जयदेव जयदेव जय गणराया,
भक्ति भावाने मी पडतो तुझ्या पाया,

माघ शुध्द चतुर्थीला जन्मा तू आला,
दुःखहर्ता म्हणोनी, भक्ता पावला,
शारदा तुझी भार्या, बंधू षडानन,
उमामहेश्वराचा असशी तू नंदन, जयदेव जयदेव

रक्तवर्णि तुझी कांति असे,
ऑंकार स्वरूपात तू दिसतसे,
रूप तुझे पाहता आनंदे मन,
करिती शुभकार्या प्रथम वंदन जयदेव जयदेव

सुपासारखे असती तुझे हे कान,
लुकलुकणारे डोळे दिसती लहान,
एकदंत गजमुख असशी चतुर्भुज,
काय वर्णावे तुझे अलौकिक तेज, जयदेव जयदेव

स्वरुप असे तुझे मनोहरी,
रत्नजडित मुकुट शोभतो तुझिया शिरी,
नागाचा विळखा तुझिया पोटी,
शेंदूर शोभत असे तुझिया ललाटी, जयदेव जयदेव

विद्येची आहे तूच देवता,
तुजवीन आम्हा कोण असे त्राता,
बैसोनी मुषकावर ये आता झडकरी,
देवोनी आशीर्वाद तू आम्हा तारी, जयदेव जयदेव

श्री अरविंद सहस्रबुध्दे, कोठरूड पुणे.....