गोधडी

Submitted by अवल on 28 January, 2014 - 05:56

फिरले मी दिशा दाही
रुजवली नाती नवी
जोड जोडले आप्त काही
पण भेटले न मलाच मी

आत शोधते आज काही
रुजवते आज नवीन बी
खुणावते दिशा नवी
आशेस येई पालवी

मनातील धूळ जुनी
पुसुनी केली पाटी नवी
झाल्या गेल्या काळाची
शिवून टाकली गोधडी

टोचणा-या कितेक गोष्टी
गुंफल्या एकमेकीतुनी
उरे आता टोच कुठली
भोग सारे भोगुनी

गोधडी माझी सखी
उब देई, देइ उभारी
संगती माझ्याच मी
शोधेन, भेटेन मलाच मी

विषय: 
कला
Groups audience: 
गुलमोहर - कविता
Group content visibility: 
Public - accessible to all site users
शेअर करा

अरे वा, खुपच सुरेख कविता आहे... गोधडीसारखीच ऊबदार Happy
तुझी ही पहिलीच कविता वाचली मी, नेहमी करतेस का? आणखी काय काय आहे तुझ्या पिटा-यात?

Submitted by सई. on 29 January, 2014 - 00:52

टोचणा-या कितेक गोष्टी
गुंफल्या एकमेकीतुनी
उरे आता टोच कुठली
भोग सारे भोगुनी>>>>>>>>>>>>> खूप छान!!

Submitted by सुखदा ८ on 29 January, 2014 - 01:34