दोन क्षणांचा प्रवास जीवन...

Submitted by हर्षल_चव्हाण on 1 November, 2012 - 05:56

आपण आपले भले बुरे,
हवे कुणाला हार तुरे?

उभ्या रहिल्या भिंतीना,
प्रेमाचा आधार पुरे...

घरट्यामधले पिलू मोकळे,
आभाळाची कास धरे...

रोख कुणाचा कसा असावा,
कुणी सांगावे; काय बरे?

गोंधळ जगती फार जाहला,
कानी कोण हे गूज करे?

अफलातून ही दुनिया रे,
खोट्याचेही करे खरे...

दोन क्षणांचा प्रवास जीवन,
जगता जगता सहज सरे...

म्हणून जगणे समजून घ्यावे,
सरल्यावरती काय उरे?
------------------------------------------------------------------------------------
हर्षल (१/११/१२ - दु. ३.२०)

शब्दखुणा: 
Group content visibility: 
Public - accessible to all site users

दोन क्षणांचा प्रवास जीवन,
जगता जगता सहज सरे...

<<< वा

(गझलेच्या अंगाने जाणारी चांगली रचना )

आवडली,

कविता सहज सुंदर आहे ,वाचता वाचता कवितेत एक कविता दिसली ती अशी
भले बुरे
हार तुरे
भिंतीना
आधार पुरे..
पिलू मोकळे,
कास धरे
रोख असावा,
काय बरे?
गोंधळ जाहला,
गूज करे
ही दुनिया रे,
करे खरे..
प्रवास जीवन
सहज सरे...
समजून घ्यावे
काय उरे