इतर प्रकार

कडूनिंबाष्टक-- चुर्ण

लागणारा वेळ: 
३० मिनिटे
लागणारे जिन्नस: 

'' सर्व मायबोलीकरांना गुढीपाडव्याच्या हार्दीक शुभेच्छा''
गुढीपाडव्याला कडूनिंब खातात. त्यानिमित्त कडूनिंबाचा एक प्रकार सुचवते. मी नेहमीच करते. पण हा प्रकार कुठल्या सदरात टाकावा- [आरोग्य कि पाककला] ते कळत नव्हत. म्हणून येथेच देते.
कडूनिंबाष्टक- चुर्ण
==============
हिंग, जिरे, मिरे, ओवा, सुंठ, आवळा चुर्ण,सैंधव मिठ, व कडूनिंब

क्रमवार पाककृती: 

साधारण अर्धी वाटी ओवा, पाव वाटी जिरे, अर्धा चमचा मिरे, अर्धा चमचा हिंग घेउन मिक्सर मधे बारीक करुन घ्याव. त्यात सुंठ पावडर अर्धा चमचा, आवळा पावडर अर्धा चमचा, सैंधव मिठ अर्धा चमचा व कडूनिंबाची पावडर एक चमचा घालुन मिक्सर मधे फिरवाव. चुर्ण तयार. प्रमाणात आवडीप्रमाणे बदल करता येइल. हे औषधी म्हणुनही उपयोगी आहे.
या दिवसात मी कडूनिंबाचा पाला वाळवुन [घरातच- उन्हात नाही] ठेवते. व त्याची पावडर करुन बरणीत भरुन ठेवते. जेव्हा लागेल तेव्हा यातील पावडर वापरते. आमच्या घरात आम्ही सगळेच हे चुर्ण खातो.
यामुळे पचनाचा ,उष्णतेचा त्रास होत नाही. रक्त शुद्ध होत. शरीर निरोगी रहात. कडू असल तरी चव
चांगली लागते . आवळा, सुंठ, जिरे , मिरे , हिग सैंधव ओवा, व कडूनिंब हे सगळेच औषधी गुणांनी परिपुर्ण आहेत. षड- रस ही मिळतात. मुखशुद्धी होते.
फोटोच तंत्र मला जमत नाही. कुणी सांगितल्यास प्रयत्न करेन.

वाढणी/प्रमाण: 
८-१० दिवस पुरत.
अधिक टिपा: 

तोंडाला चव येते. अनुभव घेतल्यावरच याचे महत्व कळेल.

माहितीचा स्रोत: 
स्वप्रयोगातुन

चायनीज वोक (चायनीज ग्रेव्ही)

लागणारा वेळ: 
३० मिनिटे
लागणारे जिन्नस: 

चायनीज पदार्थ करताना लागणारे नेहमीचे यशस्वी कलाकार :
* फ्लॉवर, गाजर, मशरूम्स, फरसबी, पातीचा कांदा, सिमला मिर्ची. (हे हवेतच. हवेतच म्हणजे पाहिजेतच.)
* शिवाय हवं तर ब्रोकोली, झुकिनी, पालक (आधल्या रात्रीच पालकाची भाजी करून झाल्याने तो संपला. म्हणून माझ्या फोटो/रेसिपीत नाही. पण नक्कीच घालू शकता.).
*सिमला मिर्च्या रंगेबिरंगी मिळाल्या तर नक्कीच त्या घ्या. छान दिसतात ते रंग. मी चार रंगाच्या सिमला मिर्च्या वापरल्या आहेत - हिरवी, लाल, पिवळी आणि केशरी.
* भरपूर बारीक चिरलेला भरपूर लसूण, आवडी (आणि कुवती) नुसार हिरव्या मिरच्या.
* आवडत असेल तर कोथिंबीर - बारीक चिरून.
* अजिनोमोटो. हे असेल तर खूपच ऑथेंटिक चव येते. नको असेल तर साधं मीठ, कॉर्नफ्लावर, हिंग.

क्रमवार पाककृती: 

भाज्या स्वच्छ धुऊन, (लागू असेल तिथं) शिरा-बिरा काढून कापून (खूप बारीक बारीक नका कापू. अंमळ मोठ्याच फोडी करा) घ्या.

एका मोठ्या वोकमध्ये (शीर्षकात वोक आहे म्हणून रेसिपीत कढईला वोक म्हणण्यात येईल), तेल घाला. शेंगदाण्याचे, ऑलिवचे, सूर्यफुलाचे ... कोणतेही चालेल. तेलाची जास्त चिकित्सा करत बसू नका.

तेल जरा तापलं की त्यात चमचाभर हिंग घालून त्यावर लसूण, मिरची घाला. दोन मिनिटं परता आणि लगेच भाज्या घाला.

गॅस मोठा ठेऊन चमच्याने चार मिनिटं परतून घ्या आणि मग झाकण ठेऊन एक वाफ आणा. भाज्या अर्धकच्च्याच राहिल्या पाहिजेत याची काळजी घ्या.

एका बोलमध्ये चवीनुसार अजिनोमोटो, कॉर्नफ्लावर एकत्र करून पाण्यात कालवून घ्या. हे मिश्रण भाज्यांच्यात घाला आणि उकळी येईपर्यंत मोठ्या गॅसवर ठेवा. गॅसही मोठा ठेवा. हवं तर अजून पाणी घाला. भाताबरोबर वगैरे खाता येईल इतपत रसदार असलं पाहिजे.

उकळी आली की हे मिश्रण दाटसर होईल. मग त्यात हवं असल्यास साधं मीठ आणि कोथिंबीर घाला.

चायनीज वोक तयार. गरमागरम भाताबरोबर किंवा राईस नुडल्सबरोबर खा.

वाढणी/प्रमाण: 
काही कल्पना नाही बुवा!
अधिक टिपा: 

आवनफ्रेश*आणि आमचं घर शाकाहारी असल्याने रेसिपी शाकाहारी आहे. पण यात चिकनचे तुकडे, कोलंबी, इतर कोणत्याही माश्याचे तुकडे टाकायला हरकत नाही.

*माहितीचा स्त्रोत बघा.

माहितीचा स्रोत: 
दादर - शिवाजीपार्कचं आवनफ्रेश. इथे चायनीज वोक ऑर्डर केल्यावर एका छोट्याश्या शेगडीवर या ग्रेव्हीचा छोटा वोक समोर आणून ठेवतात. भात वा नुडल्सबरोबर ती ग्रेव्ही खायची. आवनफ्रेशमधला हा माझा आवडता प्रकार. एकदा करूनच पाहू म्हणून केला.

टॅको सॅलड

लागणारा वेळ: 
१.५ तास
लागणारे जिन्नस: 

टॅको शेल्स साठी:
१ कप मक्याचे पिठ
१ कप मैदा
मिठ चवीनुसार
तळण्यासाठी तेल

सॅलड साठी:
आईसबर्ग लेट्यूस
कोबी- हिरवा/जांभळा
रंगीत सिमला मिरच्या
मक्याचे दाणे
सफेद कांदा
टॉमेटो
मेयोनीज
मिरपुड
एक्स्ट्रा व्हर्जिन ऑलिव्ह ऑईल
ड्राईड ओरिगानो
किसलेले प्रोसेस्ड चिज
टॉमेटो केचप
मस्टर्ड सॉस
मिठ
वर दिलेल्या साहित्यापैकी कुठलेली सहज मिळेल ते आणि आवडेल ते आणि आवडीच्या प्रमाणात घ्यावे. फक्त लेट्यूस, मेयोनीज, मिरपुड हवेच.

क्रमवार पाककृती: 

टॅको शेल्स:
१ कप मक्याचे पिठ (कॉर्नफ्लोर नाही), १ कप मैदा, मिठ व थोडेसे तेल घेऊन कणके प्रमाणे मळून घ्यावे व लगेचच लाटून तळायला घ्यावे. छोट्या-छोट्या गोल पुर्या लाटून मंद आचेवर गडद सोनेरी रंगावर तळून घ्याव्या.
कढईतून बाहेर काढल्या काढल्या पुरी हातावर एका स्वच्छ नॅपकीन वर घेऊन तिच्या मधोमध लाटण्याने दाब द्यावा. काही सेकंदातच शेलचा आकार तयार होईल. हे काम जरा काळजी पुर्वक कापडाची जाड घडी घेउन आणि जलद करावे. अशा प्रकारे सर्व शेल्स बनवून घ्यावेत.

सॅलडसाठी चिज, केचप व मस्टर्ड सॉस सोडून सर्व साहीत्य एकत्र करुन घ्यावे. हे मिश्रण टॅको शेल्स मधे भरुन वरुन आवडी प्रमाणे चिज, केचप, सॉस घालून सर्व्ह करावे.

वाढणी/प्रमाण: 
ह्या प्रमाणात २५-३० शेल्स तयार होतात.
अधिक टिपा: 

१) शेल्स चे पिठ मळून जास्त वेळ ठेवल्यात पिठ तवत जाते व ह्या कामासाठी निरुपयोगी होते.
१) शेल्स ४-५ दिवस आधी करुन ठेवता येतात.
२) थोडे हेवी बनवण्यासाठी शेल्स मधे सुरवातीला तंदूर पनीर, चिकन चे लहान लहान तुकडे ठेऊन वरून सॅलड घालावे.

माहितीचा स्रोत: 
शेल्स साठी संजीव कपूर

उडीद-तांदळाचे आप्पे

लागणारा वेळ: 
२० मिनिटे
लागणारे जिन्नस: 

१ वाटी उडीद डाळ
३ वाट्या उकडीचा, किंवा साधा तांदूळ किंवा इडलीचा रवा असल्यास अडीच वाटी
पाव वाटी जाडे पोहे
चविनुसार मिठ
तेल

क्रमवार पाककृती: 

टुनटुन, कविन आणि मंजूडी यांनी आप्प्यांचे स्वादिष्ट प्रकार माबो वर नुकतेच सगळ्यांना तोपासु करुन बर्‍याच खवय्यांचे रिकामे बसलेले आप्पेपात्र कामास लावले. त्यात थोडी अजुन भर. हा प्रकार तसा जुनाच आहे बर्‍याच जणांना माहीतही असेल.

सकाळी उडीद डाळ आणि तांदूळ वेगवेगळे भिजत घाला. रात्री दोन्ही मिक्सरमध्ये वाटून एकत्र करुन ठेउन द्या.इडलीरवा वापरणार असाल तर सकाळी भिजत घालायची गरज नाही. रात्री उदीद डाळ वाटल्यावर त्यात रवा मिक्स करुन थोडे पाणी घालायचे. दुसर्‍या दिवशी सकाळी हे मिश्रण वर आले असेल. ह्या मिश्रणात अर्धा वाटी पोहे भिजवून मिक्सरमधुन वाटून घ्या. पिठ इडलीच्या पिठाप्रमाणेच पातळ ठेवायचे. त्यात मिठ घाला व चांगले ठवळून घ्या.

आप्पेपात्र गॅसवर चांगले तापवा व त्यात तेल घालून (जर नॉनस्टीक भाडे असेल तर दोन थेंबही तेल चालते, बिडाच्या भांड्याला थोडे जास्त तेल लागते) १-१ चमचा आप्पेपात्राच्या वाट्यात मिश्रण टाकून ४-५ मध्यम आचेवर शिजू द्या.

सुरी किंवा चमच्याच्या सहाय्याने आप्पे उलटे करा व पुन्हा ४-५ मिनिटे ठेवा. झाले आप्पे तय्यार.

हे आप्पे चटणी किंवा सॉस सोबत सर्व्ह करा.

अधिक टिपा: 

जर पिठ जास्तच पातळ झाल तर अजुन पोहे वाटून टाकून घट्ट करु शकता.
इडली रव्या पेक्षा तांदूळ वापरल्यास हे आप्पे जास्त चांगले होतात असा माझा अनुभव आहे.

माहितीचा स्रोत: 
ऑफिस मैत्रीण

खीमा भरलेल्या मिरच्या

लागणारा वेळ: 
१.५ तास
लागणारे जिन्नस: 

मटण अथवा चिकन खीमा, सिमला मिरच्या अथवा अनाहेम पेप्पर्स, कांदे, आलं-लसूण, टोमॅटो, ग. मसाला, कोथिंबीर

क्रमवार पाककृती: 

चिकन अथवा मटणाचा नेहेमीप्रमाणे खीमा बनवून घ्या. मात्र खीमा झाल्यावर तो घट्ट/दाट बनवण्यासाठी कढईत परतून घ्यावा.
मिरच्यांच्या वरून गोल कापून आतील बिया वगैरे काढून खीमा (दाबून) भरून घ्यायचा. नी ३७५-४०० F ला २० मिनीटे मिरच्या ट्रेवर ठेऊन, oil spray मारून oven मध्ये भाजून घ्यायच्या.

झाल्या मिरच्या तयार!

StuffedPeppers.jpg

अधिक टिपा: 

यामध्ये खीमा झाल्यावर त्यात उकडलेले बटाटे कुस्करून घालून मग कढईत परतून घेऊ शकता.

माहितीचा स्रोत: 
आई

पनीर फ्रॅन्की / काठी रोल्स

लागणारा वेळ: 
३० मिनिटे
लागणारे जिन्नस: 

paneer franky.jpg

भाजी बनवण्यासाठी साहित्य
मध्यम आकाराचा कांदा आणि एक टोमॅटो
लाल पिवळी हिरवी ढोबळी मिरची
गाजर, बिन्स मध्यम आकारात चिरून
फ्रोझन हिरवे मटार, मक्याचे दाणे प्रत्येकी साधारण वाटीभर
२०० ग्रॅम पनीर क्युब्ज्स कापून
भाज्या परतण्यासाठी तेल
आलं लसूण पेस्ट
मुठभर कोथिंबिर बारिक चिरून
हळद, हिंग, लाल तिखट, धणे जिरे पूड, मीरपूड, आमचूर पावडर, साखर
मोझेरेला चिझ बारिक किसलेले
बटर (ऐच्छीक)
रोल्स करिता
टॉर्टीयाज किंवा पोळ्या तयार वापरु शकता.
(माझ्या लेकाला आवडतात म्हणून मी टॉर्टीयाज घरी बनवते )

टॉर्टीयाज बनवण्यासाठी
२ कप ऑल पर्पज फ्लार (कणीक घेउ शकता)
१ १/२ टी स्पून बेकींग पावडर
१ टी स्पून मीठ
२टी स्पून तेल (व्हेजीटेबल ऑईल/ ऑलिव्ह ऑईल किंवा कुठलेही खाद्य तेल)
३/४ कप कोमट दुध

क्रमवार पाककृती: 

भाजी बनवण्या साठी

फ्राईंग पॅन मधे दोन टेबल्स्पून तेल टाकून तेल तापल्यावर त्यात बारिक चिरलेला कांदा, चिमुट्भर हळद हिंग घालून परतावे.

मग त्यावर रंगीत ढोबळ्यांचे तुकडे टाकावेत. (असे केल्याने कांद्या सोबत ढोबळी मिर्ची चे तुकडे चांगले परतून भाजले जातात. चव छान येते. नाहीतर नुसत्याच शिजल्या जातात. )

कांदा गुलाबीसर झाल्यावर गाजर आणि फरसबी चे तुकडे टाकून त्यावर बारिक चिरलेला टोमॅटो, एक चमचा आलं लसूण पेस्ट टाकावी.

नंतर आवडी प्रमाणे कमी अधीक लाल तिखट, अंदाजाने जणे जिरे मिरी पावडर आणी चविप्रमाणे मीठ घालून मग परतून पॅनवर झाकन ठेउन भाजीला एक वाफ काढावी.

पनीर चे क्युब्ज टाकावेत. एक टि स्पून आमचूर पावडर आणि थोडीशी साखर घालून मिसळून पॅन ची आच बंद करावी. वरून मुठभर चिरलेली कोथिंबीर घालावी.

ही भाजी पटकन होते जास्त शिजवण्याची किंवा परतण्याची गरज नसते. थोडिशी क्रंची छान वाटते.

आता भाजी टॉर्टीया किंवा पोळी/ चपाती मध्ये भरून रोल्स बनवायचे.

टॉर्टीयाज बनवण्यासाठी

एका मोठ्या बोल मध्ये ऑल पर्पज फ्लार / कणीक घेउन त्यात मिठ बेकिंग पावडर, तेल टाकून चांगले मिक्स करा. मग त्यात हळूहळू लागेल तसे दुध टाकुन गोळा मळून घ्या. गोळा खूप कडक वाटत असेल तर आणखी थोडे दुध टाकुन पिठ चांगले मळून घ्या. मळलेले पिठ मउ असायला हवे. दहा मिनिटे झाकून ठेवा आणि मग हव्या त्या आकाराच्या गोल पोळ्या लाटून तव्यावर दोन्ही बाजूने भाजून घ्या. त्यावर छान गोल्डन ब्राउन ठिपके आले की मस्त भाजल्या जातात. टॉर्टीयाज लाटताना शक्यतो पातळसर लाटाव्यात. कारण त्यात घातलेल्या बेकींग पावडर मुळे त्या दुप्पट फुगुन आणखी सॉफ्ट बनतात. ह्या टॉर्टीयाज ला तेल लावायला लागत नाही.
( नंतर फोटो टाकते)

आता रोल्स करण्यासाठी
टॉर्टीया ला बटर लाउन तव्यावर ठेवले त्यावर मध्यभागी भाजी घालून वर चिझ टाकले रोल करुन हलकेच गरम केले. रोल उघडू नये म्हणून टूथपिक टोचून देउ शकता. किंवा अ‍ॅल्युमिनियम फॉईल मध्ये रॅप करून देउ शकता.

सॅलड/ सेलेरी आणि आवडत्या लाल हिरव्या चटणी सोबत किंवा टोमॅटो सॉस सोबत सर्व्ह करायला तयार स्मित

वाढणी/प्रमाण: 
चार जणांसाठी पुरावेत. वरील प्रमाणात भाजी वापरून आठ रोल्स होतात.
अधिक टिपा: 

भाजी ला किंवा पनीर ला झणझणीत पणा हवा असेल तर एक टेबल्स्पून गरम मसाला किंवा ऑल पर्पज किचन किंग मसाला घालावा.
नॉनव्हेज आवडत असेल तर पनीर ऐवजी कोलंबी किंवा चिकन चे तुकडे वापरुन बनवता येईल.
मुंबईतली ही फ्रॅन्की कोलकात्यात ह्याच प्रकारे व्हेजी किंवा पनीर कबाब टाकून काठी रोल्स बनवतात.

माहितीचा स्रोत: 
स्ट्रीट फूड

आंबट्गोड डाळींब

लागणारा वेळ: 
१५ मिनिटे
लागणारे जिन्नस: 

चिंच
डाळिंब
गुळ
खजुर
साखर
मीठ
जिरे पुड [optional

क्रमवार पाककृती: 

रात्र भर भिजवलेला चिंचे चा कोळ + रात्र भर भिजवलेले खजुर + गुळाचा पाक (गरम नाही)
मिक्सर मधुन छान बारीक करुन घ्यावे
मग एका वाटीत डाळिंबाचे दाणे त्यात वरील पेस्ट मीठ आणि चिमुट भर साखर
टाकावी
त्यानंतर आवडत आसेल तर चिमुट भर जिरेपुड टाकावी
झाले आंबट्गोड डाळींब तयार

टिव्ही बघताना टाईम्पास म्हणुन खाता येईल
स्मित

वाढणी/प्रमाण: 
जसे जमेल तसे
अधिक टिपा: 

समोस्श्याची आंबट्गोड चटणी वापरली तरी चालेल

माहितीचा स्रोत: 
मीच ती

तडतड मिरची! (प्रायोगिक चिली पॉपर्स!)

लागणारा वेळ: 
१ तास
लागणारे जिन्नस: 

७-८ लांबुळक्या पांढरट हिरव्या मिरच्या (चवीला माइल्ड ते मध्यम तिखट)
ऑलिव्ह ऑइल (ऑ ऑ)

१/३ वाटी हरभर्‍याचे दाणे
१ छोटा टोमॅटो
१५-२० पुदिन्याची पाने
पेराएवढे आले किसून
१ मोठी लसूण पाकळी
tadtadmirachi-tayari-1.jpg

अर्धी वाटी पातळ पोहे
१ चमचा फ्लेक्ससीडस
१ चमचा भोपळ्याच्या बिया
२ लाल सुक्या मिरच्या
tadtadmirachi-tayari-2_0.jpg
चवीप्रमाणे मीठ

२ चीझ स्लाइस

क्रमवार पाककृती: 

१. अर्धी वाटी पातळ पोहे, १ चमचा फ्लेक्ससीडस, १ चमचा भोपळ्याच्या बिया, २ लाल सुक्या मिरच्या हे सगळे तव्यावर कोरडे भाजून घ्या.
२. जरा गार झाले की मिक्सरमधून भरड वाटून घ्या.
३. १/३ वाटी हरभर्‍याचे दाणे, १ छोटा टोमॅटो, १५-२० पुदिन्याची पाने, पेराएवढे आले किसून, १ मोठी लसूण पाकळी हे सगळे मिक्सरमधून भरड वाटून घ्या.
४. दोन्ही वाटणे चार थेंब ऑ ऑ घालून व्यवस्थित मिक्स करून घ्या. याच वेळेला चवीनुसार मीठ घाला. पातळ पोहे असल्याने हे पटकन आळत जातं त्यामुळे मिरच्यांचे सिडींग आधी केल्यास बरे. नाहीतर थोडे पाणी घालून सारखे करायला हरकत नाही. सारणाची कन्सिस्टन्सी हवी. खूप पातळ नको.
tadtadmirachi-tayari-3.jpg

५. मिरच्या मध्यभागी चिरून बिया आणि शिरा काढून घ्या.
tadtadmirachi-tayari-4.jpg

६. चीझ स्लाइसच्या अर्ध्या सेमी जाडीच्या पट्ट्या कापून घ्या.
७. या पट्ट्या प्रत्येक अर्धमिरचीत एकेक अश्या भरा
tadtadmirachi-tayari-5.jpg

८. चीझच्या पट्टीनंतर सारण ओतप्रोत भरा.
tadtadmirachi-tayari-6.jpg

९. बेकिंग पॅन/ डिश ला ऑ ऑ चा हात पुसून घ्या.
१०. ओव्हन १७० डि से. ला २०-२५ मिनिटे चालवा.
tadtad-mirachi_0.jpg

११. खाण्याइतपत गार झाल्यावर हादडा स्मित

वाढणी/प्रमाण: 
दोन तीन माणसांसाठी उत्तम स्टार्टर होऊ शकते.
अधिक टिपा: 

अनेक गोष्टींना अनेक सब्स्टिट्यूट करता येतील. करून बघा आणि कळवा स्मित
दह्याचा बेस असलेल्या कुठल्याही चटणीबरोबर अफलातून लागेल.

माहितीचा स्रोत: 
हालापिनो पॉपर्सच्या नेटवरच्या रेस्पीज आणि माझे प्रयोग.

अडदियु

लागणारा वेळ: 
४५ मिनिटे
लागणारे जिन्नस: 

बेसन ५०० ग्रॅ
उडिदाचे पीठ ५०० ग्रॅ.
पीठी साखर ५०० ग्रॅ.
मेथी पावडर १५० ग्रॅ.
गंठोडा पावडर सुंठ पावडर प्रत्येकी २५ ग्रॅ.
बदाम पावडर ५० ग्रॅ.
सुकं खोबरं एक वाटी किसून
डिंक १०० ग्रॅ.
तूप १ कि.

क्रमवार पाककृती: 

वरील सर्व पीठ आणि खोबरे तूपात वेगवेगळे भाजून घ्यावेत.
डिंक तूपात फुलवून घ्यावा व त्याची पावडर करावी.
नंतर वरील सर्व जिन्नस एकत्र करून त्यात सुंठ पावडर, गंठोडा पावडर, बदाम पावडर मिसळावे. हे मिश्रण मंद आचेवर थोडे गरम करून घ्यावे. नंतर गॅस बंद करून त्यात मेथीची पावडर आणि पीठी साखर मिसळावी.
एका ताटाला तूपाचा हात लावून वरील मिश्रण त्यात पसरावे व त्याच्या वड्या पाडाव्यात.

वाढणी/प्रमाण: 
वरील प्रमाणात ५० -६० वड्या होतात
अधिक टिपा: 

साखरे ऐवजी गूळ वापरायचा असल्यास गूळाचा तूपात पाक करून तो मिश्रणात मिसळावा.
गुजरात मध्ये थंडीच्या दिवसांत विशेष करून मुलांसाठी हा प्रकार बनविला जातो.

माहितीचा स्रोत: 
सासूबाई

दम आलु-- मिस्सी रोटी.

लागणारा वेळ: 
३० मिनिटे
लागणारे जिन्नस: 

दम आलु साठी--
३ मध्यम आकाराचे बटाटे.
१ टेबलस्पुन व १ टी स्पुन इतके तेल.
फोडणीसाठी हिंग-जिरे-मोहोरी.
१/२ टी स्पून हळद.
१ कांदा.
४ लसूण पाकळ्या.
१ टेबलस्पून किसलेले आले.
१ हिरवी मिरची.
२ टेबलस्पून किसलेले सुके खोबरे .
अर्धे चक्री फुल व २ किंवा ३ लवंगा यांची पुड.[मी खरड मधे पुड करुन घेतली.]
१ टेबलस्पून घट्ट दही.[मी अमुल चे "मस्ती "दही घेतले आहे.]
पाउण वाटी दूध.
३/४ टी स्पून लाल तिखट.
१ टी स्पून मीठ.
१ टी स्पून गरम मसाला.
६ काजु .
कोथिंबीर.
२ टेबलस्पून साय .

मिस्सी रोटी ---
१ वाटी कणीक .
पाव वाटी बेसन.
मीठ.
१ चमचा मोहनासाठी तेल.
गरम रोटी ला वरुन लावायला बटर किंवा तूप.

क्रमवार पाककृती: 

dam -alu..tur-kachori 30 th Dc 2012. 001.JPG
बटाट्याची साले सोलुन मध्यम आकाराचे चिरावे .थोड्या पाण्यात भिजवुन ठेवावे.
कांदा + लसूण + आले + सुके खोबरे + हिरवी मिरची यांची मिक्सरमधे पेस्ट करावी.
बटाटे पाण्यातुन काढुन मायक्रोवेव च्या काचेच्या बाऊल मधे ठेवावे..त्यावर १ टी स्पून तेल ओतुन ते चमच्याने सर्व फोडींना लावुन घ्यावे..आता बाऊलवर झाकण ठेवुन मावेत १-१ असे एकुण २ मिनिटे ठेवावे..पहिल्या १ मिनिटा नंतर फोडी चमच्याने वर्-खाली हलवुन घ्याव्या.व झाकण ठेवुन पुन्ह १ मिनिट ठेवावे.
काजु भिजतील इतके पाणी घालुन ते मावे.मधे ३० सेकंद गरम करावे. या काजुची त्यातील पाण्यासकट मिक्सरमधे पेस्ट करुन घ्यावी ..
एका वाटीत साय घेवुन ती चमच्याने फेटुन घ्यावी.
पॅन मधे तेल गरम करुन फोडणीत मोहोरी-जिरे-हिंग घालावे.
कांद्याचा वाटलेला मसाला घालावा.मसाला पॅन ला लागु नये म्हणुन सतत परतावा.
आता त्यात दही घालुन पुन्हा छान परतावे.
बटाटा फोडी घालुन परतावे ..मसाला फोडींवर लागला कि तिखट-मीठ-गरम मसाला-चक्री फुल+लवंग यांची पुड व दूध घालुन मिश्रण ढवळावे.
झाकण ठेवुन माध्यम आचेवर २ ते ३ मिनिटे ठेवावे.
काजु पेस्ट घालुन पुन्हा एकदा ढवळावे..गॅस बंद करावा.
थोडी कोथिंबीर घालुन परतावे.
भाजी बाऊल मधे काढुन त्यावर फेटलेली साय व कोथिंबीर घालावी.
अगदी कमी तेलात सुंदर चवीचे दम-आलु तयार आहेत.
मिस्सी रोटी-
मिस्सी रोटी साठी चे पिठ गव्हात देशी चणा मिसळुन दळवतात्.त्याचा पर्याय म्हणुन पिठात बेसन मिसळले आहे.थंडी त या गरम रोट्या खाण्याची पद्धत आहे.
गहू पिठ, बेसन , मोहनाचे तेल ,चवीपुरते मीठ घालुन पिठ घट्ट भिजवायचे. लहान लहान पुरीसारखे फुलके लाटुन ते भाजायचे. भाजलेल्या रोटी ला तूप किंवा बटर लावायचे.
दम आलु,मिस्सी रोटी ,पुलाव चे तयार ताट.
dam -alu..tur-kachori 30 th Dc 2012. 003.JPG

अधिक टिपा: 

हे दम-आलु नेहमीप्रमाणे बटाटे फोडी न तळता मावे त १ टी स्पुन तेलावर ठेवुन केले आहेत.त्यामुळे कमी तेलात अप्रतिम चव साध्य करता आली आहे.

माहितीचा स्रोत: 
पारंपारिक.