असते. अतिशय हलके आणि लुसलुशीत असे हे 'ग्येरन झिम' तसे बनवायला ही सोपे आहे

यात अजिबात तेल, क्रिम, बटर इ इ वापरलेले नसते त्यामुळे तब्येतीला ही उत्तम

क्रमवार पाककृती

१. पातेल्यात/मोदक पात्रात/स्टिमर मधे पाणी उकळायला ठेवा. त्यावर चाळणी ठेवा.

२. एका बोलमधे अंडी फोडुन हलक्या हाताने मिक्स करुन घ्या. फेटायचे नाहिये तर फक्त पिवळे आणि पांढरे नीट एकत्र मिक्स करायचे आहे.

३. आता हे मिश्रण गाळणीतुन गाळुन घ्या आणि त्यात पाणी, फिश/सोया सॉस, मिठ घालुन परत एकदा हलके मिक्स करा.

४. हिट प्रुफ काचेच्या बोल्समधे किंवा घट्ट झाकणाच्या स्टिलच्या डब्यांमधे हे मिश्रण ओता. साधारण पाऊण बोल भरेल इतपत.

५. बोल्स ना वरतुन सिल्वर फॉइल लावुन बंद करा आणि चाळणीवर ठेवा. वरतुन झाकण लावुन साधारण १५-२० मिनीटे वाफवुन घ्या.

६. १५-२० मिनीटांनी झाकण काढुन चेक करा. मिश्रण थोडे घट्ट व्हायला लागले असेल. आता यात किसलेले गाजर आणि कांद्याची पात घाला व परत फॉइल लाऊन अजुन साधारण १०-१२ मिनीटे वाफवायला ठेवा.

७. १०-१२ मिनीटांनी परत चेक करा. टूथपिक किंवा स्क्युअर घालुन बघा. जर टूथपिक किंवा स्क्युअर काहिही न चिकटता क्लिन बाहेर आले तर ग्येरन झिम तयार आहे. अन्यथा अजुन २-५ मिनीटे वाफवायला ठेवा.

८. तयार ग्येरन झिम गरमा गरम भाताबरोबर, राईस नुडल्स बरोबर खायला घ्या. त्यावर हवा तर थोडा सोयासॉस आणि चिली सॉस घाला.

*****************************************

आणि आता हे माझे प्रयोग

* यात मिश्रण वाफवताना फक्त मिठ आणि मिरेपूड घातली. नंतर मधे चेक केल्यावर त्यात चिरलेला पालक आणि रेड कॅप्सिकमचे तुकडे घातले. सर्व्ह करताना थोडे गार्लिक बटर आणि पास्ता सॉस घातला - कोरिटालिअन ग्येरन झिम तयार

****************************

^ यात मिश्रणात आमंड इसेन्स आणि पिठीसाखर घातली. शिजल्यावर वरतुन व्हिएन्ना आमंड्स चे तुकडे आणि चॉक सॉस घातला - मस्त डेझर्ट तयार

******************************

'वर्ल्ड एग डे'

'संडे हो या मंडे, रोज खाओ अंडे' ही जाहिरात आपल्या सगळ्यांच्याच परिचयाची आहे. अंडी खाल्याने होणारे अनेक फायदे आहेत.

ऑक्टोबर महिन्यातील दुसरा शुक्रवार हा 'वर्ल्ड एग डे' म्हणुन साजरा केला जातो. इंटरनॅशनल एग कमिशन तर्फे या दिवशी विविध कार्यक्रम आयोजित केले जातात.

यंदाचा वर्ल्ड एग डे या शुक्रवारी १४ ऑक्टोबर रोजी साजरा केला जाणार आहे. त्या निमित्ताने अंडी वापरुन बनवलेल्या काही पाककृती या आठवड्यात देण्याचा विचार आहे.

फंडु-अंडु - १ - 'मिनी पावलोवा' (ऑस्ट्रेलिया)

फंडु अंडु - २ - 'मार्बल्ड टी एग्ज' (चायना)

फंडु अंडु - ४ - 'ग्येरन झिम - Gyeran Jjim' (कोरिआ)

फंडु अंडु - ५ - डेझर्ट - 'स्नो एग्ज' (फ्रान्स)

**************************************************************************

'मोक्का साबायॉन/झाबायोन - Mocha zabaglione ' (इटली)

साबायॉन/झाबायोन हा क्लिसिक इटालियन डेझर्ट पेयाचा प्रकार आहे. नवव्या शतकात पहिल्यांदा साबायॉन/झाबायोन बनवला गेला असे विकीपेडियामधे दिले आहे.

ओरिजनल साबायॉन/झाबायोन मधे अंड्याचे पिवळे, साखर आणि मर्साला लिकर वापरली जाते. मर्साला ऐवजी मडिरा वाईन किंवा स्वीट शेरी किंवा शँपेन देखिल वापरली जाते.

क्रमवार पाककृती:

१. इंस्टंट कॉफी थोड्या पाण्यात विरघळवुन घ्या.

२. एका पातेल्यात पाणी उकळायला ठेवा. उकळी आली की आच बारीक करुन पाणी तापू द्या.

३. त्या पातेल्यावर बसेल असे दुसरे हीटप्रुफ पातेले/बोल घेऊन त्यात अंड्याचा बलक आणि साखर घाला. हे मिश्रण थोडे हलके होईपर्यंत फेटुन घ्या.

४. या मिश्रणात आता कॉफी घाला आणि परत थोडे फेटा.

५. आता हे पातेले गरम पाण्याच्या पातेल्यावर ठेवा (डबल बॉयलर पद्धत). वरचे पातेले आतल्या पाण्याला लागणार नाही याची खबरदारी घ्या.

६. आतले मिश्रण सतत फेटत रहा. मिश्रण घट्ट पण फेसाळ दिसायला लागेपर्यंत फेटत रहा.

७. ग्लासात बिस्किटाचे, स्पाँज फिंगरचे तुकडे टाकुन त्यावर हे मिश्रण ओता. थोडे गार झाल्यावर त्यावर किसलेले चॉकलेट घालुन सजवा व खायला द्या.

'वर्ल्ड एग डे'

'संडे हो या मंडे, रोज खाओ अंडे' ही जाहिरात आपल्या सगळ्यांच्याच परिचयाची आहे. अंडी खाल्याने होणारे अनेक फायदे आहेत.

ऑक्टोबर महिन्यातील दुसरा शुक्रवार हा 'वर्ल्ड एग डे' म्हणुन साजरा केला जातो. इंटरनॅशनल एग कमिशन तर्फे या दिवशी विविध कार्यक्रम आयोजित केले जातात.

यंदाचा वर्ल्ड एग डे या शुक्रवारी १४ ऑक्टोबर रोजी साजरा केला जाणार आहे. त्या निमित्ताने अंडी वापरुन बनवलेल्या काही पाककृती या आठवड्यात देण्याचा विचार आहे.

फंडु-अंडु - १ - 'मिनी पावलोवा' (ऑस्ट्रेलिया)

फंडु अंडु - ३ - 'मोक्का साबायॉन/झाबायोन - Mocha zabaglione ' (इटली)

फंडु अंडु - ४ - 'ग्येरन झिम - Gyeran Jjim' (कोरिआ)

फंडु अंडु - ५ - डेझर्ट - 'स्नो एग्ज' (फ्रान्स)

**************************************************************************

फंडु अंडु - २- "मार्बल्ड टी एग्ज"

'चायनीज मार्बल्ड एग्ज' किंवा 'चायनीज टी एग्ज' हा चायनामधे नेहमी खल्ला जाणारा उपहाराचा पदार्थ आहे. खासकरुन चायनीज न्यु इयरच्या वेळेस ही एग्ज खुप प्रमाणात बनवली जातात कारण अशी समजुत आहे की ही अंडी म्हणजे 'गोल्ड नगेट्सच' जणू, त्यामुळे तुम्ही जितकी बनवाल आणि दुसर्‍यांबरोबर शेअर कराल तितकी भरपूर संपत्ती तुमच्याकडे येते. एरवी देखिल टेकअवे शॉप्स मधे, रेस्टॉरंट्समधे ही टी एग्ज हमखास मेन्युवर असतात.

क्रमवार पाककृती:

१. एका पातेल्यात पाणी उकळायला ठेवावे. पहिली उकळी येताच त्यात अंडी उकडायला ठेवावीत.

२. ३-४ मिनीटे अंडी उकडल्यावर डावाने/चमच्याने अंडी हलकेच बाहेर काढुन एका बोल मधे ठेवावीत व वरुन गार पाणी सोडावे.

३. अंडी हाताळण्याइतपत गार झाली की एका टीस्पूनने अंड्याच्या वरच्या कवचाला हलकेच टॅप करावे. कवचाला तडे गेले पाहिजेत पण कवच निघता कामा नये.

४. आता अंडी ज्या पाण्यात उकळली त्याच पाण्यात (खराब झाले नसेल तर) वरील सर्व मसाल्याचे पदार्थ, चहा पत्ती/बॅग्ज, साखर इ इ घालावे व त्यात ही कवच क्रॅक केलेली अंडी सोडावीत. साधारण ४० मिनीटे अंडी गरम पाण्यात राहु द्यावीत (सिमरींग टेम्परेचर).

५. साधारण ४० मिनीटांनंतर गॅस बंद करुन पातेल्यावर झाकण ठेवावे.

६. पाणी कोमट झाले की हे पाणी, त्यातला मसाला, चहा आणि अंडी एका काचेच्या बोलमधे काढुन ठेवावीत व वरुन क्लिंग रॅप लावावे. हा बोल फ्रिज मधे ठेऊन द्यावा. अधुन मधुन अंडी पाण्यात हलवावीत.

७. कमीतकमी १२ तास आणि जास्तीत जास्त ३ दिवस ही अंडी पाण्यात राहु द्यावीत.

८. अंड्याची कवचे सोलुन काढावीत. अंड्याची कवचे काढल्यावर अंड्याच्या पांढर्‍या भागावर सुंदर डिझाईन उमटलेले दिसेल. तसेच टरफलाच्या आतल्याभागावर सुद्धा सुंदर नक्षी दिसेल.

९. ही सोललेली अंडी सॅलड सोबत किंवा नुसतीच स्नॅक म्हणुन खावीत. या अंड्यांना चहाचा आणि मसाल्याचा एक सुंदर स्वाद / फ्लेवर यायला लागतो.

***************