लागणारा वेळ:
२५ मिनिटे
लागणारे जिन्नस:
वांगी, बटाटे, टोमॅटो
तेल, जिरे, हिंग, आलं, हळद, लाल तिखट, धनेपूड, मीठ
क्रमवार पाककृती:
वांगी, बटाटे आणि टोमॅटो रश्श्यासाठी कापतो तसे तुकडे (dice/cubes) करा ..
तेल तापवून त्यात जिरे घाला .. ते तडतडले की हिग आणि हळद घाला ..
त्यावर बटाटे, वांगी आणि आलं घालून परतून एक वाफ काढा .. मग त्यात टोमॅटो, तिखट, धने पूड, मीठ घालून परत झाकण ठेवून शिजवा .. भाजी तयार!
वाढणी/प्रमाण:
अंदाजे
अधिक टिपा:
नेहेमीच्या पद्धतीने वांग्याची भाजी करून कंटाळा आला म्हणून हा प्रयोग करून पाहिला .. आणि चव आवडली ..
माझ्या मैत्रिणींकडून ऐकून उत्तर भारतीय पद्धतीने भाजी करायची तर आलं, लाल तिखट आणि धनेपूड घालायची हे बर्याच वेळा ऐकलं आहे .. त्यामुळे नविन पद्धतीने काही करायची हुक्की आली की मी असं करून बघते ..
मला स्वतःला आल्याच्या उभ्या सळ्या कापून घालायला आवडतात ..
माहितीचा स्रोत:
मैत्रिणी, प्रयोग
