उपवासाचे गोड कटलेट.

रताळी छान धुवुन घ्यावी..थोडा वेळ स्वच्छ पाण्यात बुडवुन ठेवावी.
आता तेलाच्या प्लास्टिक पिशवीत किंवा दुधाच्या /तत्सम पिशवीत ही रताळी ठेवुन मावेत फुल पॉवर वर १-१-१ मिनिट भाजुन घ्या.मावे च्या बाहेर काढुन रताळी थंड करा.आता रताळे सुरीने मधुन चिरुन चमच्याने त्यातला गर एका बाऊल मधे काढुन घ्या.
[मावे नसल्यास रताळी ,कूकर मधे वाफवुन घेतली तरी चालतील.पण प्रेशर उतरल्यावर उकडलेली रताळी लगेचच पाण्याबाहेर काढुन ठेवा म्हणजे त्याचा गर पाणचट होणार नाही.साले सोलुन /रताळी आडवी चिरुन गर काढा.म्हणजे रताळ्याचे लांब रेषे गरात येणार नाहीत.]
एका संतर्‍याचा रस काढुन या गरात घाला.त्यात किंचित मीठ व मावतील तितक्या राजगिर्‍याच्या लाह्या आणि गुलकंद घालुन हलक्या हाताने मिश्रण कालवुन एक गोळा तयार करा.
राजगिरा वडी/लाडू वापरणार असाल तर त्यावर संतरा रस घाला म्हणजे वड्या/लाडू रसात भिजतील.
[जर लिंबाचा रस वापरला तर मिश्रण ओले करण्या साठी लागेल तसे थोडेसे[१-१ चमचा]दूध घाला.]
आता फ्राय पॅन गॅसवर तापायला ठेवुन त्यात १ टी स्पून तूप घाला.
एका लहान प्लेट मधे थोड्या राजगिरा लाह्या घेवुन तयार मिश्रणाचे साच्याने कटलेट तयार करुन त्यावरदोन्ही बाजुला मधे काजु लावुनहे कटलेट राजगिरा लाह्यात दोन्ही कडुन घोळवावेत व फ्राय पॅन मधे मंद आचेवर दोन्ही बाजुंनी भाजावेत.बाजु बदलली कि फ्राय पॅन वर १ टीस्पून तूप टाकावे.
रताळे आणि राजगिरा फार लौकर भाजला जातो म्हणुन मंद गॅसवर हे कटलेट फ्राय करावे.