गझल
भेटले नाही कुणी, केव्हा किना-यासारखे!
शेवटी आयुष्य, वणवणलेच वा-यासारखे!!
स्वप्न घर बांधावयाचे, हे असे साकारले......
घर उभे साक्षात वाळूच्या ढिगा-यासारखे!
ब्रह्मदेवालाच यावे वाटते निपटायला;
काय माझे व्याप, विश्वाच्या पसा-यासारखे?
फक्त मतल्याचा प्रथम मिसराच मी उच्चारला....
तोच सळसळले तनूवरती शहा-यासारखे!
वीष सापाचे असो वा विंचवाचेही असो!
लोक वापरती मला, आता उता-यासारखे!!
पीस पत्ते जीवना! जितके पिसायाचे तुला;
हात शिवशिवतात माझेही जुगा-यासारखे!
ही अनासक्ती, विरक्ती, ना उगा आली मला;
राज्यही केले! कधी, जगलो भिका-यासारखे!
जीवनाच्या जंगलामध्ये खुबीने राहतो!
लोक वावरतात रस्त्यांवर शिका-यासारखे!!
गूज हृदयातील ना आले तुझ्या गझलेमधे;
शेर झाले सर्व....शब्दांच्या पिसा-यासारखे!
लागलो हातास मी नाही कुणाच्याही कधी;
होय, माझे वागणे, होतेच पा-यासारखे!
लाख टाळा नाव माझे, लाखदा वगळा मला....
स्थान गगनातील माझे शुक्रता-यासारखे!
-------प्रा.सतीश देवपूरकर
भूशास्त्र व खानिज तेल तंत्रद्न्यान विभाग,
नौरोसजी वाडिया महाविद्यालय, पुणे.
फोन नंबर: ९८२२७८४९६१
व्वा...अप्रतिम गझल ..आणि
व्वा...अप्रतिम गझल ..आणि खालील शेर तर खासच------
जीवनाच्या जंगलामध्ये खुबीने राहतो!
लोक वावरतात रस्त्यांवर शिका-यासारखे!!
ही अनासक्ती, विरक्ती, ना उगा आली मला;
राज्यही केले! कधी, जगलो भिका-यासारखे!.
याहीवेळी नेहमीचाच
याहीवेळी नेहमीचाच 'तेच्-ते'पणा अगदी जस्साच्यातस्सा उतरवलात सर .................
वा वा
_/\_
ही अनासक्ती, विरक्ती, ना उगा
ही अनासक्ती, विरक्ती, ना उगा आली मला;
राज्यही केले! कधी, जगलो भिका-यासारखे!
जीवनाच्या जंगलामध्ये खुबीने राहतो!
लोक वावरतात रस्त्यांवर शिका-यासारखे!!
फार फार आवडली... फार सुंदर..