१) एका मोठ्या वाडग्यात कोबी पासून तांदळाच्या पिठापर्यंत सगळे घटक एकत्र करा.
२) हाताने ते सगळे एकत्र करत थोडेसे मळा.
३) मग त्यात बेसन घाला. सगळे एकदम घालू नका.
४) आता थोडे थोडे पाणी घालत सगळे एकत्र करा. थालिपिठाचे पिठ जसे भिजवतो तितपत
सैल असू द्या. त्यात तेल टाका व नीट मिसळून १५/२० मिनिटे तसेच झाकून ठेवा.
चव घेऊन बघा. तूम्हाला जेवढे तिखट आवडते त्यापेक्षा जरा जास्त तिखट करा, कारण
शिजवल्यावर ते थोडे सौम्य होते.

५) भानोले शिजवायच्या दोन पद्धति आहेत. ते वाफ़वू शकता किंवा भाजू शकता. मला भाजलेले
जास्त आवडते.
६) वाफ़वायचे असेल तर कूकरच्या डब्याला तेलाचा पुसट हात लावून त्यावर हे मिश्रण ओता.
डबा आपटून ते समपातळीत करा. प्रेशर न ठेवता साधारण अर्धा तास वाफ़वा. किंवा डब्याला
घट्ट झाकण लावून ८ मिनिटे प्रेशरकूक करा. कधी कधी कूकरचे तंत्र बिघडले असेल
तर डब्यात पाणी जाते. त्यामूळे प्रेशर न ठेवता वाफ़वण्याच्या पर्याय सेफ़ आहे.
आत खुपसलेली टूथपिक स्वच्छ निघाली कि शिजले असे समजा. मग पुरते थंड झाल्यावर
चौरस तूकडे करा. हे तूकडे तसेच खाता येतात पण गरज वाटलीच तर तेलाची तीळ, ओवा
हिंग घालून फ़ोडणी करा आणि त्यात हे तूकडे परतून घ्या. मी सल्ला देणार नाही पण
हवेच असतील तर हे तूकडे शॅलो फ़्राय पण करता येतील.

किंवा

६) भानोले भाजण्यासाठी नॉन-स्टिक पॅनला तेलाचा पुसट हात लावून घ्या आणि हे
मिश्रण त्यात ओता. आधी झाकण ठेवून आणि मग झाकण काढून एकदंर अर्धा
तास अगदी मंद आचेवर भाजा. आत खुपसलेली टूथपिक स्वच्छ निघाली कि शिजले असे समजा.
तशी गरज नाही पण वाटलेच तर दुस-या पॅनमधे उलटे करुनही भाजा. मग वड्या कापा.

कोबी एकसारखा, बारीक चिरुन घ्यावा. मिरच्या मिरची कटरमधुन काढाव्यात अथवा बारीक चिरुन घ्याव्यात. तेलात मोहरीची फोडणी चांगली तडतडली की कडिपत्ता आणि मिरच्या घालाव्यात. लगेचच कोबी आणि वाटाणे/ह डाळ/बटाटे घालावेत. भाजी चांगली हलवुन घ्यावी. मीठ घालावे. थोडी कोथिंबीर घालावी. झाकण न घालता मंद आचेवर भाजी शिजवावी. खाली लागु नये म्हणुन अधुन मधुन हलवत रहावी. फार सपक शिजवु नये, थोडा करकरीत राहु द्यावा कोबी. भाजी शिजली की उरलेली कोथिंबीर वरुन घालावी.