मी VLCC चे काही सेशन्स घेतले होते. तुम्ही वजन कमी करण्यासाठी जाणार आहात का? तसे असेल तर VLCC मधे प्रचंड पैसा खर्च होतो फक्त. बाकी वजन हे तुमच्या व्यायामामुळे आणि डाएटमुळेच कमी होउ शकेल. वजन कमी करण्यासाठी जाणार असाल तर त्यापेक्षा तेच पैसे चांगले जीम लावण्यात खर्च करा असे मी सुचवेन.
मला वजन कमी करण्यासाठी लॉ कॉलेज रोडवर निर्मिती दुकानाच्या वर डॉ. गुप्ते यांचे जीम आहे त्याचा खुप उपयोग झाला होता. तुम्ही पुण्यातले असाल आणि हे लोकेशन तुम्हाला जवळ असेल तर नक्कीच चौकशी करुन पहा.

गिरिष,
हर्बालाईफ ट्राय करुन बघा.... इट वर्क्स

अजुन एक VLCC बद्द्ल. मी साधरण ३-४ वर्षापुर्वी त्यांचा २ महिन्याचा कोर्स (लॉ कॉलेज रोडवरचे सेंटर ) केला होता. साधारण २० सेशन्स असतील. त्यातील एक अतिशय वाईट प्रकार म्हण्जे तुमचे सर्व सेशन्स ठराविक काळात पुर्ण करावाच लागतात आणि तुम्ही त्या काळात पुर्ण करु शकला नाहीत तर चक्क यापुढे आम्ही सेशन देणार नाही असे सांगतात. माझे ३-४ सेशन्स राहेलेले अस्ताना , आणि सुरवातीलाच मी सगळे पैसे भरलेले असुन सुद्धा यापुढे सेशन देणार नाही असे सांगण्यात आले. सेशन्स वेळेत न होण्याचे कारण म्हण्जे पहिल्या सेशन ला तुमचे जे वजन असेल ते पुढच्या सेशनला तुम्ही जेव्हा येता तेव्हा वाढले असेल , किन्वा तेव्हढेच असेल तरी ती बाई पुढचा सेशन द्यायची नाही. मागच्या वेळेपेक्षा २०० - ४०० ग्रॅम ने कमी वजन भरले तरच पुढचा सेशन व्हायचा. आणि सेशन एक दिवसाआड असायचे. त्यामुळे २ नच दिवसात एव्हढे वजन कसे कमी होणार. तसेच तेव्हा लोड शेडींग खुप जोरात होते आणि त्यांचा इन्व्हर्टर बॅकअप बंद पडल्याने पण माझे २ सेशन कॅन्सल झाले होते. त्यामुळे जेव्हा ती बाई मला पुढचे सेशन मिळणार नाहीत म्हणाली तेव्हा त्या सेंटरच्या ओनरशी जाउन मी बरीच भांडले होते. त्यामुळे मग तिने पुढचे सेशन घेउ दिले.
त्यामुळे तुम्ही जर यदा कदाचित तिथे जायचा निर्णय घेतलातच तर त्यांना सगळी प्रोसिजर काय , नियम काय आहेत ते सगळे नीट विचारुन, जमल्यास लेखीच लिहुन घ्या. आणि सुरवातीलाच सगळे पैसे अजीबात भरु नका. टप्प्या टप्प्प्याने भरा.

ऋजुता दिवेकरचे dont lose your mind, lose your weight हे पुस्तक वाचा (मुळ इंग्रजीत, मराठी अनुवादही उपलब्ध आहे). चरबी घटवण्यासाठी नेमके काय करावे आणि करु नये याचा अंदाज येईल. मग त्यावरुन पुढचे ठरवा

ज्यांनी जॉईन केलेलं होतं त्यांची मतं येऊद्यात जरा...

अरे VLCC चा अर्थ काय हो !
कोणी माहिती देतील का हो !

डेलिया.
हो मी वाचलेली तुझी प्रतिक्रिया. अजूनही असे(च) अनुभव येऊ द्यात असा माझ्या म्हणण्याचा अर्थ.. मी ही एकदा चौकशीला जाऊन आलोय. (वजन वाढतंय तेव्हां जीम, सायकल, बॅडमिंटन कि सकाळी पळायला जाणे हा विचार करतोय म्हणून ..)

सकाळी उठुन १० किमी पळुन या , कशाला डोंबलाला वजन वाढतयं

पण मसाज करणार्‍याचे वजन कमी होईल की करवुन घेणार्‍याचे ?? >>> ते कोण करतय ह्यावर पण अवलंबुन असेल ना ? जर एखादा सुमो पहिलवान अंगावर गदागदा नाचला तर वजनच काय आयुष्य पण कमी होईल.

मला वाटतं फक्त आपल्या बटव्याचे वजन कमी होत असेल.

वरचे वाचुन vlcc मध्ये बटवा सोडुन बाकी कसलेच वजन कमी होणार नाही हे पटले.

आणि जरी शारिरीक वजन कमी झाले तरी ते स्नायु झडल्यामुळे होईल, चरबी झडल्यामुळे नाही. त्यामुळे vlcc च्या भानगडीत न पडता सरळ योग्य आणि वेळच्यावेळी अन्न आणि सोबत पुरक व्यायाम सुरू करा. वजन नक्की कमी होईल शिवाय आरोग्यही सुधारेल. vlcc सारख्यांच्या नादी लागुन लोकांनी आपले वजन, आरोग्य, वेळ आणि पैसा सगळेच गमावलेले आहे.

पळापळ झालीच असेल की.

रच्याकने, दिवेकरचे पुस्तक जरी वाचायला मिळाले नाही तरी तिने खालिल नियम पाळायला सांगितलेत, जे आपण पाळले तर वजन कमी होते आणि आरोग्य नीट राहते -

१. रोज सुर्योदयाच्या वेळी उठायचा प्रयत्न करावा, उठल्यावर चहा/कॉफी अजिबात न पिता काहीतरी खावे - एखादे फळ, लहान लाडु किंवा इतर काही. तळलेले/मैद्याचे पदार्थ नको.

२. वरचे खाऊन झाले की तासाभराने आपला रोजचा नाश्ता पोटभरुन करावा.

३. दिवसभरात दर २-२.५ तासांनी काहीतरी खावे - चणे, शेंगदाणे, पोहे/इडली/दोसा/उपमा/सँडविच, चिज, दुध, दही, काकडी, गाजर, उकडलेले अंडे/ऑमलेट, प्रोटिन बार, नारळपाणी, लस्सी...... किंवा इतर काही जे पौष्टीक आहे. मैद्याचे पदार्थ, गोड, तळलेले सगळे टाळा - शक्य नसल्यास आठवड्यातुन एकदाच खा. खाताना फक्त तेच खा, सोबत इतर काही घेऊ नका. जसे गुलाबजाम खायचे झाल्यास वाटीत घेऊन नुसते खा, नंतर दोन तासांनी जेवा. जेवल्यानंतर स्विट डिश म्हणुन नको. दिवसभरात किती खावे हे तुम्ही दिवसभरात काय काय करणार यावर ठरवा. जास्त धावपळ असेल तर थोडे जास्त खा, आरामाचा दिवस असेल तर थोडे कमी खा.

४. रात्रीचे जेवण आणि अंथरुणात पडायची वेळ यात कमीत्कमी २ तासाचे अंतर ठेवा.

करुन पाहा. दिवसभर खाणे सुरवातीला थोडे जड जाते पण सवय झाली की काही वाटत नाही. आणि याचे वजन घटते. माझे घटले.

लहान लाडु

हा शब्द सापेक्ष आहे असे माझे मत आहे...

>>>>>

साधना अनुमोदन अगदी सुन्दर पुस्तक आहे. माझ्याकडे आहे.

"दिवसभरात दर २-२.५ तासांनी काहीतरी खावे"
याचा अर्थ एकाच वेळी(५-६ तासांच्या अंतराने) भरपेट न खाता दर २-२.५ तासानी थोडे थोडे खावे.