आई करते अशा पद्धतिने लोणचे. खूप छान लागते.

यालाच लिंबाची कटकी असंही म्हणतात बहुतेक.

मस्तच मिनोती. मी पण आज करणार !

यम्म!
इतकी सोपी कृती माहीतच नव्हती. शिजवलेल्या लिंबाच्या लोणच्यबद्दल पण ढीगाने धन्यवाद मिनोती.

आम्ही करतो त्या लोणच्याची कृती अशी आहे:

२५ लिंबं घेऊन, चांगली धुवुन त्याच्या प्रत्येकी ८ फोडी कराव्यात. बिया काढल्या तरी चालेल, किंवा तशाच राहिल्या तरी हरकत नाही. ह्या फोडी एका बरणीत भरून वरून वाटी भर मीठ घालून ठेवावे. दुसर्‍या दिवशी बरणी हलवावी. जितके जास्त दिवस हे मिश्रण मुरवत ठेवू तितकं चांगलं. दुसर्‍या दिवशी फोडींना पुरेसं पाणी सुटलं नसेल तर थोडं अजून मीठ घालावं. किमान ५ दिवस तरी हे मिश्रण ठेवावं. लोणचं करायच्या दिवशी मोठ्या पातेल्यात साखरेचा एकतारी पाक करावा, त्यात आवडीनुसार लाल तिखट घालून पाक चांगला हलवावा, (अन्यथा लोणच्याला तिखटाचा कच्चट वास येतो.) मग त्यात बरणीतले मिश्रण ओतावे, परत चांगले हलवून चव घ्यावी, जे कमी असेल ते घालून गॅस बंद करावा. व्यवस्थित थंड झाल्यावर बरणीत भरावे. २-३ दिवसात लोणचे व्यवस्थित मुरून खाण्यास तयार...

थेट शिजवलेल्या लिंबाच्या फोडी (लोणच्यात) थोड्या चिवट लागतात, वरिल प्रकारे केल्यास तशा लागत नाहीत.

मिनोती, हाय!! कसलं दिसतंय ते लोणचं.. स्लर्र्र्र्र्र्र्र्र्प!!!

लिंबाचं एक इन्स्टन्ट लोणचं प्रेशर कूकरमध्ये शिट्या करून होतं. त्याची कृती कोणाला ठाऊक असेल तर यो.जा.टा.

सहीच! सगळ्या कृत्या करून पहावेसे वाट्टंयं.

आम्बट पदार्थाने माझे दात खूप आम्बतात. त्यामुले मी ते खात नाही. मला हल्ली ते आवडतही नाहीत.आंबट पदार्थ पाहिले तरी माझ्या अंगावर काटा येतो.

मिनोती,
मस्त दिसतय लोणचं. करुन बघीन. शिजवून करायच्या लोणच्यात मला एक शंका आहे, लिंबाच्या फोडी, साखर वगैरे एकत्र शिजवलं कि लिंबाची साल ताठर होते. (माझ्या सा बा म्हणतात कि ती टाकुन द्यायची आणि मला तर लिंबाची सालच आवडते खायला) बहुतेक दक्षिणाच्या कृतीने तसं होणार नाही ,साल मुरेल ना?

अरे वा झटपट आणि छान रेसिपी.

आगं ती साधं तिखट लोणचं म्हणत असेल. साध्या लिबांच्या लोणच्यात मी साखर नाही घालंत.

बघुनच पाणी सुट्लं तोंडाला..

मिनोती, मस्त इन्स्टंट लोणचं.

वर्षभराचं, मीठ्-साखर-लिंबं-अख्खे मिरं दाणे-ऊन असं लोणचं पण चवदार लागतं.

वा ! मस्तच !! नुसते बघुनच तोंडाला पाणी सुट्लेय.. आज केलेच पाहीजे.

मामी,

बारीक तिखट, मीठ आणि साखरेला अजून मिस्कर मधे फिरवून किती बारीक करणार. लिंबूसाठीच तेवढे मिस्कर हवे आहे इथे खरे तर...