मुरुक्कु म्हणजे आपल्या चकलीची साउदींडीयन मावस बहिण.
महाराष्ट्रात जशी दिवाळीला चकली हवीच हवी. तसेच इथे कर्नाटकात कृष्णजन्माष्ठ्मीला आणि "बोंबे हब्बा" (म्हणजे बाहुल्यांचा उत्सव्-नवरात्रात दसर्‍या पर्यंत दहा दिवस घरात देविपुढे तर्‍हेतर्‍हेच्या बाहुल्या मांडून आरास करतात). साठी मुरुक्कु खास. ह्या खास वेळी घराघरांतुन ह्या मुरुक्कुचा खमंग दरवळ येत असतो.

योग्य ते प्रमाण घेउन भाजणी करा, ती गरम पाण्यात भिजवा, मग चकल्या करा हा सगळा कुटाणा नवशिक्यांना फार कठीण. म्हणून ही एक सोप्प्या प्रकारची चकली. नो कटकट, मुरुक्कु झटपट !

सर्वप्रथम फुटाणा डाळीचे पिठ करून घ्यायचे. मग हे पिठ, तांदळाचे पिठ, लोणी, तिखट, मिठ, ओवा, तिळ हे सगळे व्यवस्थित एकत्र मरुन घ्यायचे. पाणी न घालताच लोणी सगळ्या पिठात निट एकसारखे एकत्र होईल असे मिसळून घ्यायचे. मग गरजे नुसार पाणी टाकुन चकलीला भिजवतो तसे पिठ भिजवून घ्यावे. कढईत तेल तापायला ठेउन एकसारख्या दोन किंवा तिन वेढ्याच्या चकल्या कराव्यात. कडकडीत तेल तापवुन मग मध्यम आचेवर कुरकुरीत मुरुक्कु तळाव्यात. हलका गोल्ड्न ब्राउन रंग आल्यावर काढुन पेपर टॉवेल वर जास्तिचे तेल निथळायला ठेवाव्या. थंड झाल्यावर हवाबंद डब्यात ठेवाव्यात. (ठेवायला उरतच नाहीत )

चकलीचा अजुन एक वेगळा प्रकार इथे आहे

२ वाट्या मैदा, २ चमचे बारिक रवा, चविपुरते चिमुट्भर मिठ आणि चमचाभर पिठीसाखर व्यवस्थित एकत्र करुन घ्यावे.

चार चमचे तेल कडकडित गरम करुन हे मोहन मैद्यात घालून जरुरीप्रमाणे थंड पाणी घालून घट्टसर पिठ मळावे. करंज्यांसाठी करतो तसा घट्ट गोळा करून तासभर झाकून ठेवावे.

वाटीभर डाळं मिक्सर मध्ये बारिक करून पिठीसाखरे सारखे बारिक पिठ करावे.
मग पिठी साखर आणि हे डाळ्यांचं पिठ एकत्र करून घ्यावे. त्यात चवीप्रमाणे आवडी नुसार जायफळ वेलची इत्यादी पूड मिसळावी.

तळणासाठी तेल किंवा तुप तापत ठेवावे.
मग मैद्याच्या पिठाचे पेढ्या एवढ्या आकाराचे एकसारखे गोळे करुन घ्यावे.

**फुलक्या एवढी किंवा जरा लहान एक पातळ पुरी लाटावी, मिडीयम हाय वर तळून ताटात काढावी, लगेच त्यावर चिमटीने साखर आणि डाळ्यांची पिठी भुरभुरावी, चमचा आणि झार्‍याच्या सहाय्याने पटकन अर्धी घडी करावी, पुन्हा साखर पिठी भुरभुरून पुन्हा पटकन घडी करावी. (आपण पोळी ज्याप्रकारे घडी करतो तश्या ह्या दोन घड्या कराव्यात).**

पुन्हा दुसरी पुरी... सगळी प्रोसेस पुन्हा .. असं करत सगळे चवडे बनवावेत.

हे बघा हे असे दिसतील चवडे..

शक्य असेल तर हरभरा डाळ गिरणीतून दळून आणायची. अगदी बारीक न दळता जराशी जाडसर दळायला सांगायची.
पुर्‍या साठी मळतो साधारण तसेच घट्ट पिठ मळायचे. ह्यात मोहन घालायची गरज नसते.

ह्या पिठाच्या जाडसर पुर्‍या लाटायच्या. पातळ केल्या तर तळताना कडक होतात.

ह्या पुर्‍या तुपातच तळायच्या. तेलात तळल्या तर हवी ती चव येत नाही.

गरम असतानाच चुरल्या म्हणजे लवकर आणि बारीक चुरल्या जातात . काय करायचे पहिल्या दोन तीन पुर्‍या हाताने तोडुन घ्यायच्या जराश्या गार झाल्या की मग दोन्ही हाताने चुरायच्या. पुढच्या पुर्‍या चुरायला घेताना पुरीसोबत हा चुरा पण हातात घ्यायचा म्हणजे हाताला भाजत नाही. एकीकडे तळायचे आणि एकीकडे चुरायचे काम सुरु असते. सगळे चुरुन झाले कि दळण साफ करायच्या चाळणीने चाळुन घ्यायचे. बारिक न चुरला गेलेला चुरा शिल्लक असतो, तो गार झाल्यामुळे हाताने चुरणे शक्य नसते तर पुर्वी तो खलबत्त्यात घालून कुटला जाई. आता मिक्सरमध्ये बारीक करु शकतो
वरच्या चुरण्याच्या कामाला शॉर्ट्कट म्हणजे सगळ्या पुर्‍या तळून झाल्या की मग त्यांचे तुकडे करून मिक्सरमध्ये बारीक करायचे.
हा सगळा चुरा एका परातीत घालुन ठेवायचा. वेलचीची पुड ह्यातच टाकायची.
पुर्‍या तळायला घेतानाच पाक करायला ठेवायचा. गोळीबंद पाक व्हायला हवा. पाक झाला की नाही हे पहाण्यासाठी एका छोट्या ताटलीत पाणी घेऊन ठेवायचे. पाक सतत ठवळत रहायचे आणि मधुनच थोडासा पाक पाण्यात टाकून पहायचा. बोटांनी गोळा करायचा प्रयत्न करायचा. आधी तो पाण्यात टाकता क्षणीच पसरतो. पाण्यात त्याची गोळी झाली म्हणजे पाक पक्का झाला असे म्हणतात.

थोडा चुरा वाटीत काढून ठेवायचा. हा पाक ताबडतोब परातीतल्या चुर्‍यावर पसरवून टाकायचा. काढून ठेवलेल्या चुर्‍याने कढई पुसुन घ्यायची आणि परातीत टाकायचा. उलथण्याने खालीवर करुन चांगला मिक्स करायचा. एकसारखा करुन कापड टाकुन झाकुन ठेवायचा.

तासाभराने बघायचे की लाडू बांधायला जमतात की नाही. अजुनही जरासे ओलसर वाटले तर थोडावेळ राहू द्यायचा. लाडू हलक्या हाताने बांधायचे. काजू, बदाम, बेदाणे लाडू वळताना त्यात घालू शकता किंवा आधीच चुर्‍यात मिसळून घेवू शकता.

शुभ दिवापली!

१) रताळ्य़ाची दोन्ही टोके कापून ती उकडून घ्या.
२) पाण्यातून काढून ती पूर्णपणे निथळून घ्या. (हे काम आधीच करुन ठेवा)
३) रताळ्याची साले काढून जाड्या किसणीने किसून घ्या, (दोरे काढून टाका)
४) असा गर दोन वाट्या घ्या, (गर दाबून भरू नका)
५) एक टेबलस्पून तूप वापरून रवा भाजायला घ्या, त्यातच मिल्क पावडर मिसळा. (दूध वापरणार
असाल तर पुढची पायरी बघा.)
६) रवा गुलाबी रंगावरच भाजा, जास्त भाजू नका.
७) आता रवा काढून घ्या आणि त्याच भांड्यात रताळ्याचा गर भाजायला घ्या.
८) थोडे वगळून बाकीचे तूप टाका, (दूध वापरत असाल तर ते आता गरात घाला.)
९) रताळ्याचा गरही फार भाजायचा नाही, पण दूध वापरत असाल तर मिश्रण जरा आळू द्या.
१०) पण गर अगदी तूप सूटेपर्यंत भाजायचा नाही. (दूध वापरत असलात तरीही.)
११) आता रताळ्यात रवा मिसळा आणि मिश्रण मंद आचेवर नीट मिसळून घ्या.
१२) त्यातच सुका मेवा आणि वेलची पूड मिसळा आणि आच बंद करा.
१३) मिश्रण जरा थंड होऊ द्या आणि मग त्यात पिठीसाखर मिसळा पण सर्व एकदम मिसळू नका.
१४) रताळ्याच्या गोडीवर आणि तूमच्या चवीनुसारच साखर मिसळा.
१५) मग लाडू वळायला घ्या. सहसा लागणार नाहीच, पण लागलेच तर तूपाचा वापर करा.

रवा,मैदा,मीठ,ओवा,तीळ,मिरे पुड,मेथीदाणा पुड गरम तेलाचे मोहन घालुन सगळे मिश्रण छान एकत्र करुन घ्या..मोहन सगळी कडे छान मिक्स झाले पाहिजे..
आता पाणी घालुन हे पिठ पुरीसारखे घट्ट भिजवुन घ्यावे..२० मिनिटे तसेच झाकुन ठेवावे..
कढईत तेल मंद आचेवर तापायला ठेवावे..
भिजवलेले पिठ तेलाचा हात लावुन मळुन घ्यावे..
लहान लहान गोळे [पुरी सारखे]करुन ठेवावे..साधारण १५ तरी होतील..
पाणीपुरी च्या पुरीएवढी पण थोडी जाड पुरी लाटावी..
त्यावर सुरी किंवा काट्याने टोचे मारुन घ्यावे..
एकावेळी ५-६ मठरी किंवा त्यापेक्षा जास्त [कढई व तेलाच्या आकारमानाप्रमाणे] तापलेल्या तेलात सोडुन मंद आचेवर तळाव्या.अगदी .हलका गुलाबी रंग दिसु लागला कि बाहेर काढुन टिशु पेपर /पेपर वर काढुन पसराव्या..
थंड झाल्या कि डब्यात भरुन ठेवाव्या..

तांदळाचे पिठ, गव्हाचे पिठ व तिळ एकत्र मिसळून घ्यावे. २ चमचे कच्चे
गोडेतेल (गरम न केलेले) वरून टाकावे. गुळ बारीक चिरून किंवा किसुन
घ्यावा. एका भांड्यात पाणी कोमट करावे. हे कोमट पाणी हळू हळू त्या
मिश्रणात टाकुन पिठ घट्ट मळून घ्यावे. मग लगेच त्या पिठाचे बोरांच्या
आकारा एवढे गोळे वळायचे.

कढईत तेल चांगले कडकडीत तापवायचे आणि मंद आचेवर
मधून मधून हलवत ही बोरे तळायची.

चांगलालालसर रंग येईपर्यंत खरपूस तळायची.

मंद आचेवर तुपात रवा छान खमंग भाजून घ्या. रवा भाजत आला की त्यात खोबर, बदामाचे काप घालून परत नीट भाजा.

आता रवा stove वरून काढून घ्या आणि गरम असतानाच त्यात साखर, milk powder , केशर, वेलची पूड आणि बेदाणे नीट मिसळून घ्या. मिश्रण अगदी एकजीव करा. नंतर त्याच्यात लाडू वळण्याची consistency येईल इतकच दूध शिंपडा जास्त नको. हळू हळू दूध घालत mix करत राहिल, तर दूध जास्त होत नाही. मग लाडू वळा.

sour cream मध्ये मावेल येवढचं तांदळाचं पीठ घालायचं. त्याची consistency भाजणीचं पीठं जसं भिजवल्यावर असतं तशी झाली पाहिजे.
त्यात ओवा, तिखट, खसखस, आलं, आणि मीठ घालायचं. आणि लगेच चकल्या करायच्या.

१) पावूण कप पाणी उकळवायचे , उकळले की त्यात साखर विरघळवायची.
२) साखर पुर्ण वितळली दिसले रे दिसले की मग त्यात खोबरे टाकायचे.
३) मग कच्चा रवा टाकायचा. मीठ टाकायचे.
४) मग तूप टाकून (गॅस एकदम मंद पाहिजे वरील सर्व करताना) मस्त ढवळत ते जरासे आळेल असे वाटले की गॅस बंद करायचा. खूप आळवू नका. मिश्रण तोवरच आळवा की सर्व जवळ आल्यासारखे दिसले पाहिजे.
५) आता हे मिश्रण आंबवा.( मी रात्रभर नाही आंबवत पण ६-८ तास ठेवते. म्हणून सकाळी १०-११ वाजता करून ठेवायचे अवन जरा गरम करून मग बंद करून झाकून ठेवून द्यायचे आणि रात्री १० वाजता बेक करायचे.)
६) ६-८ मिश्रण आंबले की दोन अंडी फोडायची, त्यातील फक्त पिवळे व पांढरे वेगळे करायचे, मग पिवळे वेगळे घेवून , वॅनीला ईसेन्स ३ लहान चमचेटाकूनच फेटून चमच्याने मस्त मिक्स करायचे.
७)आता त्यात कणीक व बेकिंग पॉवडर तीनदा चाळून मिक्स करायची. हे अलगद करायचे.
८) आता उरलेले पांढरे मस्त फेटून घ्या हँड ब्लेंडरने की अगदी हलके दिसले पाहिजे. सुरी नीट उभी राहिली पाहिजे. हे आता फक्त वरील मिश्रणात फोल्ड करा.खूप असे काहि वेळ लागत नाही करताना. गॅस पाशी उभे राहून मिश्रण टाकायचे मग आंबवायचे.
९)अंडे टाकल्यावर पीठ जरा ओलसर व सैल वाटेल, हात लावून करायचे नसेल तर कणीक एका पोळपाटावर पसरवून पीठ चमच्या ने घेवून ते चमच्याने थापायचे व बेकींगच्या आधी साखरेत घोळवा नाहीतर साखर भुरभुरायची. बेक केल्यावर मस्त चमकतात.
१०)२८५ फॅ वर २५ मिनीटे बेक करा. मध्येच बाजू बदला.

पदार्थाची माहिती: हा एक गोव्याचा खास असा कुकीज पदार्थ आहे. दिवाळीला अंड्याशिवाय करते आई. काही फरक असा नाही पडत फक्त चव वेगळी लागते. दोन्ही चवी मस्त असतात. तुलना करु शकत नाही.
बेक करताना साखर व नारळाचे आंबून एक मस्त वास येतो , खोबर्‍याचा असा वास खूप घमघमाट करतो.

तोंडात एकदम विरघळणारी कूकीज (नानकटाई) होते.
पुर्वी लहानपणी एक कोकोनट क्रंची बिस्किटे मिळत लहानपणी तशी चव पण हि ज्यास्त हलकी,खुसखुशीत होतात. आठवते गाणं, एक नारीयल पेडसे तूटा..... वगैरे.
हि दिवाळी अंकात देणार होते पण वेळच नाही झाला.

हे असे मिश्रण आळवायचे,

मग गोळा बनवून आंबवायचे,

अंडी फेटून, पीठ मिक्स करून साखरेत घोळून बेक करण्यापुर्वी,

फायनल प्रॉडक्ट

.