प्रवेशिका - ३० ( giriraj - प्रार्थना माझी कधीही... )

Submitted by kaaryashaaLaa on 9 October, 2008 - 23:46

प्रार्थना माझी कधीही, एव्हढी फळलीच नाही!
फाटले आभाळ इतके, झोपडी उरलीच नाही!

भेकडांच्या घोळक्याने,ओळखावे ना मलाही,
ज्यांस माझी झुंज कसली? का? कधी कळलीच नाही!

दुःख घ्यावे का कुणाचे? का व्यथेचीही उधारी?
आसवे माझी मलाही, ढाळण्या पुरलीच नाही.

का तुझे इतके दिवाणे! आज हे कळले मलाही,
'एक जखमी!' ही अता तर, बातमी उरलीच नाही.

ऊठ, फिरुनी घाल तूही, घाव रे ताज्या दमाने,
आस जगण्याची अजूनी, का कशी सरलीच नाही!

हाय! थकवा काय वर्णू, जीवघेण्या यौवनाचा,
धुंदलो इतका तरीही, कामना मिटलीच नाही!

Group content visibility: 
Public - accessible to all site users

झुंज आणि व्यथा हे शेर आवडले.

गजल लिहिली छान पण हा विषय खूप जुना .. हे असे दु:ख ह्यात फारसे वैविध्य नाही. त्यामुळे माझे ६ गुण.

जखम छान आहे. बाकीचे ठीक. माझे ५

५ गुण
--------------------------------
जलो, मगर दीप जैसे!

ठीक आहे. माझ्या मते ५ गुण.
-सतीश

का तुझे इतके दिवाणे! आज हे कळले मलाही,
'एक जखमी!' ही अता तर, बातमी उरलीच नाही.
सुंदर..

माझे गुण ५
*********************
वयाबरोबर वाढत जावी तुझी नि माझी मैत्री
मनाबरोबर वयात यावी तुझी नि माझी मैत्री ||

दुसरा शेर छान आहे.. माझे ४ गुण..

मतला छान आहे. बाकी शेर ठीक.
माझे - ५.

अवघड पण चांगली. माझे ८

का तुझे इतके दिवाणे! आज हे कळले मलाही,
'एक जखमी!' ही अता तर, बातमी उरलीच नाही.

हा आवडला.
माझे ६

जखमी चा शेर आवडला. अगदी बातमी सांगितल्यासारखा तो 'एक जखमी' सहज आलाय. तरीही त्यातली 'अता' ची सूट... सूट म्हणत नसावेत त्याला हल्ली Happy
माझे ६
-----------------------------------------------------
दम लिया था न कयामत ने हनूज
फिर तेरा वक्त-ए सफर याद आया