ब्रह्मांडनायक श्री स्वामी समर्थ महाराज...

श्री स्वामी समर्थ जय जय स्वामी समर्थ

|| श्री स्वामी समर्थ जय जय स्वामी समर्थ, ॐ श्री स्वामी समर्थ जय जय स्वामी समर्थ||

निशंक हो, निर्भय हो मना रे, प्रचंड स्वामी बळं पाठीशी रे |
अतर्क्य अवधूत हे स्मरण गामी, अशक्य ही शक्य करतील स्वामी || १||

जिथे स्वामी चरण तिथे न्यून काय, स्वये भक्त प्रारब्ध घडवी ही माय |
आज्ञेविणा काळ ना नेई त्याला, परलोकीही ना भिती तयाला ||२||

उगाची भितोसी भय हे पळू दे, जवळी उभी स्वामी शक्ती कळूदे |
जगी जन्म म्रुत्यु असे खेळ ज्यांचा, नको घाबरू तू असे बाळ त्यांचा || ३||

खरा होई जागा श्रद्धेसहित, कसा होशी त्याविण तू स्वामी भक्त
कितीदा दिला बोल त्यांनीच हात, नको डगमगू स्वामी देतील साथ ||४||

विभूती नयननाम ध्यानांदी तीर्थ, स्वामीच या पंचप्राणामॄतात |
हे तीर्थ घेई, आठवी रे, प्रचिती, न सोडी कदा स्वामी ज्या घेई हाती ||५||

श्री स्वामी चरणाविंदार्पणमस्तू

~~~सूचना~~~

श्री स्वामी कृपातीर्थ तारकमंत्र म्हण्ताना पेल्यामध्ये पाणी घ्यावे, जळत्या उदबत्तीची राख ,
पेल्यातील पाण्यात पडेल अशी ठेवावी, आणी ते पाणी तीर्थ म्हणून प्यावे. ( असे त्यात सांगितले आहे,
पण मी नुसतच पाणी पिते)

तारकमंत्र दररोज सकाळी एकदा म्हणावा.

||श्री स्वामी समर्थ||

|| श्री स्वामी समर्थ जयं जयं स्वामी समर्थ, ॐ श्री स्वामी समर्थ जयं जयं स्वामी समर्थ ||

|| श्री अक्कलकोट स्वामी स्तोत्र --- महात्म्य ||

ॐ श्री अक्कलकोटस्वामी समर्थास नम: | ॐ नमो श्रीगजवदना | गणराया गौरीनंदना | विघ्नेशा भवभयहरणा | नमन माझे साष्टागी || १||

नंतर नमिली श्री सरस्वती | जगन्माता भगवती | ब्रम्ह्य कुमारी वीणावती | विद्यादात्री विश्वाची || २||

नमन तैसे गुरुवर्या | सुखनिधान सदगुरुराया | स्मरूनी त्या पवित्र पायां | चित्तशुध्दी जाहली || ३||

थोर ॠषिमुनी संतजन बुधगण आणि सज्जन | करुनी तयांसी नमन | ग्रंथरचना आरंभिली ||४||

श्री अक्कल्कोट स्वामीराया स्मरुनी तुमच्या पवित्र पायां | स्तोत्र महात्म्य तुमचे गावया | प्रारंभ आता करतो मी || ५||

नांव गांव खुद्द स्वामींचे | किंवा त्यांच्या मातापित्यांचे | कोणालाच ठाऊक नाही साचें | अंदाज मात्र अनेक
|| ६||

त्यांच्या जन्मासंबंधाने, आख्यायिका लिहिली एकानें | तीच सत्य मानुनी प्रत्येकाने | समाधान मानावे || ७ ||

म्हणे उत्तर भारती एका स्थानी | घनदाट कर्दळीच्या बनीं | स्वामी प्रगटले वारुळांतुनी | लाकुडतोड्याच्या
निमित्ताने || ८ ||

कुर्‍हाडीचा घाव बसून, त्याचा राहिला कायमचा वण | आगळी ती अवतार खूण | प्रत्यक्ष पाहीली सर्वांनी
|| ९ ||

श्री स्वामी समर्थ जय जय स्वामी समर्थ

श्री स्वामी समर्थ जय जय स्वामी समर्थ

एका भक्तानें केला प्रश्न, स्वामी तुमची जात कोण | तेव्हां दिलें उत्तर छान | स्वमुखेंच समर्थानी || १० ||

मी यजुवेदी ब्राम्हण | माझे नांव नृसिंहभान | काश्यप गोत्र राशी मीन | एसें स्वामी म्हणाले ||११ ||

खरें खोटें देव जाणे | बरें नाही खोलांत शिरणें | ईश्ववरी करणीची कारणें | आपण काय शोधावी || १२ ||

shre swami samarta

श्री स्वामी समर्थ स्वामी , स्वामी समर्थ
श्री स्वामी समर्थ स्वामी, स्वामी समर्थ

ज्या ज्या स्थळी हे मन जाय माझे
त्या त्या स्थळी ते निज रुप तुझे
मी ठेवितो मस्तक ज्या ठिकाणी
तेथे तुझे सदगुरु पाय दोन्ही

सदगुरुनाथ महाराज की जय

अरे वा.. काश्यप गोत्र.. म्हणजे आमचे गोत्र

दत्तात्रया तुम्ही निराकार निर्गुण | नरदेह तरीही केला धारण | सकळं भूप्रदेश केला पावन | आपुल्या चरणस्पर्शाने || १३ ||

नंतर स्वामी निघाले तिथून | तीर्थयात्रेसी केले प्रयाण | दत्तात्रयाचे प्रत्येक ठिकाण | प्रत्यक्ष फिरुनी पाहिलें || १४ ||

दत्तवास्त्व्य जेथे निरंतर | तो थोर पर्वत गिरनार | तेथेच गेले अगोदर | नंतर फिरले इतरत्र || १५ ||

यात्रेचे प्रवास संपले | तेव्हा मंगळवेढ्यासी आले | तेथे थोडे दिवस राहिले | दामाजीच्या गांवात || १६ ||

काही काळ तिथे गेला | पुण्यवंतांना प्रभाव कळला | जनसमुदाय भजनीं लागला | साक्षात्कारी यतीच्या || १७ ||

पुढे अक्कल्कोट हें | वास्तव्याचे झाले ठिकाण | अखेरपर्यंत तिथेंच राहून | अनंत लीला दाखविल्या || १८ ||

तेजःपुंज शरीर गोमटें, सरळ नासिका कान मोठे | आजानुबाहू कौपिन छोटे | दिगंबर असती अनेकदां || १९||

स्वामी समर्थ अक्कलकोटचे | चवथे अवतार दत्तात्रयाचे | तीन अवतार यापूर्वीचे | गुरुचरित्री वर्णिले || २० ||

पहिले दत्तात्रेय, दुसरे श्रीपादवल्लभ | नृसिंहसरस्वती हे तिसरे नांव शुभ | गाणगापूर दर्शन देवदुर्लभ |
जागृत दत्तस्थान ते || २१ ||

तेथे होउनी साक्षात्कार | पहावयासी येती चवथा अवतार | अक्कलकोट पुण्यभूमि थोर | जेथे प्रत्यक्ष दत्त वसे
|| २२ ||

अक्कलकोटी नित्य राहूनी | अगाध गूढ लीला करूनी | भक्तांसी साक्षात्कार देऊनी | गुप्त झाले अनेकदा || २३ ||

नास्तिक होते कोणी त्यांना | चमत्कार दाखविले नाना | शेवटी कराया क्षमायाचना | लागले स्वामी चरणांसी || २४ ||

सही चाल्लंय निराली विपु बघितलीस का?

निराली, मस्त निराली कॉनसेप्ट. लिहीत रहा.

महाराज कर्दळी वनात प्रकटले. मग काश्य्प गोत्र कुठून आले.. एक शंका .

@अश्विनी के हो गं कालच पाहिली. मला बरेच दिवस हे विपु प्रकरण माहितच न्हवतं. मी नक्की स्तोत्रच्या बाफ वर पोस्ट करीन. ( I am honored )
@monalip हो गं स्वामींची कृपा.

@जागोमोहनप्यारे तुझं उत्तरं बहुतेक पुढ्च्याच ओवीत आहे ( न. १२)

स्वामी सर्वसाक्षी उदार | साक्षात दत्ताचे अवतार | कधी सौम्य कधी उग्रतर | स्वरुप दाविलें दासांना || २५ ||

ज्यांनी त्यांची सेवा केली | त्यांची कुळे पावन झाली | जन्मोजन्मीची पापें जळली | पुण्यराशी मिळाल्या || २६ ||

सत्पुरुषाची करणी अगाध | वाणी गूढ निर्विवाद | झाल्याविण कृपाप्रसाद | अर्थ त्याचा समजेना || २७ ||

खरें खोटें देव जाणे | बरें नाही खोलांत शिरणें | ईश्ववरी करणीची कारणें | आपण काय शोधावी

श्री स्वामी समर्थ जय जय स्वामी समर्थ

स्वामींचे बोलणे थोडें | जणूं काय कठीण कोडें | अर्थ काढावे तितुके थोडे | त्यात भविष्य असे भरलेलें || २८ ||

जाणणारे तेच जाणिती | घेती त्यांच्या संकेताची प्रचिती | ज्याचा तोच उमजे चित्तीं | इतरां अर्थबोध होईना || २९ ||

कोणाकोणाला पादुका दिधल्या | कोणाला वाहिल्या लाखोल्या | कोणाच्या मस्तकी मारिल्या | पायांतल्या वाहाणाही || ३० ||

ज्याच्या त्याच्या भाग्याप्रमाणें | स्वामीनी दिले भरपूर देणें | कोणा पुत्र कोणा सोनेनाणे | कोणा जीवनदानही
दिलें त्यांनी || ३१ ||

अनेकांच्या व्याधी केल्या दूर | अनेकांना दाखविले चमत्कार | अनेकांना शिक्षा घोर | केल्या त्यांनी अनेकदा
|| ३२ ||

सर्व साक्षी अंतर्ज्ञानी | पूर्णब्रम्ह्य ब्रम्ह्यज्ञानी | म्हणूनच हव्या त्या ठिकाणी | दर्शन दिधलें भक्ताना || ३३ ||

न सांगता सर्व जाणिले | ज्याचें त्याला योग्य उत्तर दिलें | लोण्याहुनी मृदु ह्रदय द्रवलें | दु:खी कष्टी जीवांसाठी || ३४ ||

दयेचा अथांग सागर | भक्तांसाठी परम उदार | अनेकांचा केला उध्दार | सदुपदेश दिक्षा देऊनी || ३५ ||

स्वामीराया दत्तात्रेया | तुमच्या कृपेची असावी छाया | हीच प्रार्थना तुमच्या पायां | मागणे नाही आणखी
|| ३६ ||

मजवरी होता कृपादृष्टी | दत्तमय भासेल सर्व सृष्टी | सुखसंपत्तीची होईल वृष्टी | सकल सिध्दी लाभती || ३७ ||

ऐसी श्रध्दा माझे मनी | उपजली आहे आतां म्हणुनीं | मिठी घातली तव चरणीं | धाव पाव समर्था तूं || ३८ ||

तुमची करावी कैसी सेवा | हे मज ठाऊक नाही देवा | ओळखुनी माझ्या भोळ्या भावा | वरदहस्त ठेवा मस्तकीं || ३९

संसार तापें पोळलों भारी, दूर करा ही दु:खे सारी | तुमच्यावीण माझा कैवारी | अन्य कोणी दिसेना
|| ४० ||

तुमचे पाय माझी काशी | पंढरपूर सर्व तीर्थे तशी | आहेत तुमच्या चरणांपाशी | मग यात्रेस जाऊ कशाला
|| ४१ ||

अक्कल्कोटचे समर्थ स्वामी | रंगून जातां त्यांचे नामीं | ब्रम्हा विष्णू शिवधामी | सर्व भक्ती पोंचते || ४२ ||

दोनेक वर्षा पुर्वी रमेश देव यान्चा वासुदेव बळवंत फडके हा च्रित्र्पट पाहीला त्यात आद्यक्रांतीकार वासुदेव बळवंत फडके हे गजानन महाराजा पाशी आशिर्वाद घेण्यासाठी जातात तेव्हां महाराज वासुदेव बळवंत फडके यासं हाकलून देतात असे दाखवले होते ह्याचे कारण कोणी सान्गू शकेल काय ?

कारण ह्याच च्रित्रपटात नन्तर वासुदेव बळवंत फडके हे काली मातेची आराधना करतात व माता त्यानां प्रसन्न होते असे दाखवले होते.

गजानन महाराजाचा ब्रिटीशांपासूनच्या स्वातंत्रा ब द्दल का य विचार होता? जाणकारांनी प्रकाश टाकावां.