आपल्या तब्येतीसाठी सोयाबीन खरंच चांगलं आहे का?

Submitted by नानबा on 25 January, 2010 - 16:46

बर्‍याचदा मायबोलीवर "सोयाबीन खावं" अशा अर्थाचं अनेकांनी लिहिलेलं वाचलं.

माझ्या एका रुममेट मुळे मलाही 'सोयामिल्क' ची चटक लागलेली मागे. त्यातुनही सोया हे तब्येती करता एकदमच 'बेश्ट' अशा समजात मी त्याआधी पासूनही वावरत होते. टोफु, कणकेमध्ये सोयाबीन्ची पूड मिसळणे, सोयामिल्क - म्हणजे एकदम 'भारी काम' असं वाटायचं.
पण पुढे हायपोथायरॉईड माणसानं 'काय खावं- काय खाऊ नये' ह्यावर माहिती मिळवताना सोयाबीन च्या वादविवादात पडले. मग सोयाच्या बाजूनं असणार्‍यांचही मत वाचलं आणि विरुद्ध असणार्‍यांचं पण.
जेव्हा मी दोन्ही weigh केलं - तेव्हा मी स्वतः सोया खाणार नाही अशा मताची झाले. (आधीच मी हायपोथायरॉईड आहे - बाकीचे हार्मोन्सही धुमाकुळ घालतच असतात - त्यामुळे ज्याची खात्री नाही त्याच्या वाटेला जाऊन प्रोब्लेम्स वाढवून घेऊ नयेत- असं मला वाटलं)

मला मुख्य वाटलेले मुद्दे म्हणजे
अ. थायरॉईडची गडबड
ब. इस्ट्रोजिन जास्त होतं
क. वरच्या ब ह्या कारणामुळे तर विरुद्ध असणारे म्हणतात की लहान बाळांना सोया फॉर्म्युला देणं म्हणजे लहानपणीच 'बर्थ कंट्रोल पिल' देण्यासारखं आहे!
ड. नैसर्गिक अवस्थेत सापडणारं सोया खाण्याच्या लायकीचं नसतं - त्यामुळे त्याच्यावर जी काही प्रक्रिया होते - त्यामुळे सोया स्वतःही जेनेटिकली मॉडिफाय होतं (जेनेटिकली मॉडिफाय होण्याचे स्वतःचेही अनेक तोटे असतात) + त्याला खाण्यायोग्य बनवण्यासाठीची इतर प्रोसेस.
ई. सोया खाल्यावर, काही मिनरल्स (ह्यात लोहही आलं)चं अ‍ॅब्सॉर्प्शन नीट होत नाही शरीराकडून .

विरुद्ध असणारे म्हणतात की ही बिलियन डॉलर्सची इन्डस्ट्री आहे त्यामुळे ह्याचा भरपूर प्रसार केला जातो 'हेल्दी' म्हणून.

खाली मी रेफर केलेल्यातल्या (सोयाच्या विरुद्ध असणार्‍या) काही लिंक्स आहेत.
http://www.healingdaily.com/detoxification-diet/soy.htm
http://www.skrewtips.com/2009/08/27/soy-good-bad/
http://www.sunherb.com/is_soy_good_for_you.htm
http://planetgreen.discovery.com/food-health/soybean-good-fact-fiction.html
http://www.soyonlineservice.co.nz/

तुमचं काय मत आहे? कुणाला डायरेक्ट अनुभव आहे का? नक्की लिहा!

विषय: 
शब्दखुणा: 
Group content visibility: 
Public - accessible to all site users

सोया मिल्क, टोफु सगळं झकास लागतं. आम्ही टोफु चांगलं मायक्रोवेव्ह करून सॅलड मधे घालतो. प्रोटीन्स जास्त असतात एव्हढेच माहित बाकीची माहिती आजच कळली बुवा!

अति तिथे माती.. तसे सोयाबिनचे करु नका.. माझ्या मते सोयाबिन 'तुझ्या वाचुन करमेना' त्यातला प्रकार नाही.. सोयाबिनमध्ये प्रोटिन्स असले तरी त्याचे शरिरात absorb व्हायचे प्रमाण कमी आहे.. प्रोटिन्स साठी एव्हढी धडपड करायची असेल (जिमसाठी वगैरे), तर सरळ whey proteins नावची मेडिक्ल्समध्ये अथवा स्पोर्ट्स शॉपमध्ये पावडर मिळते ती घ्या..

गहू दळताना सोयाबीन तसेच न वापरता आधि भिजवून वाळवून थोडे भाजून मग दळणात टाकावे. किंवा सोयाबीनचे पीठ वेगळे याचप्रमाणे वापरावे, रसभाजीत, आमटीत, कसेही वापरता येते. याप्रकारे वापरले तर पचन चांगले होते, प्रोटिन्स absorb व्हायचे प्रमाण वाढते. रोज थोड्या प्रमाणात सोयाबीनचा वापर करावा.

आमच्या इथे सोयबिन चे पीथ मिळ्ते का ते माहित नाहि म्हनुन मि रोज तोफु मिक्स करते कणिक भिजवताना.
मि २ न्हि वेळेस वापरते. हे कित्पत योग्य आहे.

हल्ली महिन्यातुन ठराविक दिवसांमधेच फक्त चेहर्‍याची टि झोन मधली त्वचा शुष्क पडते व अक्षरशः एखादी साल निघावी तशी चेहर्‍याची त्वचा अत्यंत कोरडी होते व त्वचा पिल होते..हे सर्व होत असताना चेहर्‍याला सुज येणे व झोंबणे हि लक्षणे देखिल जोडीला असतात.यातच डोळ्याकडील भाग देखिल सामिल आहे .डोळ्याचा आजुबाजुचा भाग कोरडा पडतो व वरचेवर डोळा खाजवावा अस वाटत रहाते.....त्याच प्रमाणे शरिरावर असाधारण सुज येते सकाळी उठल्यावर पावलांवर सुज आहे हे लक्षात येते..पावले खुप दुखतात ...साधारण एखाद तासाने सगळ पुर्ववत होत .खाण्यापिण्यावर नियंत्रण असुनही वजन अनावश्यक वाढते आहे असे ध्यानी आले आहे....मला इस्ट्रोजेन कमी असल्याचे सांगण्यात आले आहे .तरी मला शक्य असल्यास मार्गदर्शन करावे

सुरताल,

तुमचा सुर आणि ताल दोन्ही चुकलेत इथे पोस्ट टाकताना. Uhoh

हा सोयाबीन च्या फायद्या-तोट्यांची चर्चा करणारा बीबी आहे. Uhoh

निंबुडा
डॉक्टरांनी सोयाचे सेवन जास्त प्रमाणात करा असा सल्ला दिला आहे म्हणुन मी इथे लिहिले पण घाईत मी डॉ च्या सल्ल्याचा उल्लेख करणे विसरले .गल्लत झाली......अंमळ समजून घेणे

जगातल्या सर्व अन्नपदार्थाचे काही ना काही दुष्परिणाम असतात.. एखादा अन्नपदार्थ न पचणे, त्याचे शोषण न होणे, त्यापासून काहीतरी तिसरेच रसायन तयार होणे, इथपासून त्याची अ‍ॅलर्जी असणे, असे ढीगभर साइड इफेक्ट असतात. अगदी दूध, भाज्या, अंडी, गहू, मासे.... काहीही घेतले तरी हे लागू होते. त्यामुळे सरसकट निष्कर्ष काढु नयेत.

आणि सगळ्यात महत्वाचं म्हणजे अन्नाचे/ औषधाचे फायदे तोटे समजणे हे अव्याहत सुरु असते.

आपला आहार हे औषध समजून खा. नाहीतर औषध अन्नाप्रमाणे खात बसायची पाळी येईल , अशी एक म्हण आहे. Happy

प्राण्यांच्या दुधाला सोयाबीन मिल्क पर्याय होईल का ?

मिल्क पावडरप्रमाणे सोया मिल्क पावडर मिळते का ?? त्याचे दही कसे करायचे ?

BLACKCAT, तुम्ही प्राण्यांच्या दुधाला पर्याय विचारत आहात??? डोळे चोळून तीन-तीनदा वाचला मी प्रतिसाद!
Vegan वगैरे व्हायचा विचार आहे की काय???

https://www.amazon.in/Urban-Platter-Milk-Powder-400g/dp/B06VSSX5P6?th=1 (मी वापरलेले नाही, तुम्ही विचारले म्हणून शोधून पाठवले.)

जपानमध्ये सोयाबीन हे स्टेपल डायट आहे

तुम्ही कधीतरी खात असाल तर काळजी करू नका

मी तर रोज सोया दूध दही करता येईल का विचारत आहे. त्यामुळे काळजी करू नका

Soyabean मुळ चीन चे पीक आहे आपण त्याचा वापर करायचा की नाही ते ठरवा..
चीन ला follow करता म्हणून सोयाबीन च वापर करणाऱ्या लोकांस देशद्रोही का ठरवू नये.
अशी नोटीस सरकार पाठवू शकते.

दररोज सोया दूध वापराने, सोयाबीनचे पदार्थ खाण्याने पौगंडावस्थेतील काही मुलांमध्ये (boys) gynaecomastia ची समस्या उद्भवू शकते, असे इंटरनेटवर वाचले आहे.

सोयाबीन च पीक इथे घेतलं जातं. मूळ कुठलंही का असेना, आपला पैसा चीन मध्ये जात नाही तो मिळतो भारतीयांना मग हा देशद्रोह कसा होतो...
मिरची , बटाटा, टोमॅटो हे ही बाहेरून आलेले पदार्थ आहेत... आपण खातोच की ते...

सोयाबीन तसे भारतात नवीन च आहे.आपल्या महाराष्ट्र मध्ये तर खूप च नवीन आहे.
३० एक वर्ष च झाली असतील.
त्या मुळे त्याचा आहारात कसा आणि कोणत्या फॉर्म मध्ये वापर करायचा हे ऐकीव माहिती वर च अवलंबून आहे.
सोयाबीन ही एक मेव तेलबी आहे त्याच्या पासून तेल काढण्याची रीत खूप वेगळी आहे.
सहज सोपी नाही.
अगदी पूर्ण जिल्ह्यात पण एक पण तशी सुविधा नाही.
बाकी शेंगदाणा,करडई आणि इतर ह्यांची वेगळी आहे.
सोयाबीन मध्ये असे एक chemical असते ते काढून टाकून च आहारात वापरणे सुरक्षित असते.
Direct आहारात सहभागी करता येत नाही.

>>>सोयाबीनच्या कोवळ्या शेंगा थोड्याशा उकडून मीठ लावून मस्त लागतात. एडमामे म्हणतात.
पोट कसलं पटकन भरतं त्यांनी.

कॉलेज मध्ये स्वीमिंग कॉम्पिटिशन खेळायचो तेंव्हा डायटिशन /कोच म्हणायचे सोया जास्त घेऊ नका- मेल बूब्स प्रॉब्लेम येऊ शकतो...

कॉलेज मध्ये स्वीमिंग कॉम्पिटिशन खेळायचो तेंव्हा डायटिशन /कोच म्हणायचे सोया जास्त घेऊ नका- मेल बूब्स प्रॉब्लेम येऊ शकतो...
त्यालाच gynecomastia म्हणतात

सोया चाप खावा. North मधे भरपुर खातात.
व्हेज मटण होता है वो- इति टिटु (ref - Sonu ki Titu ki Sweety movies) Happy

तारतम्य ठेवा भारतात सोयाबीन खूप नवीन आहे.आणि जपान मध्ये कोणत्या फॉर्म मध्ये आहारात समाविष्ट आहे ह्याची खरी माहिती मिळणे अवघड आहे
ब्लॅक कॅट काही जपान मध्ये गेलेले नाहीत.
अफवा च त्यांच्या पर्यंत पोचल्या आहेत.

चाप वेगळे

ते स्टॅर्टर म्हणून खातात

चाप म्हणजे सोया च्या पिठाचे भरपूर तेलात परतलेले मसालेदार मुटकुळे म्हणता येतील.मलाही आता आताच कळालाय पदार्थ.

Pages