इतर प्रकार

किन्वा बिर्याणी

लागणारा वेळ: 
४५ मिनिटे
लागणारे जिन्नस: 

१>किन्वा - ३ वाट्या
२>खडा मसाला : तमालपत्र -१, जीरे- फोडणीचा चमचा भरुन, दालचीनी- पेरभर २ तुकडे, मसाला वेलची -१ मोठी, काळीमिरी - ४,५ दाणे भरडून
३>जीरे धणे पावडर - प्रत्येकी एक चमचा, बिर्याणी मसाला किंवा गरम मसाला - १ चमचा
४>आलं, लसुण, मिरची वाटून किंवा अगदी बारीक चिरून - प्रत्येकी एक चमचा
५>भाज्या - १ लहान कांदा, १ टोमॅटो + बीन्स, गाजर, लाल/हिरवी सिमला मिरची, फ्लॉवर चे तुरे, बटाटा, मटार, मक्याचे दाणे (या पैकी सर्व किंवा आवडतील त्या भाज्या एकूण ३ वाट्या)
६>फोडणीसाठी तेल - २ चमचे,
७>लिंबाचा रस - २ चमचे, पाणी - ५ वाट्या
८>हळद - अंदाजाने,मीठ - अंदाजाने
बारीक चिरलेली भरपूर कोथींबीर बिर्याणीवर घालायला

क्रमवार पाककृती: 

१>सर्वप्रथम किन्वा पाण्यात स्वच्छ धुवून मग त्यात किन्वा बुडेल ईतके पाणी घालून भिजत ठेवावा (१५ मि.) तोपर्यंत बाकीची तयारी करुन घ्यावी.
२> कांदा उभा बारीक चिरुन घ्यावा, ईतर सर्व भाज्या चिरुन घ्याव्या.
३>फोडणीचे तेल तापत ठेवावे, तेल तापले कि जीरे व ईतर खड्या मसाल्याचे साहित्य एकेक करुन घालून किंचीत परतून घ्यावे.
४>मग बारीक पातळ चिरलेला कांदा फोडणीत टाकून परतून घ्यावा.
५>आलं लसूण्,मिरचीचा ठेचा फोडणीत घालून परतून घ्यावा.
६>कांदा सोनेरी ब्राऊन झाला कि भिजवलेला किन्वा घालून २ मि. परतावा ( त्या आधी किन्वा छान निथळून घ्यावा, किन्वा भिजवलेले पाणी बागेत झाडाला घालावे डोळा मारा )
७>त्यात सिमला मिरची व टोमॅटो सोडून बाकी भाज्या घालून हळद, जीरे धणे पावडर घालून २ मि. परतावे.
८> आता पाणी घालून चवीनुसार मीठ घालावे, बिर्याणी मसाला/गरम मसाला व लिंबाचा रस घालावा.
९> पाण्याला उकळी आली की मिश्रण नीट हलवून झाकण लावून मंद गॅसवर १५ मि. ठेवावे.
१०>१५ मि. ने झाकण काढून त्यात सिमला मिरची, टोमॅटो घालावे. एव्हाना बिर्याणी शिजत आली असेल . अजून थोडा वेळ ~१० मि. मंद गॅस वर शिजवावी.
११>तयार बिर्याणी चिरलेली बारीक कोथींबीर घालून ताक /दही /रायता /पापड /लोणचं बरोबर सर्व करावी.

वाढणी/प्रमाण: 
जर हाच पदार्थ मुख्य जेवण म्हणून असेल तर ३,४ जणांसाठी
अधिक टिपा: 

१. बिर्याणीमध्ये मऊसर पडलेली सिमला मिरची मला आवडत नाही, जरा क्रंची छान लागते. टोमॅटो पण रस न होता अखंड तुकडा दिसेल ईतपतच वाफवलेले आवडतात, त्यामुळे ते खूप वेळ शिजवलेले नाहीत. पण तशी काही अट नसेल तर ईतर भाज्यांबरोबर या घालता येतील स्मित
२. बिर्याणी मुरल्यावर दुसर्‍या दिवशी जास्त छान लागते.
३. ही बिर्याणी नेहेमीच्या साग्रसंगीत बिर्याणीपेक्षा खूप कमी वेळात होते, चवीला अतीमसालेदार होत नाही.
४. यामधे बाकी ऐच्छीक मालमसाला (पुदीना, तळलेला कांदा, काजू ई) वगैरे आवडीनुसार वापरुन बघता येइल.
५. शेवटी भाताची बिर्याणी ती भाताची बिर्याणीच, ही किन्वा बिर्याणी काही चवीत त्याची १००% रिप्लेसमेंट होऊ शकत नाही. स्मित पण किन्वा पोटात जाण्यासाठी आत्तापर्यंत केलेल्या पदार्थात हा प्रकार आवडीने खाल्ला गेला.

माहितीचा स्रोत: 
खरतर सुरवातीला नेहेमीची भाताची बिर्याणी करतो त्याप्रमाणे तांदुळाऐवजी किन्वा वापरला. मग दरवेळी किरकोळ फेरफार करत जसे की मसाल्याचे प्रमाण, किन्वा पूर्ण शिजून पण मोकळा रहाण्यासाठी पाण्याचे प्रमाण, पदार्थ शिजण्याचा वेळ ई आता या प्रमाणे करते.

चवळ भाजीचे कोफ्ते

लागणारा वेळ: 
२५ मिनिटे
लागणारे जिन्नस: 

चवळ भाजी १ पाव (बारीक पानावाली)
कांदे ३ बारीक चिरलेले
हिरवी मिर्ची ४ बारीक कापुन
मुठभर तुरीची व मुगदाळ (सोल) गॅसवर भाजुन घेऊन बारीक करावी
थोडेसे बेसन
चविला तिखट मिठ
रस्स्यासाठी
टमाटे ३
लसुन , आले थोडे, आवडता मसाला

क्रमवार पाककृती: 

चवळ भाजी बारीक चिरून त्यात चिरलेला कांदा, भाजलेया डाळी व थोडे बेसन यांचे मिश्रण करुन वडे थापा, हे वडे इडली कुकरमधे वाफऊन घ्या.

आता टमाटे, लसुन, आले मिक्सर म्धुन पातळ होईतो बारीक करुन घ्या व तेलात भाजीचा रस्सा करतात तशी फोडणी ध्या. थोडे घट्ट होईतो गॅसव्रर ठेवा.

आता पोळीसोबत वाढायला घ्या.

वाढणी/प्रमाण: 
४ लोकांसाठी पुरते.
अधिक टिपा: 

वडे रस्स्यात सोडु नये, स्वतंत्रपणे वाढावे

चिक्कड छोले ,भटुरे आणि शिरा(फोटोसहित)

लागणारा वेळ: 
१ तास
लागणारे जिन्नस: 

test.jpg

चिक्कड छोले हा एकदम लज्जत्दार प्रकार आहे. थंडीच्या दिवसात हा नाश्ता अगदी मस्त आहे.
चिक्कड म्हणजे चिखलासारखा(अगदी हाच अर्थ आहे). बर्‍याच वेळ मंद आचेवर ठेवून जे मिळून येतात ते चिक्कड दिसतात. चवीला अफलातून लागतात.

शिरा तर आपल्या घरोघरी बनतो म्हणून त्याची कृती इथे देण्यात वेळ वाया घालवत नाही.
चिक्कड छोले जिन्नसः
१)
१ वाटी काबुली चणे भिजवून,
पाव वाटी लाल मसूर डाळ भिजवून
२ पेला उकळलेला चहा(बिनसाखरेचा)
२)
१ वाटी दही,
चिक्कड मसाला: धणे, जीरं, बडीशेप, डाळींब पूड(प्रत्येकी २ चमचे); २-३ चहा वेलची, काळं मीठ(चवीनुसार), १ मसाला वेलची, ३-४ लवंग दाणे, पाव इंच दालचिनी तुकडा,तेजपत्ता,पाव चमचा कलौंजी,चिमूटभर केशर,जायपत्री. हे सर्व वेगवेगळे भाजून वस्त्रगाळ पूड. ह्यात गरम मसाला व लाल मसाला एकत्र दह्यात घोटून ठेवा.
३)
१ बारीक चिरलेला कांदा
१ मोठा टोमॅटो उकडून वाटलेला
आल लसूण पेस्ट
३-४ हिरव्या मिरच्या उभ्या चिरून
चिरलेली कोथींबीर

भटुरे:
१ वाटी मैदा
पाव वाटी कणीक,
२ चमचे रवा,
२ चमचे साखर,
मीठ
२ चमचे दही
२ चमचे ड्राय यीस्ट
तेल लागेल तसे.

क्रमवार पाककृती: 

सर्वात आधी भटुरेची पीठं व इतर जिन्नस एकत्र करून लागेल तसे पाणी घालून जरा घट्टच भिजवावे व तेलाचा हात लावून झाकून ठेवावे.

छोले करायला घ्या
१)जिन्नस १ एकत्र करून , त्यात चहा टाकून कूकरला उकडून घ्यावे तीन ते चार शिट्या काढून.
२)त्यातले पाणी काढून दही मसाला मध्ये घालून ठेवा.
३)जिन्नस ३ पदार्थ वापरून खालील प्रमाणे फोडणी करावी.
मुख्य कृती:
तेल टाकून (सढळ हाताने टाकले तरी चालेल) त्यात आधी कांदा परतून घेवून मग हिरवी मिरची,टोमॅटो रस व आलं लसूण पेस्ट टाकून तेल सुटेतोस्वर परतावे.
आता छोले टाकून थोडया वेळ परतून झाले की पाण्यासकट भिजलेला मसाला टाकून मंद आचेवर शिजवत ठेवावे. मधून मधून जरासे घोटावे. आच एकदम मंद करून वीस मिनीटे ठेवून द्यायचे.
मग चिरलेली कोथींबीर टाकून आच बंद करावी.

त्या वीस मिनीटात शिरा करून घ्यावाआणि मग भटुरे करावे. भटुरे हे जरा जाडसर लाटून तळून घ्यावे. सर्व पदार्थ एकत्र खायला घ्यावे. स्मित

वाढणी/प्रमाण: 
खाल तसे
अधिक टिपा: 

मंद आचेवर ठेवले असताना जर पाणी कमी वाटत असेल तर एकदाच थोडं गरम कढत पाणी टाकून मंद आचेवर ठेवावं.
चहा बनवताना फक्त त्यात खिसलेले आलं,एखाद लवंग व वेलची दाणा घालून उकळून गाळून घ्यायचा.
लाल मसाला म्हणजे कोणताही घरी असते ते लाल तिखट. साजुक तुपात परतले छोले तर आणखी छान लागते, मसाला मस्त फुलतो.
काळं मीठच वापरावे. त्याला एक वेगळी चव असते.
मी फक्त कणीक,रवा घेवून सुद्धा केलेत भटुरे, चांगले लागतात.

माहितीचा स्रोत: 
पडोस की अस्मा

दोसा

लागणारा वेळ: 
१ तास
लागणारे जिन्नस: 

दोसा-
२ वाटी ब्राऊन/बासमती तांदुळ
१ वाटी उडद दाळ
१/४ टि.स्पुन मेथ्या
मीठ

चटणी -
१:१:१:१:१ प्रमाणात भाजलेले शेंगदाणे, दाळे, डेसीकेटेड कोकोनट, कोथिंबीर, दही
हि. मिरच्या, मीठ
फोडणीसाठी-
तेल, लाल मिरच्या, जीरे, मोहोरी, उडद दाळ, कडिपत्ता

सांबार-
१ वाटी शिजलेली तुर डाळ
१/२ वाटी एमटीआर सांबार पावडर, कमी तिखट वाल्यांसाठी १/३ वाटी
२ वाट्या हि.भोपळ्याच्या १ इंच लांबीच्या फोडी
शेवग्याच्या शेंगा उकडुन
कांदा, टोमॅटो लांब चिरुन
जिरे, मोहोरी, मेथ्या, तेल
गुळ, चिंचेचा कोळ, मीठ, तिखट चवीनुसार

बटाट्याची भाजी-
४-५ मध्यम बटाटे उकडुन फोडी करुन
कांदा उभा चिरुन
१ चमचे आलं, हि.मिरची पेस्ट
जीरे, मोहोरी, उडद दाळ, कडिपत्ता, तेल
लिंबु/साईट्रिक अ‍ॅसिड

क्रमवार पाककृती: 

दोसासाठीचे जिन्नस, मीठाशिवाय ७-८ तास भिजऊन मिक्समधुन बारीक करावे. नंतर त्यात मीठ घालुन उबेला ठेवावे. जर हवामान खुप उष्ण असेल तर मीठ घालु नये. बरेच थंड असल्यास शाल पांघरुन बंदिस्त ठिकाणी ठेवावे.
जेव्हा भाजी आणि सांबार करायला घ्याल त्या शेजारी हे पीठाचे भांडे ठेवल्यास अजुन पीठ मस्त फुगते.

चटणीसाठी भाजलेले शेंगदाणे, दाळे, डेसीकेटेड कोकोनट, कोथिंबीर, दही, हि. मिरच्या, मीठ मिक्सरवर एकदम बारीक करावे, लागल्यास थोडे पाणी किंवा दही घालावे. वरतुन लाल मिरच्या, जीरे, मोहोरी, उडद दाळ, कडिपत्त्याची
खमंग फोडणी द्यावी.

भाजीसाठी जीरे, मोहोरी, उडद दाळ, कडिपत्ता फोडणी करुन कांदा मस्त परतुन घ्यावा मग आलं, हि.मिरची पेस्ट परतुन हळद, मीठ आणि लिंबु/साईट्रिक अ‍ॅसिड टाकुन मिक्स करुन बटाट्याच्या फोडी टाकाव्या.

सांबारासाठी जिरे, मोहोरी, मेथ्याची फोडणी करुन कांदा परतल्यावर, टोमॅटो आणि भोपळा शिजवुन घ्यावा. शेवग्याच्या शेंगा वेगळ्या शिजवुन भोपळा शिजल्यावर घालाव्या. हळद, चिंचेचा कोळ घालुन परतावे. मग तुरीची शिजलेली दाळ, १० वाट्या पाणी घालावे. त्यात एम्टीआर पावडर, मीठ, गुळ घालुन चांगले उकळु द्यावे. पातळ वाट्ल्यास थोडी अजुन पावडर घालावी.

सगळं रेडी झाल्यावर गरमा गरम दोसे घालावे आणि भाजी, चटणी, सांबार सोबत खावेत.

वाढणी/प्रमाण: 
२ माणसे
अधिक टिपा: 

ब्राऊन राईसचे दोसे पण मस्त होतात, फक्त रंग वेगळा येतो. जमल्यास दोसे घालायचा व्हिडिओ टाकेन.

बनपुरी

लागणारा वेळ: 
३० मिनिटे
लागणारे जिन्नस: 

१ किलो मैदा

१२ केळी

दोन वाटी दही

जिरे

साखर

क्रमवार पाककृती: 

एक किलो मैदा, १२ केळी , लागेल तितके दही घालावे. साखर, जिरे मिसळून मळून रात्रभर ठेऊन द्यावे. पीठ मळायला लागेल तितके दहीच घालावे. पाणी अजिबात घालू नये.

सकाळी त्याच्या पुर्‍या करुन तळाव्यात

वाढणी/प्रमाण: 
-
अधिक टिपा: 

इडलीवडा वाल्या कर्नाटकी आण्णाच्या दुकानात आज हा नवीन पदार्थ दिसला, त्याने रेसिपी दिली.

पुर्‍या अगदी स्पाँजी होतात. तेलही जास्त पीत नाहीत.

मैद्याऐवजी गव्हाचे पीठ / आटा वापरुन करता येईल का?

या पुर्‍या दोन दिवस टिकतात.

कसलीही भाजी, चटणी, सांबार याबरोबर खाता येतात. नुसत्या खाल्ल्या तरी छान लागतात.

माहितीचा स्रोत: 
दुकानवाला

बनपुरी

लागणारा वेळ: 
३० मिनिटे
लागणारे जिन्नस: 

१ किलो मैदा

१२ केळी

दोन वाटी दही

जिरे

साखर

क्रमवार पाककृती: 

एक किलो मैदा, १२ केळी , लागेल तितके दही घालावे. साखर, जिरे मिसळून मळून रात्रभर ठेऊन द्यावे.

सकाळी त्याच्या पुर्‍या करुन तळाव्यात

वाढणी/प्रमाण: 
-
अधिक टिपा: 

इडलीवडा वाल्या कर्नाटकी आण्णाच्या दुकानात आज हा नवीन पदार्थ दिसला, त्याने रेसिपी दिली.

पुर्‍या अगदी स्पाँजी होतात. तेलही जास्त पीत नाहीत.

मैद्याऐवजी गव्हाचे पीठ / आटा वापरुन करता येईल का?

या पुर्‍या दोन दिवस टिकतात.

कसलीही भाजी, चटणी, सांबार याबरोबर खाता येतात. नुसत्या खाल्ल्या तरी छान लागतात.

माहितीचा स्रोत: 
दुकानवाला

अननसाचा मुरांबा

लागणारा वेळ: 
२० मिनिटे
लागणारे जिन्नस: 

अननसाचा मुरांबा हा काही तसा नवीन पदार्थ नाही पण मी जी रेसीपी शेअर करत आहे ती खूप झटपट आहे आणि पाक वैगेरे काही करायचा नसल्याने सक्सेस रेट १००%

From mayboli

अननस बाजारातुन सोलुन आणावा. हेच खरे वेळखाऊ आणि हायजिनिक कसोट्या पणाला लावणारे काम आहे. मी फार कसोशीने फळवाल्याचा हात सोललेल्या भागाला लागणार नाही हे बघते.
सहित्यः
१) अननसाच्या मध्यम आकाराच्या फोडी चार वाट्या( फोडी करताना अननसाचा मधला भाग आणि डोळे असल्यास काढावे)
२) साखर चार वाट्या.
३) लिंबाचा रस २ टे. स्पु.

क्रमवार पाककृती: 

वरील तिन्ही जिन्नस एका पातेल्यात एकत्र करुन मॅरिनेट करत साधारण तासभर ठेवावे. नंतर ते पातेले कुकरमध्ये प्रेशर लावून ठेवावे. नेहमी सारख्या तीन शिट्ट्या झाल्या की गॅस सिमवर दहा ते बारा मिनिट ठेवावा.

गॅस बंद करुन कुकर साधारण दोन तीन तासानी उघडावा. मस्त नैसर्गिक सोनेरी रंगाचा मुरांबा तयार. ( जर कुकर मधुन काढल्यावर साखर पूर्ण विरघळली नसल्यास मंद गॅसवर ठेवून साखर पूर्ण विरघळवावी. जास्त उकळू नये. घट्ट होईल. )

वाढणी/प्रमाण: 
मुरंबा आहे तो, काय सांगू ?
अधिक टिपा: 

टीप: हा मुरंबा इतर काम करत असतानाच करावा कधी झाला ते कळत ही नाही.
फ्रीज मध्ये ठेवावा.

पालक घडी

लागणारा वेळ: 
३० मिनिटे
लागणारे जिन्नस: 

पालकची मोठी २०-२२ गरजेनुसार पाने
१ वाटी बेसन
थोडस हिंग
हळद अर्धा चमचा
१ चमचा मसाला किंवा अर्धा चमचा तिखट
प्रत्येकी अर्धा चमचा धणे,जीरे पावडर किंवा १ चमचा गोडा मसाला
पाव लिंबाचा रस
चविनुसार मिठ
शॅलोफ्राय पुरते तेल

क्रमवार पाककृती: 

पालकाची पानाबाहेरची देठे काढून पाने स्वच्छ धुवून घ्या.

बेसन मध्ये वरील जिन्नसातील तेल सोडून सगळे थोडे पाणी घालून मिस्क करून घ्या.

आता एका पानाला अळूवडीला लावतो तसे पिठाचे मिश्रण लावून घ्या.

त्यावर दुसरे पान ठेउन त्यालाही मिश्रण लावा आणि त्याची घडी घाला. घडीला वरूनही थोडे पिठ लावा.

आता ह्या पालकच्या घड्या १५ मिनीटे वाफवून घ्या.

आता शॅलो फ्राय केल्या की झाल्या तय्यार पालकाच्या घड्या किंवा वड्या. स्मित

वाढणी/प्रमाण: 
प्रत्येकी २
अधिक टिपा: 

पिठाचे मिश्रण अळूवड्यासारखेही करू शकता तसेच आपल्या आवडीनुसार अजुन काही काही जिन्नसे घालू शकता.

माहितीचा स्रोत: 
टिव्ही वरील मेजवानीचा कार्यक्रम

पॅन केक

लागणारा वेळ: 
१० मिनिटे
लागणारे जिन्नस: 

एक अंडं, पिकलेलं केळं, २ मध्यम चमचे कणिक, चिमूटभर मीठ १-२ चमचे साखर, तेल किंवा तूप, मध आणि पाणी अगदी पाववाटी.

क्रमवार पाककृती: 

प्रथम एका भांड्यात अंडं फोडून चांगलं फेटून घ्या, त्यात केळ अगदी बारिक कुस्करून घाला. मग त्यात मावेल इतकी कणिक घाला आणि पुन्हा फेटा, मग चिमूटभर मीठ आणि दोन चमचे साखर घाला. मी अत्यंत आळशी असल्याने अंडं मिक्सरच्या भांड्यात फोडून डायरेक्ट व्हिप मोडवर फिरवून त्यातच केळाचे तुकडे, कणिक वगैरे मिक्स करून फिरवते... किंचित घट्ट वाटलं तर पाणि (अगदी थोडं) घालून पुन्हा फिरवते. तव्यावर सरसरित ओतता येईल असं मिश्रण हवं.
गॅसवर नॉनस्टिक किंवा कोणताही तवा तापत ठेवून त्यावर थोडं तेल घालून तवा चांगला तापला की हे मिश्रण वरून गोल गोल करत ओतायचं. आणि झाकण ठेवायचं. साधारण फुलतो.... लक्षात येतो झाला की. तळ साधारण ब्राऊन झाला की पलटायचा...
नंतर प्लेट मध्ये काढून वर फक्त मध ओतून खायचा...

वाढणी/प्रमाण: 
एका माणसासाठी
अधिक टिपा: 

अंडं हाताने जितकं फेटू तितका हा पॅनकेक हलका होता आणि फुलतो... माझा फुलत नाही कारण मी मिक्सरवर मिश्रण करते. एखाद्यावेळेस ब्रेकफास्टला किंवा लाईट डिनर म्हणून चांगला पडतो खायला. होतोही पटकन.

20140107_104842.jpg

माहितीचा स्रोत: 
मैत्रिण. मला तर पॅनकेक हा प्रकार म्हणजे काय माहितही नव्हता.

डम्पलिंग (Dumpling)

लागणारा वेळ: 
३० मिनिटे
लागणारे जिन्नस: 

Ground Chicken
कांदा
हिरवी मिरची
कोथिंबीर
आले लसूण पेस्ट

क्रमवार पाककृती: 

वरील सर्व घटक चांगले मिक्स करावेत. भांड्यात तेल घेवून त्यात वरील मिश्रण stir fry करून घ्यावे आणि त्यात काळेमिरी आणि मीठ तुमच्या आवडी प्रमाणे घालावे.

आवरणासाठी:
मैद्या मध्ये मीठ घालून कणिक मळून घ्यावे. त्याचे छोटे गोळे करून पातळ लाटून घ्याव्यात. त्यात हे मिश्रण करंजीसारखे भरावे आणि बंद करावे. बांबू स्टीमर असल्यास त्यात हे Dumplings ठेवावे आणि वाफ येऊ द्यावी.

हे Dumplings टोमॅटो, तीळ, लाल मिरची आणि लसूण यांच्या चटणी बरोबर खावे.

English शब्दांना मराठीत काय म्हणतात ते मला माहीत नाहीए त्यामुळे क्षमस्व.

शुद्धलेखनाच्या चुकांसाठी क्षमस्व.

Dumplings चे सगळे श्रेय आकाश ला आणि त्याच्या मदतीला.

Image 01

Image 0२

Image 0३

Image 0४

Image 0५

Image 0६

Image 0७

Image 0८

माहितीचा स्रोत: 
ऑफिस मधील मैत्रीण आणि YouTube