चीज चे २ पदार्थ....तेच तेच पण नवीन (सेम सेम बट डिफरन्ट)!

प्रकार १: पालक नळ्या

रिकोटा चीज + क्रीम + शिजलेला पालक आणि मीठ-मीरेपूड/जायफळ पूड मिक्स करून (कॅनेलोनी मिक्श्चर) उकडलेल्या छोट्या पास्ता ट्युब्स मधे भरणे. आवडत असल्यास टॉमॅटो पास्ता सॉस घालुन वरून किसलेले चीज घालुन जरा ग्रिल करणे.

प्रकार २: भाजी ऑमलेट

बारीक किसलेले गाजर + किसलेली झुकिनी + उकडलेला बटाटा किसून +किसलेले चीज (आवडत असेल ते) + १-२ अन्डी आणि चवीप्रमाणे मीठ, मीरेपूड किन्वा मी कधी धणे-जीरे पूड / इटालियन हर्बज (पिझ्झा/पास्ता टॉपर) घालते. हे सगळे नीट मिक्स करून खोलगट नॉनस्टिक पॅन ला बटर/ऑइल स्प्रे मारून त्यात ओतायचे. मन्द आचेवर खालची बाजू होऊ द्यायची आणि मग उलटवून वरची बाजू नीट भाजायची. मस्त स्पॅनिश ऑमलेट चे भारतीय्/इटालियन वर्जन तयार होते. नुसते, सॉस बरोबर, सॅलड बरोबर किन्वा सॅन्डविच करून खाणे....मस्त स्नॅक, हेवी ब्रेकफास्ट नाहीतर लाइट लन्च :),

याच मिश्रणाची छोटी छोटी धिरडी किन्वा एग रिन्ग्ज मधे ओतून चकत्या पण करता येतात.

हेच मिश्रण छोट्या मफिन पॅन्स मधे पेपर कप्स ठेवून त्यात ओतायचे आणि बेक करायचे. अगदी शेवटी वरतून किसलेले चीज घालुन परत जरा ग्रिल करायचे. मस्त मफिन्स तयार होतात. फक्त हे ताजे ताजेच खायला लागतात कारण थोड्या वेळाने खाली बसतात..........:(