ह्या क्षणांना जोडणारे
शब्द मी आणु कसे?
नात्यांचे चुकले संदर्भ सारे
स्पष्टीकरण मागु कसे?
बाळगली ना भीड कुणाची
केले जे जे पटेल ते
आज चुकल्या वाटा तर मी
गाव माझे शोधु कसे?
होण्यास आहे संध्याकाळ वाटे
पुन्हा होणार नाही पहाट जणु
रुतणार नाहीत पायाना
असे काटे कोठुन आणु?
चालले मी आज दूरवर
रक्त घेउन डोक्यावर असे
वागविले मस्तकावर जखमेला
अश्वत्थाम्याने जसे!
ना उमगले रहस्य मजला
प्रयत्नही फसला तसा
स्पर्श करता दूर जातो
चपळ दुष्ट पारा जसा...
ह्या क्षणाला स्पष्ट सारे
त्यावर मी घालते फुंकर
असेच राहु दे धुसर तारे
न दिसावे त्यावरचे विवर........