मध्यंतरी इथे मायबोलीवर पंच फोडण वापरून बटाटा-टोमॅटोची भाजी (बेडवी पुरी साग) करण्याची कृती वाचल्यावर मी लगेच तशी भाजी घरी करून पाहिली. पंच फोडणचा स्वाद बेहद्द आवडला! मग हाच मसाला वापरून इतर कोणत्या भाज्या करता येतात याचा आंतरजालावर शोध घेतला असता मला एक कृती मिळाली. त्यात माझ्या सोयीनुसार फेरफार करून भाजी केली. अप्रतिम चव आली होती! शिवाय झटपट होणारी व सोप्पी कृती असल्याने हा आचारी एकदम खुश!

तर ती कृती अशी :

पंच फोडण नुसतेच कोरडे भाजून घ्यावे. कलौंजी व मोहरी - जिरे तडतडू लागले की मस्त खमंग दरवळ सुटेल. गॅस बंद करावा. एका पॅनमध्ये तेल/ तूप घेऊन ते गरम झाल्यावर त्यात हे भाजलेले पंचफोडण घालावे. आता ते तडतडणार नाही हे गृहित धरून त्यात तमालपत्र, हिंग, हळद, मिरच्या घालून व्यवस्थित परतावे. ह्या मिश्रणात कांदा घालून तो गुलाबीसर परतल्यावर उकडलेल्या बटाट्याच्या फोडी घालून परताव्यात. त्यानंतर पनीरचे तुकडे घालून परतावेत. टोमॅटो फोडी घालून परतावे. टोमॅटो शिजत आला की दोन वाट्या (किमान) पाणी घालून जरा बटाटा व्यवस्थित मऊ होऊ द्यावा. बटाटा ठेचला गेला पाहिजे. अशा पध्दतीने काही बटाटा फोडी ठेचाव्यात. चवीप्रमाणे गरम मसाला, लाल तिखट, मीठ घालावे. सर्वात शेवटी दोन ते तीन टेबलस्पून फेटलेले दही घालावे व जरा उकळी आली की लगेच गॅस बंद करावा.

ह्या भाजीत मी पाणी बेताचेच घातले आहे. ज्यांना भाजीला थोडा जास्त रस हवा असेल त्यांनी जरा जास्त पाणी घालावे.

टोमॅटो धुवून स्वच्छ पुसून बारीक चौकोनी फोडी कराव्या. त्यात दही, साखर, मीठ टाकुन मिश्रण व्यवस्थित हलवावे. त्यात बारीक चिरलेली कोथिंबीर टाकावी. वाटल्यास जिरे, हिरव्यामिरचीची फोडणी घालावी किंवा फोडणी नाही घातली तरी कोशिंबीर छान लागते.

तेल कढवून घ्यावं. ह्यात मोहरी, बडीशेप तडतडवून हिंग घालावा.

एका भांड्यात टोमॅटोचे काप घेऊन त्यात तिखट, गूळ, मसाले, मीठ एकत्र करावं.

तेल कडकडीत गरम असतानाच टोमॅटॉच्या कापट्यांवर ओतून नीट कालवून घ्यावं.