कलेवर

पेटलो आधीच होतो..

Submitted by संतोष वाटपाडे on 5 January, 2015 - 04:53

जीवनाचे मी कलेवर
घेतले आहे कडेवर..

अन्न दे चोचीत देवा
पोट भरते का हवेवर..

प्रेम केले पाहिजे पण
ठेव ताबा वासनेवर..

विसर पडणे हेच औषध
काळजाच्या वेदनेवर..

पेटलो आधीच होतो
कष्ट झाले ना चितेवर..

प्यायलो दुःखे निरंतर
थांबलो नाही नशेवर..

अंधश्रद्धा सोडली तर
जोर का हो प्रार्थनेवर..

कैकयी होतीच स्वार्थी
दोष गेला मंथरेवर..

लेक मोठी होत आहे
लक्ष ठेवा व्यस्ततेवर..

निर्भयाचे नाव घेता
बोट उठते दक्षतेवर..
- संतोष वाटपाडे (नाशिक)

शब्दखुणा: 

कलेवर

Posted
9 वर्ष ago
शेवटचा प्रतिसाद
9 वर्ष ago

रोज घेऊन फिरावं
आपलंच कलेवर, आपल्याच खांद्यावर..
नियतीच्या विस्तिर्ण फांद्या, गळफास म्हणूनही येतात कामी कुणाच्या..
आपण मात्र तिरडी बांधावी-
त्या फांद्यांमध्ये कर्माचा दोर घालून आवळत रहावं..
रोज नव्या दमानं कलेवराला काजळ-तीट करत रहावं..
स्वतःची माती होईपर्यंत............?

- चिन्नु

प्रकार: 
शब्दखुणा: 
Subscribe to RSS - कलेवर