ही आरती ही श्री. अरविंद सहस्रबुध्दे यानी मायबोली साठी पाठवलेली आहे.

आरती देवीची

जयदेवी जयदेवी जय अंबाबाई,
सकल जनांची तू आहेस आई, जयदेवी जयदेवी

रत्नजडीत शोभतो मस्तकी मुकुट,
भाळी भरला असशी कुंकवाचा मळवट,
काळ्याभोर केसांचा पाठीवर संभार,
गळ्यात हालत असे नवरत्नांचा हार, जयदेवी जयदेवी

गौरवर्णी कांती सुहास्य वदन,
कमळासारखे दिसती तुझे हे नयन,
पहाता तुजला, हरपते भान,
भक्तिभावाने झुकते भक्तांची मान, जयदेवी जयदेवी

शुंभनिशुंभानी अवघ्यांना गांजियले,
समस्तानी तुजला साकडे घातियले,
सिंहारूढ होऊनी राक्षसा मारियले,
समस्त भक्तजनांना भयमुक्त केले, जयदेवी जयदेवी

पुरणपोळी साखरभाताचा नैवेद्य दाखवती,
झेंडू शेवंतीच्या माळा तुजला अर्पिती,
अर्पोनी तुजला चणे फुटाणे,
हात जोडोनी तुजला एकच मागणे, जयदेवी जयदेवी

देवोनी आशीर्वाद करी अमुचा उध्दार,
जन्ममृत्यूची आता संपवी येरझार, जयदेवी जयदेवी

श्री. अरविंद सहस्रबुध्दे, कोथरूड पुणे 25444669