मिनोती, ही मुगाची डाळ पिवळी की हिरवी सालीसकट?
मी हल्ली हिरव्या सालीसकट मुगडाळीची आमटी जेवण स्कीप करुन सूपसारखी पिते.
नेहमीची फोडणी करुन लाल सुक्या मिरच्या,ठेचलेला लसूण. कढीपत्ता परतून त्यावर धुतलेली मुगडाळ परतायची. पाणी घालून, झाकण घालून शिजत ठेवायची. शिजत आली की गोडा मसाला, गूळ, कोथिंबीर,मीठ, आमसुलं घालून गरम गरम ओरपायची.

छान आणि सोपे वरण. मला वाटते मूग आणि मसूर या डाळी, बाहेरही शिजतील.
मी एका राजस्थानी कुटुंबात, अशी आमटी, हरभर्‍याचा पाला घातलेली खाल्ली होती. त्यात हरभर्‍याच्या पाल्याचे, मुगडाळ घालून केलेले गोळे घातले होते. त्यातही अर्धे तळून आणि अर्धे या डाळीतच शिजवलेले होते.

>>हरभर्‍याचा पाला घातलेली खाल्ली होती. त्यात हरभर्‍याच्या पाल्याचे, मुगडाळ घालून केलेले गोळे घातले होते. त्यातही अर्धे तळून आणि अर्धे या डाळीतच शिजवलेले
अहा, सुंदर च झाली असणार... करून पहायला हरकत नाही.. धन्यवाद दिनेशदा...

मिनोती, बर्‍याच दिवसांनी ...
मस्त रेसिपी दिलिस. मी ही आजकाल तूरडाळ पुर्ण बंद करून मूग डाळंच खाते. फारच कंटाळा (येत नाही खरंतर कधी) आला तर ३:१ या प्रमाणे मूगडाळ आणि तूरडाळ मिक्स करून वरण करते. अतिशय पौष्टीक आणि सात्विक लागते.
पित्ताचा त्रास असलेल्यांनी तर हमखास तूरडाळ टाळाविच.

बाय द वे, वरणाचा फोटो टाक ना..