आनुभविक तोडगे

छान आहे ढागा.

शेजारच्या माणसाच्या टाळूचा खोलवर वास घे.>>>>>>
वास शेजारच्या माणसाच्याच टाळूचा घ्यायचा का? आपलं माणुस शेजारी नसेल तर काय करु शकतो? कुठल्या ही अनोळखी माणसाला "मला तुमच्या टाळुचा वास घ्यायचा आहे" असं म्हटल्यास त्याची काय रीअ‍ॅक्शन असेल??

एक स्केअरी आणि एक यक्क ! अजुन?

स्मित,

इथे तोडगे सांगायचे आहेत तर तु अजुन एक बिन तोडग्याचा प्रॉब्लेमच मांडुन गेलीस.

इथे तोडगे सांगायचे आहेत तर तु अजुन एक बिन तोडग्याचा प्रॉब्लेमच मांडुन गेलीस. >> रोडगे चालतील का.. नाही मला रोडगा वाहिल तुला गाणं आठवलं..

"मला तुमच्या टाळुचा वास घ्यायचा आहे" असं म्हटल्यास त्याची काय रीअ‍ॅक्शन असेल??
>>>>>>>

टाळूवर पडलायस का असं तो विचारेल

बादवे, सारखी उचकी येत असेल थोडीशी साखर खाऊन पाणी प्यायचं.

दुपारी १२ - १ च्या दरम्यान पोटात खड्डा पडल्यास एका ताटात जेवण घेऊन ते जेवावे. हमखास बरे वाटते.

उचकी लागल्यानंतर - वर्तमानपत्राचा, भेळ खाण्यासाठी करतात तसा मोठा शंकू करावा. हा शंकू तोंडासमोर ठेवून त्यामध्ये श्र्वासोच्छ्वास करत राहिल्यास उचकी थांबते.>>>>>>>>>>> करुन बघावे लागेल. मला बर्‍याचदा उचकी लागते. आणि वरचा तो साखर आणि पाण्याचा उपायही काम करत नाही.

आणि संध्याकाळी पोटात खड्डा पडल्यास काय करावे?
>> पोटाबाहेर खड्डा करण्यासाठी जागा शोधावी

<<शेजारच्या माणसाच्या टाळूचा खोलवर वास घे<< बाप्रे...!

<< कानामध्ये अत्तराचा बोळा जेथे ठेवतो त्या ठिकाणी वाळूचे दोन खडे ठेव म्हणजे त्रास कमी होईल.<<
कानाला खडा लावणे हा वाक्प्रचार यावरुनच आला की काय!

रच्याकने, आमच्या ऑफीसमधल्या एका जुन्या जाणत्या बाईकडुन ( ती एक भावगीत गायिका आहे.तीचा मुलगाही सारेगमा मधे गायलाय) असाच काहीसा तोडगा ऐकला.

डोळ्याला रांजणवाडी झाली तर "डोंगराला वेडावुन(वाकुल्या) दाखवायचं म्हणे". हे तिच्या आईने सांगितलय. आणि हमखास तोडगा आहे म्हणे. खखोदेजा.

डोंगराला वेडावुन(वाकुल्या) दाखवायचं म्हणे>>>>

डोंगर कुठे शोधायचा? की त्या करीता डोंगर असणार्‍या भागात जायचे?

मीरा, वाकुल्या कुणाला आणि का दाखवायच्या?? डोंगर कुठाय वर???

उचकी लागल्यानंतर - वर्तमानपत्राचा, भेळ खाण्यासाठी करतात तसा मोठा शंकू करावा. हा शंकू तोंडासमोर ठेवून त्यामध्ये श्र्वासोच्छ्वास करत राहिल्यास उचकी थांबते.>>>>>>>>>>> करुन बघावे लागेल. मला बर्‍याचदा उचकी लागते. आणि वरचा तो साखर आणि पाण्याचा उपायही काम करत नाही.
>>>
सस्मित सेम पिंच. मलाही नाक बंद करून पाणी पिणे, वरती बघत बघत पाणी पिणे, साखर व त्यावर पाणी पिणे इ. सगळे उपाय करूनही आराम पडत नाही. पण कागदी पिशवीत श्वासोच्छवास केल्याने खरंच उपयोग होतो. नक्की करून बघ. मी उचकी मास्टर आहे.

मला वाटते माझे उचकीचे कारनामे नी इथल्याच कुठल्यातरी एका धाग्यावर लिहिलेत आधी.

नाकात माळीण (उष्णतेमुळे फोड) झाली तर कुठल्याही सुवासिक फुलाचा वास घ्यायचा. - इति माझी आई.

उचकी लागल्यानंतर अजुन एक ट्राय करुन बघा, दिर्घ श्वास घ्या आणि दोन उचक्यांच्या अंतरापेक्शा थोडा वेळ जास्त धरुन ठेवा आणि मग श्वास सोडा, उचकि थांबेल, एका ट्राय मधे नाहि थांबली तर १-२ दा करा

प्रिया, हे ही करून झालेय माझे. माझ्या उचकीवर नो इफेक्ट. अगदी श्वास कोंडेल इथपर्यंत श्वास रोखून ही ठेवून पाहिलाय.

उचकीवर माझ्या भावाने सांगितलेला उपाय माझ्या लेकीला तरी उपयोगी पडतोय. तोंडात पाण्याचा घोट घेउन ओणवं उभ रहावे व खाली असतानाच पाणी गिळावे.

अरे वा, उचकीवर बरेच उपाय मिळाले.

पित्त झाल्यास कोकम सरबत प्यावे.

"उचकीवर औषध तीन घोट पाणी" असे म्हणायचे, पाण्याचा एक घोट घ्यायचा, पुन्हा म्हणायचे, पुन्हा एक घोट पाणी, असे ३-४ दा केले की बहुदा थांबते उचकी. मला वाटतं पोटात तयार झालेली पोकळी या बोलण्याने बाहेर जात असावी अन पाण्याच्या घोटाने जास्तीची हवा आत जायला प्रतिबंध होत असावा, असे काही होत असावे. पण थांबते उचकी. किंवा अवंढा गिळला ३-४ दा तरी थांबते असे म्हणतात. मला पहिला उपाय सूट होतो

वैद्यकीय सल्ले:
१. उचकी ही (बहुधा) डायफ्रॅम = छाती व पोट यांदरम्यानच्या स्नायूंच्या पडद्याला दाह (इरिटेशन) झाल्याने येते. या पडद्याचा वेळेवारी अकुंचन होण्याची ही क्रिया आहे. अती तट्ट जेवणे, किंवा उपास असणे हेही एक कारण असू शकते. व्हेगस नावाचा एक नर्व्ह त्या डायफ्र्यामला कण्ट्रोल करतो. उचकी चे सगळे उपाय,- पाणी पिण्यापासून तर ब्रीदींग इन स्मॉल स्पेस, श्वास थांबवून वा तत्सम मार्गाने रक्तातील कार्बनडायॉक्साईडचे प्रमाण वाढवतात, व त्याद्वारे मेंदूतून व्हेगल इन्-हिबिशन्स खाली पाठवतात. इतर उपचारांत अ‍ॅनास्थेटिक औषधे पिण्यास दिली जातात. (अ‍ॅसिडिटी हेही एक कारण असू शकते)
अवांतरः मध्यंतरी टेड टॉक्स वर, ऑर्गॅझम कॅन स्टॉप इन्ट्रॅक्टेबल हिक्कप्स असे एका भाषणात ऐकून अंमळ गम्मत वाटली होती.
२. नाकातली माळीण. *नाकातील केसतोडा*
नाकपुडी, वरचा ओठ हा एक त्रिकोणी भाग कल्पिलात तर त्यास डेंजरस एरिआ म्हणतात. येथिल पिकणार्‍या पुळ्यांतील पू, सरळ मेंदूत जाऊ शकतो. यासाठी अत्यंत जोरदार उपचार करणे गरजेचे असते. तात्काळ (नाक कान घशाच्या) डॉक्टरांकडे जावे. याचसाठी नाकातील केस उपटु नयेत. बोथट कात्रीने कापूही नयेत.
३. रांजणवाडी/खिरपुळी इ.
डोळ्याच्या पापणीत होणार्‍या पुळ्या. या २ प्रकारच्या असतात.
एक पापणीच्या कडेजवळ, दुखते, पिकते, फुटते, बरी होते. यास स्टाय म्हणतात. डायबेटिस असेल, तर डॉक्टर कडे जा, अन्यथा गरम शेक द्या, 'लसूण ट्यूब' उर्फ क्लोरो अ‍ॅप्लिकॅप नावाचे मलम डोळ्यात टाका. बहुधा बरे व्हा.
दुसरी पापणीच्या कडेपासून दूर. दुखत नाही. पिकत नाही. जातही नाही.
परत शेका, हलक्या हाताने मालिश करा. १०-१५ दिवसांत गेली नाही तर छोटे ऑपरेश्न लागू शकते.

मामी | 5 December, 2012 - 17:04 नवीन
दुपारी १२ - १ च्या दरम्यान पोटात खड्डा पडल्यास एका ताटात जेवण घेऊन ते जेवावे. हमखास बरे वाटते.

<<<

हरिहर | 5 December, 2012 - 03:43 नवीन
मामी | दुपारी १२ - १ च्या दरम्यान पोटात खड्डा पडल्यास ........
आणि संध्याकाळी पोटात खड्डा पडल्यास काय करावे? >> १२ ते २ ताटे घेऊन त्यात जेवावे. खड्डा जाऊ द्या हो पण हमखास भांडीवाली वैतागते.

पण हमखास भांडीवाली वैतागते.
>>>
ह्या भांडीवाल्या/ कामवाल्या हल्ली जिकडे बघावे तिकडच्या धाग्यावर आप्ली हजेरी लावताहेत.