छान रेसिपी दक्षिणा..
घोळूची भाजी झुपका/झुडुपाच्या स्वरूपात असते
अगं सगळ्याच पालेभाज्या अशाच असतात.. त्यामुळे घोळूच्या भाजीला काही दुसरे नाव असेल तर सांग किंवा ह्या भाजीचा एखादा फोटू असेल तर टाक ना.. म्हंजे नक्की कशी असते ही भाजी ते कळेल..

घोळू ची भाजी >>> म्हणजे भाजीचा घोळ बहुतेक

या भाजीला घोळ असे म्हणतात. इतर पालेभाज्यांप्रमाणे, खाली मूळ आणि वर पाने असा प्रकार नसतो कारण याचे खोड धावते असते आणि हि भाजी जमिनीवर पसरत जाते. ती तशीच उपटतात म्हणून तिचा गुंता झालेला असतो. लालसर देठ आणि साधारण गव्हाच्या दाण्याएवढीच आणि साधारण त्याच आकाराची हिरवी पाने असतात. हि भाजी सहज कुठेही आपोआप उगवते. पण ओळखता आली पाहिजे.
हि भाजी थोडीशी बुळबुळीत होते, म्हणून थोडा आंबट पदार्थ वा डाळ घालावी लागते. पोटासाठी हि भाजी चांगली, एकदातरी खावी वर्षातून.
याच भाजीची जरा मोठी पाने असलेली जात असते, त्याला म्हणतात, राजघोळ

फोटु टाका रे बाबानो.. मला मायाळु आणी घोळू.. सगळा गोंधळ होतो.

डहाणुकरांच्या लेखात ह्या दोन्ही भाज्यांचे खुप कौतुक वाचलेले.

याला 'चुई' ची भाजी म्हणतात नागपुर साईड ला.
- सुरुचि

भारीच मोठा घोळ आहे हा......
आज बाजारात फेरफटका मारुन पाहते कुठे दिसते का....

ही भाजी दूध घातल्यावर गोळा भाजीसारखी होते. <<

दूध घातलं की कशी गोळा भाजीसारखी होईल ? आधी तरी असेल किंवा दूध घालून थोडा वेळ शिजवलं की होईल ना ?

घोळुची भाजी खाल्याने माणुस घोळ करतो का. ( वेंधळेपणा) आणि मग वेंधळेपणाचा बाफ भरुन वाहतो का?

अहो मॅडम, तसे लोक सुज्ञ आहेतच तरीही तुम्ही

घोळूची भाजी नीट धुवून घ्यावी,....
कढईत तेल तापवून, ......
शिजल्यावर उतरवावी.

इत्यादी वाक्यं लिहीली आहेतच ना. आपण जर साध्या साध्या गोष्टी पण इतक्या सोप्या करुन लिहीतो (की ज्यायोगे त्या layman ला कळाव्यात) तर ही गोष्ट तर जास्त महत्वाची आहे.

"
भाजी वरिल प्रमाणे शिजल्यावर त्यात शेंगदाण्याचं कूट घालता येईल. पातळसर हवी असेल तर पाव वाटी दूध ही घालता येईल. ही भाजी दूध घातल्यावर गोळा भाजीसारखी होते.
"

समजा मला गोळाभाजी करायची आहे आणि मी तुमची वरील सूचना वाचून भाजी शिजल्यावर गॅसवरुन उतरवली, त्यात दूध टाकलं तर त्याचा गोळा होईल का ? नाही ना ? मग त्यासाठी अजून थोडा वेळ शिजवा असं लिहावं लागेल की नाही ?

असं माझं सोपं विवेचन आहे. तुम्हांला पटावं असं अजिबात नाही

दक्षिणा, या भाजीने कफ कमी होतो. तसेच ती अतिसारावर पण गुणकारी आहे. संस्कृतमधे लोणी, गुजराथीत लुणी, आणि हिंदीत कुल्का म्हणतात. इंग्रजीत गार्डन पर्सलेन आणि लॅटिनमधे, पोर्टतेका ओलेरसी, असे नाव आहे हिला.