पुण्यातला कचरा

पुण्यातल्या कच-याच्या समस्येने उग्र रूप धारण केले आहे. गेले काही महीने कचरा उचलला जात नसल्याने ठिकठिकाणी साठलेले कच-याचे ओंगळवाणे ढीग पाहून आपण एका सांस्कृतिक राजधानीच्या शहरात राहतो हे खरे आहे का असे वाटू लागलेले आहे. ठिकठिकाणी रस्ते कच-याच्या ढिगाने अडले आहेत. पाश्चात्य देशातले नागरीक आश्चर्याने कचरा व्यवस्थापनाकडे पाहतात. काही ठिकाणी कच-याला रात्री आग लावून दिली जाते. नागरी वस्तीत कचरा जाळायला मनाई आहे, कारण त्यामुळे घातक वायूंची निर्मिती होते. पण असा साठवून ठेवण्याने आरोग्याला धोका होतोच आहे.

एकीकडे परिधानमंत्री स्वच्छता अभियानाचे महत्व रेडीओ, टीव्ही, हॅम, फॅक्स, टेलेक्स, टेलिफोन, वर्तमानपत्र इ. माध्यमांद्वारे सांगताहेत. तर आता केंद्रात आणि राज्यात देखील त्यांच्याच पक्षाचे सरकार येऊनही या समस्येसाठी पावलं उचलली जात आहेत असं चित्र दिसत नाही. पुण्यात खासदार आणि आमदारही भाजपचेच आले आहेत. आता मनपाची निवडणूक व्हायची वाट बघायचीये का ?

या निमित्ताने शहरी नागरीकांची कचरा निर्माण करण्याची क्षमता आणि कचरा व्यवस्थापनाच्या बाबतीत असलेली उदासीनता यावरही बोलूयात. तसंच आजूबाजूच्या गावांचा बळी न घेता कचरा व्यवस्थापन कसे करता येईल याबद्दलच्या सूचना, कल्पना यांचे स्वागत आहे.