◆ आदर ◆

Submitted by -शाम on 25 March, 2017 - 13:08

◆ आदर ◆

झाड मातीला
आणि माती झाडाला
शिकवत असते सावलीचं देणं

सोपं नसतंच कधी
एका मातीतून
दुसऱ्या मातीत रुजत जाणं

आज जेंव्हा तू गेलीस
तुझ्या जुन्या मातीसाठी
सुटलेल्या मुळांसाठी
स्मृतीतल्या पळांसाठी
माहेरवाशी बनून

तेंव्हा जाणवलं हे सगळं
आणि
वाढलाय आदर
तुझ्या सारख्या
सगळ्याच झाडांबद्दल

______________ शाम

विषय: 
लेखन
साहित्य
Groups audience: 
गुलमोहर - कविता
Group content visibility: 
Public - accessible to all site users
शेअर करा