महिला दिन सामाजिक उपक्रम २०१५

महिलादिन सामाजिक उपक्रम २०१५च्या अंतर्गत पुणे कोथरुड येथील अंधशाळेला मिळालेल्या देणगीचा अहवाल

Submitted by अरुंधती कुलकर्णी on 11 October, 2015 - 09:15

महिला दिन सामाजिक उपक्रम २०१५ अंतर्गत सुमति बालवन आणि पाखरमाया यांना मिळालेल्या देणगीचा अहवाल

Submitted by मो on 31 July, 2015 - 10:17

यावर्षी एकूण जमा झालेल्या देणगीतील रुपये २५,०००/- (पंचवीस हजार) एवढी देणगी राधाबाई हार्डीकर प्राणिजात मंगल संस्थेद्वारे चालविल्या जाणार्‍या सुमति बालवन शाळा व पाखरमाया अनाथाश्रमाला देण्यात आली.

सदर देणगीचा विनियोग संस्थेने अनाथाअश्रमाकरता किराणा मालाची खरेदी आणि उरलेला निधी मुलांना वापरण्याकरता भिंतीत कपाटे बनवणे याकरता केला.

सुमति बालवन/पाखरमाया ह्यांना मदतीचा हात पुढे करणार्‍या सर्व देणगीदारांचे आणि स्वयंसेवकांचे आभार मानणारे पत्र, कपाटांचे फोटो आणि खरेदीच्या पावत्या आपल्याला पाठवल्या आहेत, त्या इथे पाहता
येतील.

आभारपत्र

महिला दिन सामाजिक उपक्रम २०१५ अंतर्गत सावली सेवा ट्रस्टला मिळालेल्या देणगीचा अहवाल

Submitted by अरुंधती कुलकर्णी on 30 July, 2015 - 09:54

यावर्षी एकूण जमा झालेल्या देणगीतील रुपये २५,०००/- (पंचवीस हजार) फक्त एवढी देणगी सावली सेवा ट्रस्टला देवदासींच्या मुलांच्या शैक्षणिक खर्चासाठी देण्यात आली.
सदर देणगीतून ट्रस्टने मुलांच्या शाळा-कॉलेजेसचे शुल्क भरणे तसेच गणवेश, चपला, बूट, दप्तरे इत्यादींची खरेदी केली. त्यांच्या पावत्या त्यांनी पाठवल्या आहेत.

तसेच देणगीदार आणि सावली सेवा ट्रस्टला मदतीचा हात पुढे करणार्‍या सर्व स्वयंसेवकांचे आभार मानणारे पत्रही त्यांनी मुलांच्या प्रगतीच्या अहवालासकट पाठवले आहे.

१) आभारपत्र

महिला दिन सामाजिक उपक्रम २०१५ - आढावा

Submitted by कविन on 22 July, 2015 - 01:00

नेहमीप्रमाणे यावर्षीही आंतरराष्ट्रीय महिला दिनानिमित्त आपल्यापैकी काही मायबोलीकरांनी एकत्र येऊन सामाजिक उपक्रमासाठी मायबोलीवर आवाहन व घोषणा केली. या आवाहनातून वाचकांना त्यांच्या माहितीत असलेल्या, चांगले काम करणार्‍या गरजू व नोंदणीकृत सेवाभावी संस्थांची नावे, त्यांबद्दलची माहिती आणि त्या संस्थेची सध्या काय गरज आहे ते कळविण्यास सांगितले. थोड्याच दिवसांत आपल्याकडे ७ सेवाभावी संस्थांची माहिती व त्यांची निकड काय आहे याची एक मोठी यादीच जमा झाली. त्या माहितीची शहानिशा करून यादीतील संस्थांना मदत करण्यासाठी आपण मायबोलीवर एक जाहीर आवाहन केले.

Subscribe to RSS - महिला दिन सामाजिक उपक्रम २०१५