मावळाया लागलो---( लातूर येथे झालेल्या कार्यक्रमात वाचलेली दुसरी गझल )
उगवणे भाग्यात नव्हते मावळाया लागलो
वेदनांचे गाव जिकडे मी उडाया लागलो
ओळखीची वाटली ती भेटता हसली तशी
बालपण मी ताण देउन आठवाया लागलो
देव कोणा पावलेला पाहिला नाही कधी
पण तरीही विठ्ठला मी आळवाया लगलो
देणग्या देऊन मोठ्या, स्वार्थ मीही साधला
भूक माझी मुखवट्यांची भागवाया लागलो
उच्चभ्रू मीही असावे मोह पडता वाटते
शुध्द माझ्या आसवांना बाटवाया लागलो
ओंगळांना झगमगाटी मध्यवर्ती स्थान अन
मी वृथा अंधार सारा पांघराया लागलो
तो पुढारी भेटता मज भ्रष्ट झालो मी असा !
चावडीवर लोकशाही नागवाया लागलो
भ्रष्ट नेता काल मरता जाहली इतकी खुशी !
प्रेतयात्री मीच हलगी वाजवाया लागलो
संपली यात्रा जगीची जाणले "निशिकांत"ने
भैरवीच्या आर्त ताना आळवाया लागलो
निशिकांत देशपांडे मो.नं. :- ९८९०७ ९९०२३
हि पण छान!
हि पण छान!
सुंदर अप्रतिम !!
सुंदर अप्रतिम !!
You r tooo good...
You r tooo good...
सुन्दर....
सुन्दर....
वाह्...
वाह्...
विठ्ठल आणि लोकशाही खासंच!
'मी वृथा अंधार सारा पांघराया लागलो' हा मिसरा काळजात घर करुन बसला आहे!
अवांतर—हाच मिसरा मी भैरवीच्या मिसऱ्याशी जोडून वाचून पाहिला!
अतिशय सुंदर
अतिशय सुंदर
छान
छान
सर्वांचे मनापासून आभार
सर्वांचे मनापासून आभार प्रतिसादसाठी.