मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by निशिकांत on 20 January, 2017 - 02:16
अशी रात फिरायासाठी---( तरही )
दे ऋतू एक, शहार्यांत लपायासाठी
हा असा चंद्र, अशी रात फिरायासाठी
चांदण्या रोज किती वेळ सख्या मोजू मी ?
दे तुझी झोप, तुझे स्वप्न बघायासाठी
एकटी वाट कशी पार करू वळणांची ?
मागते साथ, तुझा हात जगायासाठी
लागला ध्यास, जगायास पुढे क्षितिजाच्या
पंख दे आज सख्या, ऊंच उडायासाठी
गुंफली वीण किती घाट्ट! सख्या नात्याची
सातही जन्म, तुझी मीच असायासाठी
झाकुनी दु:ख, उसास्यांस हसू पांघरले
जीवना! रंग तुझे मस्त दिसायासाठी
प्रेतयात्रेत स्वतःच्याच निघायाआधी
खोदली मीच कबर खोल पुरायासाठी
निशिकांत देशपांडे. मो.क्र. ९८९०७ ९९०२३
विषय:
Groups audience:
Group content visibility:
Use group defaults
शेअर करा
छान ! ! !
छान ! ! !
छान !!
छान !!