कासव

"ए बामणा, मुत्त्या बोलावतंय बघ आमचं तुला. बघ काय म्हणतंय येड्या भोकाचं"
"तुझैला तुझ्या तीन एकर. बापंय कीबे तुझा"
"बाप नाय डोस्क्याला ताप हाय"

त्रिमिती ट्रस्ट ही मानसिक आरोग्यासाठी काम करणारी स्वयंसेवी संस्था आहे. ही संस्था गेली २०१५ सालापासून मानसिक आरोग्याविषयी जागृती व्हावी, यासाठी पुणे आणि गोवा इथे चित्रपट-महोत्सवाचं आयोजन करते.

यंदा हा चित्रपट-महोत्सव गोव्यात ११ नोव्हेंबर, २०१७ रोजी आयोजित करण्यात आला आहे.

मडगाव इथल्या रवीन्द्र भवनात शनिवार, दि. ११ नोव्हेंबर, २०१७ रोजी दुपारी २.३० ते संध्या. ७.३० या वेळेत महोत्सवातले चित्रपट पाहता येतील.

६ ऑक्टोबरला 'कासव' प्रदर्शित झाला, तेव्हा त्या आठवड्यात एकूण सात मराठी चित्रपट प्रदर्शित झाल्यानं आणि अगोदरचे चित्रपट सुरू असल्यानं 'कासव'ला मुंबईत आणि इतरत्र चित्रपटगृहं मिळू शकली नव्हती.

पुण्यात आणि इतरत्र 'कासव'ला प्रेक्षकांनी दिलेल्या पसंतीमुळे आता दुसर्‍या आठवड्यात 'कासव' ५१ चित्रपटगृहांमध्ये प्रदर्शित केला जाणार आहे.

’कासव’चं दुसर्‍या आठवड्यातलं वेळापत्रक -

१. एक्सेलसियर - दक्षिण मुंबई - दु. ३.३०

२. रॉक्सी - गिरगाव - संध्या. ६

३. प्लाझा - दादर (प.) - संध्या. ६.३०

४. गोल्ड - दादर (पू.) - संध्या. ७

'कासव' हा राष्ट्रपतींचं सुवर्णकमळ मिळवलेला चित्रपट ६ ऑक्टोबरला प्रदर्शित झाला.

या चित्रपटांच्या खेळांचं वेळापत्रक पुढीलप्रमाणे -

१. सिटीप्राईड, कोथरुड - स. ११.४५ आणि संध्या. ६.३०
२. सिटीप्राईड अभिरुची - दु. १२ आणि संध्या. ६
३. सिटीप्राईड, सातारा रस्ता - संध्या. ६
४. सिटीप्राईड आर डेक्कन - स. ११, दु. ३.४५ आणि संध्या. ७.४५
५. सिटीप्राईड मंगला - दु. १.१५
६. सिटीप्राईड रॉयल सिनेमाज, रहाटणी - दु. १.४५, संध्या. ६, रात्री १०.१५
७. किबे लक्ष्मी - रात्री ९

८. सिटीलाईट, माहीम - दु. ३

९. रिगल, अकोला - संध्या. ६

कालच कासव हा सुंदर चित्रपट पाहायला मिळाला, हि संधी मिळून दिल्या बद्दल मायबोली प्रशासनाचे आभार. आधीच या चित्रपटावर सई, सई केसकर आणी अगो यांनी इतके छान लिहिले आहे कि मी चित्रपटाच्या आशयाबद्दल काही लिहिणे म्हणजे त्याला तीट लावण्यासारखे वाटेल.
चित्रपट पहिल्या पासून ,कालिदासाने म्हंटल्या प्रमाणे,
रम्याणि वीक्ष्य मधुरांश्च निशम्य शब्दान्‌-
पर्युत्सुको भवति यत्सुखितोsपि जंतु:।
अशी अवस्था झाली आहे, घरी कोणी हा चित्रपट अजून पहिला नाहीये. आलेल्या अस्वस्थतेला कोणाशीतरी शेअर करण्यासाठी इकडे लिहितोय

माणूस ह्या जगात एकटा येतो आणि एकटाच जातो वगैरे वाक्यं आपण वर्षानुवर्षं वाचत आलेलो असतो किंवा प्रसंगोपात बोलून दाखवत असतो. अशी वाक्यं दुसर्‍यांची उदाहरणं देऊन बोलायला बरी वाटली तरी आपल्यावर हे उमजण्याची वेळ येऊ नये असंही आपल्याला कुठेतरी वाटत असतंच. तरीही जवळजवळ प्रत्येकाला आयुष्यात एखाद्या साक्षात्कारी क्षणी एकटेपणाच्या ह्या आदिम अनुभूतीचा प्रत्यय येतच असतो. आपले कुणी नाही, आपण एकटे पडलोय ही ती जाणीव ! भितीदायक असते ही जाणीव फार. एखाद्या चुकार क्षणी नुसती विजेसारखी लखलखून ती येत जात राहिली तर फारसे बिघडत नाही. उलट आपले पाय जमिनीवर ठेवायला त्या लख्ख जाणीवेची मदतच होते.

कासव बघितला. बघताना बोरकरांची 'जेथे जातो तेथे' आठवत राहिली.
जेथे जातो तेथे मी माझा सांगाती
पुढे आणि पाठी मीच माझ्या
मीच माझी वाट मीच माझा दिवा
हि-याचा ताजवा मीच माझ्या
मीच माझी रुपे पाहतो पाण्यात
आणितो गाण्यात मीच त्यांना
मीच मला कधी हासडितो शिव्या
कधी गातो ओव्या मीच मला
अशी माजी चाले नित्य मम पूजा
लोकी माझ्या ध्वजा मिरवितो
नाही कधी केली तुझी आठवण
म्हणालास पण मीच तू रे

'कासव' या चित्रपटाचा शुभारंभाचा खेळ गुरुवार, ५ ऑक्टोबर, २०१७ रोजी पुण्याच्या सिटिप्राइड कोथरूड चित्रपटगृहात संध्याकाळी साडेसहा वाजता आयोजित केला आहे.

चित्रपटातील कलाकार, तंत्रज्ञ व अनेक मान्यवर या खेळाला उपस्थित राहणार आहेत.

मायबोली.कॉम माध्यम प्रायोजक असलेल्या चित्रपटांच्या शुभारंभाच्या खेळांना मायबोलीकर उपस्थित असतात. त्याप्रमाणे 'कासव'च्या शुभारंभाच्या खेळाला उपस्थित राहण्याची संधी आपल्याला मिळणार आहे.

या खेळाची काही तिकिटं आपल्याकडे आहेत.

सातत्यानं सकस, दर्जेदार चित्रपटांची निर्मिती - दिग्दर्शन करणार्‍या सुमित्रा भावे - सुनील सुकथनकर यांचा 'कासव' हा चित्रपट येत्या ६ ऑक्टोबरला प्रदर्शित होतोय.

२०१६ सालाचा सर्वोत्कृष्ट भारतीय चित्रपटाचा राष्ट्रीय पुरस्कार 'कासव'ला मिळाला आहे.

या चित्रपटाबद्दल सांगत आहेत सुमित्रा भावे - सुनील सुकथनकर.

मायबोली.कॉम 'कासव'चे माध्यम प्रायोजक आहेत.