पुनर्प्रक्षेपित मनोरंजन - जॉली एलएलबी - २ (Movie Review - Jolly LLB - 2)

सगळे आवडते घटक या चित्रपटात आहेत, नक्की बघणार.. संजय मिश्रा वगैरे मंडळीना काही सेकंद जरी पडद्यावर मिळाली तरी ते स्वतःची दखल घ्यायला लावतात.
आणि असा ब्रँड खरोखरीच लोकप्रिय व्हायला हवा. चांगला विनोद आजकाल दुर्मिळ झालाय.

चांगली गाणी मात्र अजूनही स्वप्नरंजनच आहे.. लाखात एखादे लक्षात राहणाजोगे असते.

अर्शद वारसीच शोभून दिसलेला. अक्षय कुमारने कितीही चांगले काम केले तरी तो मिसमॅच वाटला. त्याचा प्रत्येक चित्रपटात "देशभक्तीचा रंग" देण्याचा आग्रह अजीर्ण होत आहे. पहिल्या पार्ट मधे समाजासाठी काही देणे लागते हा मेसेज फ्ल्युंटली ( मराठी शब्द ?) आलेला होता. जसजशा घटना उलगडत जात होते वारसीच्या समोर नव्याने सत्य समोर येत होते. त्यामुळे त्याच्यात होणारे बदल हा मुख्य गाभा होता. आणि तो नविन होता.

यात पण समान धागा आहे. पण त्यात नाविन्य नसल्याने निरस होतो. अक्षयला पहिल्यापासूनच "सच्चाई का सिपाही" टाईप दाखवले असते तर ते वेगळे ठरले असते त्या अनुषंगाने त्याला होणारा त्रास वगैरे या वळणाने जायला हवे होते. प्रत्येक चित्रपटात "वकिलाची अंतरात्मा नंतर बदलते" हेच दाखवले तर चित्रपटाच्या सिक्वल मधे नविन काहीच राहणार नाही.

या खेपेस अक्षय सारखा तगडा अभिनेता घेतलेला होता तर कोर्ट ड्रामा गंभीर दाखवायला हवा होता. सु.शि यांच्या कथेतला "अमर" व्यक्तिरेखेत अक्षय चपखल बसतो. तशा पध्दतीने केस सोडवली असती तर एकदम वेगळा चित्रपट बनण्याची संधी होती.

हो. ओघाने शब्द बरोबर आहे. अक्षय सारखे व्यक्तिमत्व गयावया करताना शोभून दिसत नाही. ते ही "अन्नू कपूर" समोर.
अशा कडक भुमिकेसाठी "अमरिश पुरी" सारखे ताकदीचे भारदस्त व्यक्तीमत्व हवे. ज्याच्या "आवाजात" एक जरब हवी. "मी म्हणेल तोच कायदा" हे संवादफेकीमधून प्रेक्षकांपर्यंत पोहचले पाहिजे. "अ‍ॅडव्होकेट चड्ढा" हे अजरामर व्यक्तीमत्व अमरिश पुरींनी उभे केले होते.

अक्षय सारखे व्यक्तिमत्व गयावया करताना शोभून दिसत नाही. ते ही "अन्नू कपूर" समोर. .. दीपस्त.. हे मात्र अगदी बरोबर.

आणि, अमरिश पुरी यांच्यासारखा आवाज असलेला कुणी कलाकारच नाही आता !

अमिताभ बच्चन यांना सुध्दा अशा नकारात्मक भुमिकेत घ्यायला हवे. गेला बाजार सुरेश ओबेरॉय सुध्दा शोभून दिसले असते. वकिलाच्या भुमिकेत त्याचा आवाज हे वेगळे व्यक्तिमत्व उभे करते. "सनी देओल" चा "तारीख पे तारीख" हा एकच संवाद निव्वळ सनीच्या जबरदस्त आवाजावर प्रसिध्द झाला. अन्यथा तोच संवाद "हृतिकच्या आवाजात कल्पना करून बघा. लयच मिळमिळीत वाटेल.
शिरवाळकरांच्या "अमर" कथेत कित्येक चांगल्या कथा आहे ज्यात वकिलांची चांगली जुगलबंदी रंगवलेली आहे.
अशा दोन व्यक्तिरेखांमधे आमिर विरुध्द अमिताभ, शाखा विरुध्द अमिताभ, आमिर विरुध्द शाखा / इरफान अशा अजुन पडद्यावर न दिसलेल्या जोड्या योग्य बसतील.

मी अक्षय ची फॅन आहे पण फॅन आहे ते ऍक्टर म्हणून पेक्षा माणूस म्हणून !! माणूस म्हणून ग्रेट च आहे
कारण "नमस्ते लंडन " पासून तो हळू हळू बदलत गेला कदाचित देशभक्ती चे पिक्चर करता करता तो खरोखरच देशभक्त झाला !
म्हणतात ना fake to feel असाच प्रवास असावा !!
ह्या दोन चार वर्षात तर तो खरंच बदललाय . २०१५ साली त्याने आत्महत्या ग्रस्त शेतकऱ्यांना मदत केली , शाहिद सैनिकांच्या कुटुंबाना मदत केली आता तर महसूल मंत्री चन्दाकांत दादा पाटील ह्यांच्याशी बोलून रीतसर एक आत्महत्या ग्रस्त गाव दत्तक घेतलंय !!

ट्रेलर पाहता चित्रपटाची जातकुळी पहिल्यापेक्षा टोटल वेगळी वाटते.
म्हणजे बॉलीवूडी मसाला टाईप्स, अक्षय कुमार स्टारर च वाटतो.
त्यामुळे पहिल्याशी तुलना करण्यात अर्थ नाही. रावडी राठोड समजून बघायचे. मी अजून पाहिला नाहे, पण एकदोन मित्रांनी ज्यांनी पाहिला त्यांना बरा वाटला.

विवेक ओबेरॉय चा पण आवाज चांगला आहे, पण बिचारा पद्धतशीरपणे या क्षेत्राबाहेर फेकला गेला.

तो त्याच्या बापाकडून विरासत मधे मिळाला आहे पण चेहर्‍यावर एक्स्प्रेशन्स बदलत नाही. भाईगिरी मधे असा "मख्ख" चेहरा चालुन जातो. जसे "रक्तचरित्र" सारख्या चित्रपटात चालून गेले. पण सर्वत्र नाही चालणार.

वकील म्हणून चालला असता कि, बोलताना चेहरा निर्विकारच ठेवायचा असतो वकिलांना... नाहितर आणखी एखादा चेहरा आणि त्याचा प्ले बॅक..

मला वाटतं एक दूजे के लिये मधे, रति ला कुणा झरीना कादीरचा प्लॅ बॅक होता. साधना खोटे हि मराठी कलाकार पण असा प्ले बॅक देत असे.

तो जयकांत शिकरे, सयाजी जाधव, नागेश भोसले ही मंडळी आहेत की खलनायक व्हायला. त्यांना हिंदित किती भाव आहे, देवच जाणे. अन्नु कपुर अंताक्षरी च्या नादी लागुन वाया गेला. अक्षय कुमार चांगला एंटरटेनर आहे पहिल्यापासुनच.

मी जॉली एल एल बी भाग एक पाहिला होता. आणि पहिल्यांदा लागल्या बोर असेल असंच मनात आलं होतं, पण कथेने आणि अर्शद वारसीने मला खिळवून ठेवलं.
त्याच्या सगळ्याच भूमिका उल्लेखनीय आहेत, पण समहाऊ अपेक्षित क्रेडीट त्याला मिळत नाही. त्याचा पहिला सिनेमा तेरे मेरे सपने (बहुतेक) त्यात तो चंद्रचूड् पेक्षा कितीतरी उठून दिसला होता, मुन्ना भाई तल्या भूमिकेत तर तो कुठे कुठे संजूबाबाला ही खाऊन टाकतो.
यात ही त्याचा नंबर लागायला हवा होता न्क्की, पण अक्षय काही वाईट नाही.
टिव्हीवर लागला की पाहिनच. परिक्षण आवडल.

फक्त ते पुनर्प्रक्षेपण "पुनः प्रक्षेपण' असं लिहिलंत तर चालेल.

विवेक ओबेरॉय चा पण आवाज चांगला आहे, पण बिचारा पद्धतशीरपणे या क्षेत्राबाहेर फेकला गेला. >>> + १

जॉली एल एल बी २, वनपेक्षा बराच वेगळा आहे , अक्षयकुमार , अन्नूकपूर आणि जज शुक्ला ची कामं आवडली , हुमा कुरेशी भारी दणकट दिसते , सिनेमा आवडला .

हुमा कुरेशी ही सोनाली सिन्हाची लांबची बहीन आहे.

लांबची कशी? अंगापिंडाने खूप जवळची म्हणा..

रिव्युज चांगले आहेत. बघण्याची इच्छा आहे. पण जवळपासच्या कुठल्याच थिएटरला लागला नसल्याने TV वर येण्याची वाट बघावी लागेल.

कारण बोलताना पुर्नप्रक्षेपण असं बोललो तरिही लिहिताना पुनः प्रक्षेपण असं बरोबर आहे.
जाणकार अधिक प्रकाश टाकतील.

आणि नसेल लिहायचं तरी चालेल,

पुनर्प्रक्षेपण , पुनः प्रक्षेपण दोन्ही बरोबर आहेत.
रसप, काल तुमचं परीक्षण वाचून आधी जॉनी LLB बघितल, अर्शद चा. सुपर्ब पिक्चर! मी आणि नवरा, बोमन इरानी चे पंखे झालो!!

चित्रपट पैसे वसुल. हा सिक्वेल नाहि तेंव्हा अर्शद का नाहि किंवा अक्शय का, या प्रश्नाला अर्थ नाहि...

अगदी हेच मनात आलं हा चित्रपट पाहून, शेवटी तर वाटलं कि काहीतरी व्टिस्ट येईल पण काहीच नाही, त्यात तो बुवा/ कादरी उगाचच गालात हसत असतो पुर्ण वेळ, त्याचा अभिनय एक्दमच मवाळ वाटला.

या चित्रपटात एक प्रसंग प्रचंड आवडला.

अक्षय कुमारच्या मुद्देसूद चर्चेपुढे अन्नु कपूरचे खोटे चालेनासे होते. त्यामुळे अन्नू कपूर एक भावनिक खेळ खेळतात. अन्नु कपूर देशभक्तीचे गोडवे गायला सुरुवात करतात आणि जनतेसमोर कोर्टात स्वतःच्या वयोवृध्द वडीलांना घेऊन येतात. जेणेकरून भावनिक दबाव लोकांवर न्यायधिशांवर वाढेल आणि खटला आपण जिंकू. परंतू अक्षय कुमारच्या मुद्द्यांपुढे त्यांचे काही चालत नाही.

स्वतःचे खोटे हे "खरे" सिध्द करण्याकरीता काही लोक आपल्या वयोवृध्द आई-वडीलांचा सुध्दा वापर करतात.

Baghitala. Courtroom drama aavadala. Baakee pratyek babtit deshbhakteepar bhashan jaraa jaastach hotaat.