Submitted by ShantanuG on 3 March, 2017 - 01:36
काही शब्द राहून गेलेत,
ओठी आलेच नाहीत,
काही शब्द राहून गेलेत,
कोऱ्या कागदावर उमटलेच नाहीत..
कधी हिम्मत नाही झाली,
तर कधी वेळ चुकीची वाटली.
कधी गर्दीत सापडलो,
तर कधी स्वतःतच गुंतलो.
शब्द मनी आलेत
पण मग कुठेतरी विरघळून गेलेत.
काही सांगायचे आहे, सांगू तरी कसे?
शब्द ह्रिदयाच्या कोणत्या कोपऱ्यात लपून बसलेत.
ज्या शब्दांवर विश्वास करावा,
तेच नेमके दगा देऊन बसलेत..
क्षणांनी भरारी घेतली, पण शब्दांनी नाही.
कंठात अटकून गेले,
कंठ दाटवून गेलेत.
निरोप घेताना हलकेसे हसू बरे,
थोडे अश्रू बरे.
शब्द सुचलेच नाही.
काही बोलावेसे वाटले,
पण आवाज निघालाच नाही.
निशब्द झालो, तसेच राहावेसे वाटले.
शब्द आलेत,
पण मग न बोललेले बरोबर वाटले.
– शंतनु
विषय:
Groups audience:
Group content visibility:
Public - accessible to all site users
शेअर करा
खूपच छान!
खूपच छान!
अगदी मनाला भिडली...
काही सांगायचे आहे, सांगू तरी कसे?
शब्द ह्रिदयाच्या कोणत्या कोपऱ्यात लपून बसलेत.
ज्या शब्दांवर विश्वास करावा,
तेच नेमके दगा देऊन बसलेत..>>>>खूप आवडल्या ह्या लाइन्स...