कितीतरी लोकं (माझ्यासारखी) स्वच्छंदी असतात बोलण्याच्या बाबतीत .. मनात येईल ते बोलून टाकतात पटकन मग ईतरांकडून (नवरे टाईप कायम उपदेश करणारे लोक) ऐकून घ्यायला लागतं की, "विचार करून बोलत जा!"

असं दर वेळी विचार करून बोलायचं म्हंटलं तर एकतर त्यातली उस्फुर्तता निघून जाईल आणि त्याहीपेक्षा महत्वाचं म्हणजे मग ते 'manipulated' होईल .. 'manipulate' ह्यालाच ईतर काही समानार्थी शब्द म्हणजे plastic, कमावलेलं, staged .. (ऐश्वर्या राय च्या चेहेर्‍यावरचे भाव कसे असतात किंवा तिचं हास्य कसं असतं अगदी तसंच ) .. मला तर अगदी मनस्वी चीड आहे अशा वागण्या-बोलण्याची .. तेव्हा असं विचार करून बोलणं कितपत योग्य आहे? ऑफीसमध्ये किंवा परक्या माणसांच्यात ठीक आहे पण आपल्या माणसांत तरी किमान मनाला येईल ते बोलावं, विचार न करता .. हो की नाही?