मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by सुप्रिया जाधव. on 2 March, 2017 - 21:21
डोंगराकडे पाठ फिरवते उगमघडीला
पुढेच जाणे शक्य असावे फक्त नदीला
निसर्गासही ऋतुचक्राची वारी घडते
चुकला आहे प्रवास कोणाच्या राशीला ?
वीज मुक्याने अंधाराला कापत जाते
गडगडून ढग जाहिर करतो मर्दुमकीला
आपुलकीचा बांध घालुया मनामनांवर
विचार राहू दे सामायिक वहिवाटीला
लाटेवरती स्वार होउनी वारा येतो
आतुरलेला नवरदेव जणु लग्नघडीला !
सुप्रिया
विषय:
Groups audience:
Group content visibility:
Public - accessible to all site users
शेअर करा
>>>वीज मुक्याने अंधाराला कापत
>>>वीज मुक्याने अंधाराला कापत जाते
गडगडून ढग जाहिर करतो मर्दुमकीला>>>मस्तंच!
अवांतर—माझा एक शेर आठवला...
‘उगाच नव्हती वीज चमकली...
ढगांत चकमक झाली होती!'
आप्रतिम गझल
आप्रतिम गझल
मस्त....
मस्त....