या पानावर पहिला मान मिसळीला!
पुण्यात मिसळ खावी ती खालील ठिकाणी :
१. श्रीकृष्ण मिसळ (तुळशीबाग)
२. बेडेकर मिसळ (पत्र्या मारुती जवळ)
३. श्री मिसळ (शनिपाराजवळ)
४. रामनाथ (टिळक रोड)

ग्रीन बेकरी - चितळ्यांचे पलिकडे, शनिपार ला लागून, पॅटीस आणि कसली कसली नावे आहेत, वाचायला नी खायला झक्कास...

मंडई त एक "हॉटेल मंडई" आहे, रात्रभर चालू असते [FYI]

शनिवार वाड्याच्या समोर, पोलीस चौकीजवळ एक अण्णाची टपरी आहे - पोहे, इडली, वडा चांगला असतो - इथे चहा पिऊ नये, बकवास असतो

विश्राम बाग वाड्याच्या समोर वडापाव छान मिळतो

रामचन्द्र भगवन्त चिवदा खुप फेमस आहे . फरास खाना चॉका मधला. कान्दा चिवदा झकास.

लक्ष्मीरोडला कॅनरा बँकेसमोर पूना गेस्टहाऊस मध्ये (पहिला मजला) ग्रामीण थाळी मिळते. भरली वांगी, भाकरी, मिर्चीचा खर्डा, चटण्यांची रेलचेल असते. स्पेअर रुमाल घेऊनच जावे ग्रामीण थाळी जेवायला. आणि शनिवारी गेलात तर बरे! मिर्चीचा खर्डा चेपला तर दुस-या दिवशीचा रविवार घरी आराम करण्यास सोयीचा होतो.

विश्रामबाग वाड्यासमोरचा वडापाव छान. पण वडेवाले जोश्यांचा वडा; म्हणजे त्याच्या समोर खरवस चमचमित असा गुळचट म्हणावा लागेल. असो!