वाल/डाळिंब्यांना मोड काढावेत. मोड आलेल्या डाळिंब्या गरम पाण्यात टाकाव्यात म्हणजे सालं पटपट निघून येतील. सगळ्या डाळिंब्यांची सालं काढून झाली की कुकरला लावून एक शिट्टी करुन घ्यावी.
सुक्या खोबर्‍याचा एक छोटा तुकडा गॅसवर भाजून घावा.व मिक्सरमध्ये वाटावा. वाटताना त्यात थोडं जिरं, हिरव्या मिरच्या, कोथिंबीर, मीठ घालावं. तेलाची मोहरी,जिरं, हिंग,हळद,कढिपत्ता घालून फोडणी करुन घ्यावी. त्यावर शिजलेल्या डाळिंब्या घालाव्यात. एक उकळी आल्यावर त्यात वाटलेला मसाला, गूळ, आमसूल, मीठ घालावे.हवं असल्यास थोडं लाल तिखटही घालावं. पाणी अंगासरशी असू द्यावे. वरुन ओलं खोबरं, कोथिंबीर घालावी.