वेदनातही दरवळ (मैत्रीदिनाच्या निमित्ताने)

वाळवंटात हिरवळ
वेदनातही दरवळ

आठवांचा पारवा
ग्रिष्मात पण गारवा

कवडसा अंधारात
उजेड घरा दारात

चंदनाचे झिझणे
अहं विसरून जगणे

भोवतालची दलदल
भासते जणू मखमल

पानगळीचे शैशव
पर्णफुटीचे वैभव

मायेतला उबारा
दु:खा नाही थारा

जगण्या देई गरिमा
मैत्रीचा हा महिमा

सर्वांना मैत्रीदिनाच्या शुभेच्छा.

निशिकांत देशपांडे. मो. क्र. ९८९०७ ९९०२३
E Mail--- nishides1944@yahoo.com