१) वांगी भरल्या वांग्याप्रमाणे चिरून घ्या आणि मिठाच्या पाण्यात बुडवून ठेवा. वांगी फार लांब असतील, तर त्याचे आडवे दोन तूकडे करा.
२) कांदा किसून घ्या. त्यात मसाला, सर्व घटकांना लागेल तेवढे मीठ, गूळ वा साखर, कोथिंबीर आणि अर्धे तेल मिसळून घ्या. वापरत असाल तर दाण्याचे कूटही यात मिसळा.
३) वांगी निथळून घ्या.
४) आचेवर ठेवण्याआधीच, एका पॅनमधे उरलेले तेल घ्या. त्यात खडा मसाला (वेलच्या जरा ठेचून ) पसरून घाला. आता मसाल्याला पाणी सुटले असेल तो थोडा थोडा वांग्यात भरा व वांगी पॅनमधे रचा.
५) त्यावर केळ्याच्या चकत्या टाका. वेळ असेल तर केळ्याचेही तूकडे करून, त्यात मसाला भरा.
६) उरलेला मसाला व त्याला सूटलेले पाणी त्यावर ओता.
७) पॅनला घट्ट झाकण लावून मंद आचेवर ठेवा.
८) वीस मिनिटांनी हलक्या हाताने भाजी ढवळा, रस आटला असेल तर थोडे पाणी घाला.
९) काजू वापरत असाल तर आता टाका.
१०) झाकण न ठेवता थोडा वेळ शिजवा.
११) खमंग वास सूटला आणि वांगी शिजली कि आचेवरुन उतरा.
१२) चपाती वा वरण भाताबरोबर हि भाजी चांगली लागते.

हा फोटो आहे, भाजी शिजायला ठेवण्यापूर्वीचा

आणि हा आहे, भाजी शिजत असतानाचा (यानंतरपण थोडा वेळ भाजी शिजचली )