पापड चाट..

डाएट करणार्‍यांनी बटर व शेव वगळावी.
भाजका पापड आणि कच्च्या भाज्या आहेत त्यामुळे पथ्यकर आहे.
पापडा ऐवजी फुलका किंवा ज्वारी-मका भाकरी कडक भाजुन त्यावर बाकी वरील प्रमाणे करता येईल.
टॉपिंग मधे व्हेरीएशन्स आणता येतील.मटार ,भिजवलेले शेंगदाणे,उकडलेले हरभरे/मोडाचे मूग/काबुली किंवा देशी चणे/राजमा,कॉर्न,किसलेले चीज-चीज स्लाइस असे काही वापरता येईल..
अगदी थोडा कांदा-काकडी-टोमॅटो -पुदिना ,जिरेपुड व मीठ हे जिन्नस दह्यात कालवुन तयार केलेले स्प्रेड [म्हणजे आपली नेहमीचीच पण चवीला साखर न घातलेली कोशिंबीर]मक्याच्या शिळ्या भाकरीवर पसरुन वरुन सजवलेला देसी पिझ्झा ही छान लागतो .
शेव-बटाटा-दही पुरी [एस.पी.डी.पी] सारखीच ही पापड चाट आहे.
यात थोडेसे विषयांतर :-उकड काढुन केलेले पापड नेहमी तळुन खातात .कारण भाजले कि ते फार कुडुम-कुडुम लागतात.त्यामुळ कोणी पथ्याचा [हार्ट वाला]आला असेल तरच हा पापड भाजुन खातात असे निदान मलातरी लहानपणी हेच माहित होते..गुजरातेत असे वेगवेगळे पापड [उन्हाळ्यात ]दररोज तळुन ठेवायचे व पाणी पिण्याआधी एक पापड खायचा .अशी पद्धत तेव्हा होती.कॅलरी वगेरेची भानगड तेव्हा आजच्या इतकी अस्तित्वात नव्हती.एकतर गुजराती लोकांत तेलाचा वापर सढळ हस्ते होतो.भाजी पूर्ण तेलातच शिजवतात.