गंमत म्हणजे G सेक्शन नि इतरहि एक दोन सेक्शनच नव्हते!! आमचा नं २००३ म्हणजे रजिस्ट्रेशन करणार्‍यात तिसरा नं आमचा, वाटले चांगल्या जागा मिळतील, पण शेवटी कुठेतरी कोपर्‍यात, जिथून सर्व स्टेजसुद्धा धड दिसत नव्हते! नंतर जखमेवर मीठ चोलाण्यासाठी त्यांनी त्याच कोपर्‍यातल्या जागांवर G सेक्शनचा कागद लावला नि म्हणाले, पहा आहे की नाही तुमचा सेक्शन इथे!!

तर हे टीका म्हणून नाही, पण पुढल्या वेळी लक्षात ठेवायला. पण तक्रार करायची काहीच गरज नाही, तसे जिथे जागा रिकामी असेल तिथली खुर्ची पकडावी नि बसावे. मी असाच नाटकाला (अवघा रंग..) स्टेजपासून दहा रांगा मागे (म्हणजे देणगीदारांच्या नि तहाहयात सभासदांच्या हि पुढे. नि आशा भोसले यांच्या कार्यक्रमाला समोरून तिसर्‍या रांगेत!! )

म्हणून माझी काही तक्रार नाही.

एव्हढ्या मोठ्या प्रमाणात बसायची सोय करणे म्हणजे, मला तरी अजिबात माहित नाही कसे ते. तेंव्हा थोडा गोंधळ होणारच. अशा वेळी, आपले महाराष्ट्रीयन तत्वप्रेम बाजूला ठेवून, संधिसाधू लोकांप्रमाणे स्वतःचा फायदा बघावा, मग पुनः महाराष्ट्रीय बनून शहाजोगपणे इतरांना शहाणपणा शिकवावा, स्वतःला अक्कल असो वा नसो.

आजवर एकही बृ म मं च्या अधिवेशनात गेले नाही. त्यामुळे काय अपेक्षा आहेत तेवढंच सांगता येईल. त्यातल्या बर्‍याच गोष्टी होतही असतील.
*नक्षत्रांचे देणे सारखा नव्या जुन्या गीतांचा कार्यक्रम,
*चांगली तीन अंकी नाटकं (व्यावसायीक मंडंळींकडून. हौशी नको!) ह्यात जुन्या संगीत नाटकांपासून, नव्या चांगल्या नाटकांचा समावेश असावा.
*महाराष्ट्राच्या लोककलेवर आधारित असा एखादा कार्यक्रम असावा.
*जुन्या मराठी सिने आणि नाट्यकलाकारांच्या मुलाखती असाव्यात. म्हणजे मी कलाकार म्हणून कसा घडलोखेरीज "आठवणींच्या राज्यात" असा देखिल.
*शक्यतोवर राजकारणी लोकांना टाळावं मुलाखतींसाठी.
*महाराष्ट्रात कार्यरत असलेल्या सेवाभावी संस्थांच्या कार्यकर्त्यांना आमंत्रित करून त्यांच्या कार्याबद्दल माहिती घ्यावी. हा कार्यक्रम चर्चात्मक ठेवता आला तर बघावं. अशा वेळी मदत करताना जास्त सोईचं जातं.

मला भरत जाधवचे सही रे सही नाटक पुढच्या बी एम एम ला बघायला आवडेल. त्याचे प्रयोग अमेरीकेत झालेले नाहीत ना.
तसच या वेळी झाले तसे आशा भोसलेंच्याच २ कार्यक्रमाऐवजी २ वेगवेगळ्या (प्रसिद्ध) कलाकारांचे कार्यक्रम बघायला आवडतील. जसे अरुण दाते, श्रीधर फडके, बेला-सावनी शेंडे, सारगमप चे ५ लीटल चँप्स. इ. इ.

विनय म्हणुनच मी आशाताई नको लिहीलय, अतिप्रसिद्ध नकोत पण प्रसिद्ध व्यक्ती लागतीलच थोड्याफार, अधिवेशनाला गर्दी खेचायला त्याचा उपयोग होईल,

एकच बाफ काढला? बरं.
विनय आणि शोनूच्या मुद्द्याला अनुमोदन. त्या हॉलमध्ये आवाज घुमत होता. पुन्हा स्टेज कार्यक्रमापुरते तयार केलेले. जवळजवळ ५ फूट उंच. 'विंगेत जाणे' असा काही प्रकार नव्हता, स्टेजवरुन एक्झिट घेतली की लक्ष नाही दिले तर कडेलोटच! दोन्ही बाजूला २-२ असे ४ जिने होते.

मृ, तुझे २ मुद्दे अजिबात पटले नाहीत. हौशी कलाकरांचे नाटक का नको? अर्थात दर्जा बघूनच कार्यक्रम सिलेक्ट करावेत. राजकारणी (म्हणजे राजकारणातले) लोक का नको मुलाखतीसाठी? उद्धव ठाकरे चांगले बोलले आणि मुलाखतही चांगली झाली.

बाकी अजून लिहीन.

>> अर्थात दर्जा बघूनच कार्यक्रम सिलेक्ट करावेत.
प्रश्ण तोच आहे. कोणी आणि काय निकषावर दर्जा ठरवणायचा. बर्‍याच एकांकिका बघीतल्या हौशी कलाकारांच्या. हौशी मंडळींनी एकत्र येऊन कराव्या इतपतच ठीक वाटल्या. त्यांनी आपल्या रोजच्या कामातून वेळ काढून नाटक बसव्ल्याचं कौतुक वाटलं, पण असे प्रयोग अधिवेशनात उरकानी बघावेसे वाटणार नाहीत.

राजकारणातली मंडळी कायम आपला अजेंडा घेऊन व्यासपीठावर येतात असं मला वाटतं. हे अधिवेशन कुठल्याही राजकीय पक्षाचं नाही. शिवसेनेचा किंवा कॉंग्रेसचा नेता का? मग बाकीच्या पक्षांनी काय घोडं मारलं? असाही प्रश्ण उद्भवू शकतो. एकूणच 'नेता' मंडळींना बोलवण्यामागची भावना पटली नाही.

डीजे, 'मराठी बाणा' आमच्याच कार्यक्रमासारखं काहीतरी वाटतंय. आम्ही १५० जण नव्हतो, ८० असू.

कार्यक्रम निवडण्यापूर्वी कमिटी व्हिडिओ पहाते ना? मृ, तू कशाशी तुलना करते आहेस मला कळत नाही आहे, पण हौशी लोकांनी केलेले कार्यक्रम उत्कृष्ट असू शकतात आणि व्यावसायिक कधीकधी पाट्या टाकतात. वर विनयने उदाहरण दिलेच आहे.

आता राजकारणी म्हणजे अजेंडा पाहिजेच की, नाहीतर काय उपयोग? त्यात पक्षाचा काही संबंध आहे असे वाटत नाही, लोकांना ज्याला पहायला, ऐकायला आवडेल त्याला बोलावणार.

>>> लोकांना ज्याला पहायला, ऐकायला आवडेल त्याला बोलावणार.

म्हणजे त्याबद्दल पण मतदान होतं म्हणायचं!

कन्व्हेंशन सेंटर्मधे झालं ना अधिवेशन? मग अश्या ठिकाणी तर इलेक्ट्रॉनिक बोर्ड असतात अपडेटेड माहीती द्यायला. त्याचा उपयोग नाही का करून घेतला?

त्या बोर्डांवर जुनीच माहिती दिसत होती. स्वयंसेवक काळे (का? का??) बिल्ले लावून (कुठेतरी) होते (म्हणे!) जे सापडले त्यांनाही माहिती देता आली नाही. हे मुख्यतः सीटिंग अरेंजमेंट आणि आशाच्या कार्यक्रमाच्या बाबतीत प्रकर्षाने झालं.
कोणीही काहीही (आर्टिस्ट्स यायचेत / हॉलमधे त्यांच्या सिक्युरिटीची व्यवस्था (म्हणजे काय?) होते आहे / स्टेज अरेंजमेंट होते आहे) उत्तरं देत (फेकत?) होते.
९ चा कार्यक्रम साडेदहा होवून गेल्यावर सुरू झाला. बरं, आशाच्या म्हणण्यानुसार ती सात वाजल्यापासून 'आत्ता बोलावतील.. मग बोलावतील' म्हणून वाट पहात बसली होती! कार्यक्रम सुरू झाला तोपर्यंतही साऊंड सिस्टीम योग्य प्रकारे टेस्ट केली गेली नव्हती. स्टेजवर फीडबॅक मिळत नव्हता. त्यामुळे वाद्यमेळ जमत नव्हता. हॉलच्या अकुस्टिक्सबद्दल शोनू बोलली आहेच.

-----------------------------------------------
I was born a Hindu. Soon I converted to Narcissism!

वेबसाईटवर वेळापत्रक होते ते प्रिन्ट करायला किती त्रास!

नाश्ता, जेवण चांगले होते.
(आवडलेल्या गोष्टीही लिहा हां.. )

केदार, पुढल्यावेळी तुम्ही अश्या रांगेत उभ्या असलेल्या लोकांसाठी रिफ्रेशमेंट्स आणि चहापाण्याची सोय करा.