Submitted by आनंद पेंढारकर on 20 June, 2013 - 05:17
हे कुणाचे माग भिनले आत माझ्या ?
कोण सलते कापऱ्या श्वासात माझ्या ?
तू नको संदर्भ मागू पुसटलेले
मीच नाही नीटसा स्मरणात माझ्या
वागवित जखमा पुढे जातोच आहे
थांबणे होते कधी हातात माझ्या ?
पापण्यांच्या खोल खाली गाडले मी
स्वप्न वेडे फुलवुनी डोळ्यात माझ्या
कागदावर उतरण्या मन अधिर होई
कोण तेव्हा दाटते शब्दात माझ्या ?
स्पंदलो नाही कधी वक्षात तुझिया
श्वास कां मग थांबला दारात माझ्या ?
हात हातातून कां निसटून जावा ?
ओढशी नव्हतीच कां स्पर्शात माझ्या ?
हा नवा झाला तुझा पत्ता अताशा
शोधती सारे तुला गाण्यात माझ्या
आनंद पेंढारकर
विषय:
Groups audience:
Group content visibility:
Public - accessible to all site users
शेअर करा
आधीच्या तुमच्या गझलांमध्ये ही
आधीच्या तुमच्या गझलांमध्ये ही सर्वात आवडली सर्वच शेर आवड्ले
अधीर ह्या शब्दामुळे मात्रा गडबडत आहेत
सुंदर आवडली
सुंदर
आवडली
मस्तच्..........आवडली......
मस्तच्..........आवडली......
वैभवराव, टाईप करताना चूक झाली
वैभवराव, टाईप करताना चूक झाली होती. बरोबर केलं. आता बघा !
सूचनेबद्दल धन्यवाद !
हंss आता चालू शकेल .......
हंss आता चालू शकेल .......
वा..
वा..
पहिल्या, दुसर्या आणि पाचव्या
पहिल्या, दुसर्या आणि पाचव्या शेरातल्या कल्पना आवडल्या.
प्रतिसादा बद्दल आणि
प्रतिसादा बद्दल आणि सुचवलेल्या बदलांबद्दल धन्यवाद !