माझा पण मानाचा मुजरा!
आजचं द्विशतक खरं एकमेवाद्वितीय म्हणता येईल असं. एक दिवसीय सामन्यांत सचिनच नाही, तर कुणीच केले नव्हते. (चु.भु.दे.घे. आणि जाणकारांनी बैजवार लिहावे, ही विनंती.)

जियो, सचिन.

काही म्हणा. शेवटी आजोबा ते आजोबाच
बाकी चिल्ल्या पिल्ल्यांनी फक्त टणटण उड्या माराव्यात

सर सचिन तेंडुलकर!!

सच्चिन... सच्चिन....

ग्राऊंडमधे जाऊन जोरात ओरडावंसं वाटत होतं...

सौ सुनार की
एक लुहार की

राजे मुजरा स्विकारावा!!

आज सक्काळी सक्काळी उठून जेंव्हा तुम्ही काही शॉटस पाहीले, तेंव्हाच कळले की आज अफ्रिकेचे काही खरे नाही, तसे आम्ही इथे मांडलेही. आपण आमच्यासारख्या क्रिकेट वेड्यांच्या मनातली गोष्ट वाचलीत अन ती साकारलीत, हे आमचे भाग्य म्हणावे की तुमची आमचे मन वाचन्याची शक्ती!

मध्ये सलग दोन ओव्हरला शेवटच्या बॉलला धोणी एक धाव घेत होता, तेंव्हा भारताचे रन जास्त होत आहेत ह्याचा बिलकुल आनंद होत नव्हता, तर तुमची एक धाव अजूनही बाकी आहे, अन तो धोणी तुम्हाला स्ट्राईक देत नाही ह्याचाच जास्त राग येत होता. पण राजे, धोणी देखील तुमचा चाहता आहे हे आम्ही विसरलो, तो तुम्हाला आराम मिळावा म्हणून न पळायला लावणार्‍या शॉट्स मारत होता. ४८ व्या ओव्हरला तुम्ही कलीसचे एक दोन बॉल फारच डिफेन्ड केले, तेंव्हा एकदम हार्ट रेट १८० वर गेला होता महाराजा!! कधी नव्हे ते देव आहे ह्यावर विश्वास बसायला सुरु झाला, अन देवा प्लिज, प्लिज फक्त एक धाव काढू दे, तो थकला आहे, वाटल्यास मी त्या वाटचे आजचे त्याचे वर्काउट करुन स्वतःला ऑट करुन घेईल पंण प्लिज एकच रे, एकच धाव. ती झाली. बास. आज काहीही नको.
देव आहे बहुदा. त्याने माझेही ऐकले अन सच्याचेही. बास्त आता तो रेकॉर्ड वाटल्यास पाँटिंगला मोडूदेत, आय डोन्ट केअर, कारण सच्या म्हणजे रेकॉर्ड करणारी मशीन नाही, तर तो स्वतःच एक रेकॉर्ड आहे.

(भावना फार उचंबळून येत आहेत, पुढचे नंतर )

माझ्याकडूनही सचिनला सॅल्यूट. आजच्या या ऐतिहासिक खेळाची मी कोरियात बसून साक्षीदार झाले ह्याचा खूप आनंद होतो आहे.

साजिरा तुम्ही बरोबर लिहीलयंत. सचिनने आज सईद अन्वरचा रेकॉर्ड मोडला आहे.

ज ब र द स्त !! सचिन म्हणजे सचिन म्हणजे सचिनच आहे फक्त!!
मला नाही बघायला मिळाली ही(पण्)इनिंग

तो तुम्हाला आराम मिळावा म्हणून न पळायला लावणार्‍या शॉट्स मारत होता.
>>
आयला, खरेच की रे केदारा. मला पण तेव्हा राग आला होता बघताना. सचिनला क्रॅम्प आलेला वाटते. १९० नंतर २-३ वेळा कंबर दाबताना बघितले. म्हणून धोनी असे शॉट्स मारत होता.

बाकी तू लिहिलेली मनःस्थिती लाखोंचीच झाली असणार त्या वेळेला.

सचिनराव झिन्दाबाद. असेच उत्तरोत्तर यश मिळो. ढुम ढुम ढुमाक

ढोल ताशा लावून मिरवणूक काढण्यात येत आहे होऽऽऽऽ

.

>>> साजिरा तुम्ही बरोबर लिहीलयंत. सचिनने आज सईद अन्वरचा रेकॉर्ड मोडला आहे.

एक दुरुस्ती. सचिनने आज सईद अन्वर व झिंबाब्वेचा चार्ल्स कॉन्वेंट्री या दोघांचाही विक्रम मोडला आहे.

१६ ऑगस्ट २००९ रोजी बांगलादेशविरुद्ध झिंबाब्वेच्या चार्ल्स कॉन्वेंट्रीने तर २१ मे १९९७ रोजी भारताविरुद्ध पाकिस्तानच्या सईद अन्वरने १९४ धावा केल्या होत्या.

एकदिवसीय सामन्यात सर्वोच्च धावा करणारे पहिले दहा मानकरी असे...

सचिन तेंडुलकर ... (२००)
चार्लस कॉन्वेंट्री ...(१९४)
सईद अन्वर ...(१९४)
विविअन रिचर्ड्स ... (१८९)
सनथ जयसूर्या ...(१८९)
गॅरी कर्स्टन ...(१८८)
सचिन तेंडुलकर ...(१८६)
एम. एस. ढोणी ...(१८३)
सौरव गांगुली ...(१८३)
मॅथ्यू हेडन ... (१८१)

http://www.cricinfo.com/indvrsa2010/content/current/story/449880.html

आपण सगळ्यांनी देवाचे आभार मानले पाहिजेत की त्याने आपल्याला सचिन युगात जन्माला घातले....

सचिनSSSSSSSSSSS सचिनSSSSSSSSSSS सचिनSSSSSSSSSSSS