Submitted by कविता क्षीरसागर on 20 October, 2015 - 11:30
जामिन ….
एक पक्षी उडतोय खरं
आभाळ ओझं पेलेल का ?
ओंजळीतलं दु:ख कुणी
आपणहून झेलेल का ?
निष्पर्णशा फांदीवरती
खुळे पाखरू झुलेल का ?
आषाढ उन्हात काटेरी बनात
नाजूक मन फुलेल का ?
खरं सांगा जगी कुणाचं
कुणावाचून अडेल का ?
कुणीतरी कुणासाठी
स्वार्थाविना रडेल का ?
वांझ पदरात मुठी चोखत
कधी कुणी शिरेल का ?
स्वप्नामधल्या रांगोळीत
रंग आशेचे भरेल का ?
माझ्यासवे या प्रश्नांची
ओझी कुणी वाहील का ?
अशा प्रश्नाच्या उत्तराना
जामीन कुणी राहील का ?
कविता क्षीरसागर
विषय:
शब्दखुणा:
Groups audience:
Group content visibility:
Public - accessible to all site users
शेअर करा
छान जमलिय कविता. आता बरोबर
छान जमलिय कविता.
आता बरोबर आहे.कविता ग्रुप मधे दिसत आहे.
छान जमलीये कविता. प्रश्न
छान जमलीये कविता.
प्रश्न तीरासारखे आत घुसताएत..
छान आहे
छान आहे
सुरेख
सुरेख
व्वाह! आवडली मांडणी छान आहे
व्वाह! आवडली
मांडणी छान आहे
वा! खूप छान आहे कविता,
वा! खूप छान आहे कविता, कविता!!
सर्वाचे मनापसुन धन्यवाद
सर्वाचे मनापसुन धन्यवाद